ಏರ್‌ಟೆಲ್‌ನಿಂದ ದಿಟ್ಟ ನಿರ್ಧಾರ: ಇತರೆ ಟೆಲಿಕಾಂ ಕಂಪನಿಗಳಿಗಿಂತ ಅತೀ ಕಡಿಮೆ ಬೆಲೆಗೆ ಡೇಟಾ..!

| Published: Monday, December 18, 2017, 9:59 [IST]

ಭಾರತೀಯ ಟೆಲಿಕಾಂ ಲೋಕದಲ್ಲಿ ಅತೀ ಹೆಚ್ಚು ಮಂದಿ ಬಳಕೆದಾರರನ್ನು ಹೊಂದಿರುವ ಭಾರ್ತಿ ಏರ್‌ಟೆಲ್ ದಿಟ್ಟ ನಿರ್ಧಾರವೊಂದನ್ನು ತೆಗೆದುಕೊಂಡಿದೆ. ಈ ಮೂಲಕ ಟೆಲಿಕಾಂ ಮಾರುಕಟ್ಟೆಯಲ್ಲಿ ತನ್ನ ಡೇಟಾ ಬೆಲೆಯನ್ನು ಅತ್ಯಂತ ಕಡಿಮೆಗೆ ನಿಗಧಿ ಮಾಡಲು ಮುಂದಾಗಿದೆ. ಜಿಯೋ ಗಿಂತಲೂ ತನ್ನ ಒಂದು GB ಡೇಟಾ ಬೆಲೆಯನ್ನು ಕಡಿಮೆ ಮಾಡಿದೆ ಎನ್ನಲಾಗಿದೆ.

ಏರ್‌ಟೆಲ್‌ನಿಂದ ಇತರೆ ಟೆಲಿಕಾಂ ಕಂಪನಿಗಳಿಗಿಂತ ಅತೀ ಕಡಿಮೆ ಬೆಲೆಗೆ ಡೇಟಾ..!

ಓದಿರಿ: ಐಡಿಯಾ ಗ್ರಾಹಕರಿಗೆ ಬಿಟ್ಟರೇ ಬೇರೆಯಾರಿಗೂ ಇಲ್ಲ ಈ ಮಾದರಿಯ ಆಫರ್..!

ಎಲ್ಲಾ ಟೆಲಿಕಾಂ ಕಂಪನಿಗಳು ತಮ್ಮ ಗ್ರಾಹಕರಿಗೆ ಡೇಟಾ-ವಾಯ್ಸ್ ಕಾಲಿಂಗ್ ಸೇರಿಸಿ ಹೆಚ್ಚಿನ ಮೊತ್ತಕ್ಕೆ ಪ್ಲಾನ್‌ಗಳನ್ನು ಘೋಷಣೆ ಮಾಡುತ್ತಿರುವ ಸಂದರ್ಭದಲ್ಲಿ ಏರ್‌ಟೆಲ್‌ ರೂ. 50ಕ್ಕೂ ಕಡಿಮೆ ಬೆಲೆಗೆ ಡೇಟಾವನ್ನು ಮಾತ್ರವೇ ಬಳಕೆಗೆ ನೀಡಲು ಮುಂದಾಗಿದೆ. ಈ ಮೂಲಕ ತನ್ನ ಗ್ರಾಹಕರಿಗೆ ಕಡಿಮೆ ಬೆಲೆಗೆ ಉತ್ತಮ ಸೇವೆಯನ್ನು ನೀಡಲಿದೆ. ಇತರೆ ಟೆಲಿಕಾಂ ಕಂಪನಿಗಳಿಗಿಂತ ಭಿನ್ನವಾಗಿ ನಿಲ್ಲಲಿದೆ.

ರೂ.157ಕ್ಕೆ ಮೂರು GB ಹೈ ಸ್ಪೀಡ್ ಡೇಟಾ:

ಏರ್‌ಟೆಲ್ ಕೇವಲ ರೂ.157ಕ್ಕೆ ಮೂರು GB ಹೈ ಸ್ಪೀಡ್ ಡೇಟಾವನ್ನು ಬಳಕೆಗೆ ನೀಡಲಿದೆ ಎನ್ನಲಾಗಿದೆ. ಇಲ್ಲಿ ಗ್ರಾಹಕರಿಗೆ ಒಂದು GB ಡೇಟಾ ಬೆಲೆಯೂ ಟ್ಯಾಕ್ಸ್ ಕಳೆದು ನೋಡಿದರೆ ರೂ.50ಕ್ಕಿಂತಲೂ ಕಡಿಮೆ ಇರಲಿದೆ.

ಮೈ ಏರ್‌ಟೆಲ್ ಆಪ್‌ನಲ್ಲಿ ಕೊಡುಗೆ:

ಮೈ ಏರ್‌ಟೆಲ್‌ ಆಪ್ ನಲ್ಲಿ ಈ ಹೊಸ ಕೊಡುಗೆಯನ್ನು ತನ್ನ ಗ್ರಾಹಕರಿಗೆ ತಲುಪಿಸುವ ಕಾರ್ಯವನ್ನು ಏರ್‌ಟೆಲ್ ಮಾಡುತ್ತಿದೆ. ಮೈ ಏರ್‌ಟೆಲ್ ಆಪ್‌ನಲ್ಲಿ ಇದಕ್ಕಾಗಿ 'ಸ್ಪೆಷಲ್ ಆಫರ್ ಫಾರ್ ಯೂ' ಎನ್ನುವ ಆಯ್ಕೆಯೊಂದನ್ನು ನೀಡಿದೆ ಎನ್ನಲಾಗಿದೆ.

ಇದಲ್ಲದೇ ಇನ್ನೊಂದು ಪ್ಲಾನ್‌ ಇದೆ:

ಕೇವಲ ಒಂದು ದಿನಕ್ಕೆ ಒಂದು GB ಹೈಸ್ಪೀಡ್ ಡೇಟಾವನ್ನು ಏರ್‌ಟೆಲ್ ರೂ.49ಕ್ಕೆ ನೀಡುತ್ತಿದೆ. ಕೇವಲ ಒಂದೇ ದಿನಕ್ಕೆ ಅಗತ್ಯವಿರುವವರು ಈ ಪ್ಲಾನ್ ಅನ್ನು ಬಳಕೆ ಮಾಡಿಕೊಳ್ಳಬಹುದಾಗಿದೆ.

ಹೆಚ್ಚಿನ ಜನರನ್ನು ಸೆಳೆಯುವ ತಂತ್ರ:

ಕಡಿಮೆ ಬೆಲೆಗೆ ಡೇಟಾವನ್ನು ನೀಡುವ ಮೂಲಕ ಅತೀ ಹೆಚ್ಚಿನ ಜನರನ್ನು ಸೆಳೆಯುವ ಪ್ರಯತ್ನವನ್ನು ಏರ್‌ಟೆಲ್ ಮಾಡುತ್ತಿದೆ ಎನ್ನಲಾಗಿದೆ. ಈ ಮೂಲಕ ಬೇರೆ ಕಂಪನಿಗಳಿಗೆ ಸೆಡ್ಡು ಹೊಡೆಯಲು ಮುಂದಾಗಿದೆ ಎನ್ನುವ ಮಾತು ಕೇಳಿ ಬಂದಿದೆ.