1 ದಿನ ಬ್ಯಾಟರಿ ಬಾಳಿಕೆಯ ಶಿಯೋಮಿ ಲ್ಯಾಪ್‌ಟಾಪ್‌ಗೆ ಇಂಟರ್ನೆಟ್ ಕನೆಕ್ಷನ್‌ ಬೇಡ.! ಬೆಲೆ.?

'ಆಲ್ವೇಸ್ ಕನೆಕ್ಟೆಡ್'..?

ವಿಂಡೋಸ್ ಮತ್ತು ಕ್ವಾಲಕಮ್ ಒಂದಾಗಿ 'ಆಲ್ವೇಸ್ ಕನೆಕ್ಟೆಡ್' ಲ್ಯಾಪ್‌ಟಾಪ್ ವಿನ್ಯಾಸ ಮಾಡಿದ್ದು, ಇದರಲ್ಲಿ ಗ್ರಾಹಕರು ಲ್ಯಾಪ್‌ಟಾಪ್‌ನಲ್ಲಿ ಸೆಲ್ಯೂಲರ್ ಕೆನೆಷನ್ ಪಡೆಯಬಹುದಾಗಿದೆ. ಡೇಟಾಗಾಗಿ ಇತರೇ ಯಾವುದೇ ಮೂಲಗಳನ್ನು ಅವಲಂಬಿಸುವ ಅಗತ್ಯ ಇಲ್ಲ. ಸಿಮ್ ಕಾರ್ಡ್ ಮೂಲಕ ಅಲ್ಲಿಯೇ ಮೊಬೈಲ್ ಡೇಟಾ ಮಾದರಿಯಲ್ಲಿ ಇಂಟರ್‌ನೆಟ್ ಪಡೆಯಬಹುದಾಗಿದೆ. ಅಲ್ಲದೇ ಈ ಮಾದರಿಯ ಲ್ಯಾಪ್‌ಟಾಪ್‌ಗಳು ಅತೀ ದೀರ್ಘಕಾಲದ ಬ್ಯಾಟರಿ ಬಾಳಿಕೆಯನ್ನು ಹೊಂದಿರಲಿದೆ ಎನ್ನಲಾಗಿದೆ.

ಈಗಾಗಲೇ ಮಾರುಕಟ್ಟೆಯಲ್ಲಿದೆ:

ಶಿಯೋಮಿ ಈಗಾಗಲೇ ಮಾರುಕಟ್ಟೆಯಲ್ಲಿ ಮಿ ನೋಟ್ ಬುಕ್ ಏರ್‌ ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದ್ದು, ಇದರಲ್ಲಿ 4G ನೆಟ್‌ವರ್ಕ್‌ ಅನ್ನು ಕಾಣಬಹುದಾಗಿದೆ. ಇದರಲ್ಲಿ ಇಂಟೆಲ್ ಕೋರ್ ಪ್ರೋಸೆಸರ್ ಅನ್ನು ಅವಳಡಿಸಿದೆ. ಅಲ್ಲದೇ ಬೆಲೆಯೂ ತೀರಾ ಹೆಚ್ಚೆನು ಇಲ್ಲ ಎನ್ನಲಾಗಿದೆ.

ಸ್ನಾಪ್‌ಡ್ರಾಗನ್ ನೊಂದಿಗೆ:

ಸದ್ಯ ಮಾರುಕಟ್ಟೆಯಲ್ಲಿ 'ಆಲ್ವೇಸ್ ಕನೆಕ್ಟೆಡ್' ಲ್ಯಾಪ್‌ಟಾಪ್‌ ಟ್ರೆಂಡ್ ಆಗುತ್ತಿದ್ದು, ಈ ಹಿನ್ನಲೆಯಲ್ಲಿ ಶಿಯೋಮಿ ಸ್ನಾಪ್‌ಡ್ರಾಗನ್ 835 ಚಿಪ್‌ಸೆಟ್‌ ಹಾಗೂ ಇಂಟೆಲ್ ಪ್ರೋಸೆಸರ್ ಹೊಂದಿರುವ ದೀರ್ಘಕಾಲ ಬ್ಯಾಟರಿ ಬಾಳಿಕೆ ಬರುವ ಲಾಪ್‌ಟಾಪ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದೆ ಎನ್ನಲಾಗಿದೆ.

ಭಾರತದಲ್ಲಿ-ಬಜೆಟ್ ಬೆಲೆಯಲ್ಲಿ:

ಶಿಯೋಮಿ ಈಗಾಗಲೇ ಲ್ಯಾಪ್‌ಟಾಪ್‌ಗಳನ್ನು ಚೀನಾ ಸೇರಿದಂತೆ ವಿಶ್ವದ ಹಲವು ಮಾರುಕಟ್ಟೆಗಳಲ್ಲಿ ಮಾರಾಟ ಮಾಡುತ್ತಿದ್ದರೂ ಸಹ ಭಾರತೀಯ ಮಾರುಕಟ್ಟೆಗೆ ಯಾವುದೇ ಲ್ಯಾಪ್‌ಟಾಪ್‌ಗಳನ್ನು ಪರಿಚಯಿಸಿಲ್ಲ. ಆದರೆ ಲ್ಯಾಪ್‌ಟಾಪ್‌ಗಳಿಗೂ ಭಾರತ ದೊಡ್ಡ ಮಾರುಕಟ್ಟೆಯನ್ನು ಹೊಂದಿರುವ ಕಾರಣ ಇಲ್ಲಿ ಆಲ್ವೇಸ್ ಕನೆಕ್ಟೆಡ್ ಲ್ಯಾಪ್‌ಟಾಪ್‌ಗಳನ್ನು ಬಜೆಟ್ ಬೆಲೆಯಲ್ಲಿ ಪರಿಚಯಿಸಲಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.