ಪ್ಲಾನ್ ಆಯ್ತು ಈಗ ವೈ-ಫೈನಲ್ಲೂ ಜಿಯೋ ಕಾಪಿ ಮಾಡಿದ ಏರ್‌ಟೆಲ್: ಲಾಭ ಗ್ರಾಹಕರಿಗೆ..!

ಜಿಯೋ ಹಾದಿಯೇ ಏರ್‌ಟೆಲ್‌ ದಾರಿ:

ಈ ಹಿಂದೆ ಜಿಯೋ ಮಾದರಿಯ ಪ್ಲಾನ್ ಘೋಷಣೆ ಮಾಡಲು ಮುಂದಾದ ಏರ್‌ಟೆಲ್‌ ಈ ಬಾರಿ ಜಿಯೋ ತನ್ನ ಜಿಯೋ ಫೈ ಡಿವೈಸ್‌ ಅನ್ನು ರೂ. 999ಕ್ಕೆ ಮಾರಾಟ ಮಾಡಿದ ರೀತಿಯಲ್ಲಿಯೇ ಏರ್‌ಟೆಲ್‌ ಸಹ 4G ಹಾಟ್‌ಸ್ಪಾಟ್ ಬೆಲೆಯನ್ನು ಇಳಿಕೆ ಮಾಡಿದ್ದು, ರೂ. 999ಕ್ಕೆ ಮಾರಾಟ ಮಾಡಲು ಮುಂದಾಗಿದೆ.

ಸಿಮ್ ಹಾಕಬೇಕು:

ಏರ್‌ಟೆಲ್ 4G ಹಾಟ್‌ಸ್ಪಾಟ್ ನಲ್ಲ ಏರ್‌ಟೆಲ್ ಸಿಮ್ ಹಾಕಬೇಕಾಗಿದೆ. ಸಾಮಾನ್ಯ ಮೊಬೈಲ್‌ ನಂಬರ್‌ಗೆ ರೀಚಾರ್ಜ್ ಮಾಡುವ ರೀತಿಯಲ್ಲಿ ಈ ಹಾಟ್‌ಸ್ಪಾಟಿಗೂ ರೀಚಾರ್ಜ್ ಮಾಡಬೇಕಾಗಿದೆ. ಒಂದೇ ಸಂದರ್ಭದಲ್ಲಿ 10 ಡಿವೈಸ್‌ಗಳನ್ನು ಕನೆಕ್ಟ್ ಮಾಡಿಕೊಳ್ಳಬಹುದಾಗಿದೆ. 6 ಗಂಟೆಗಳ ಬ್ಯಾಟರಿ ಬ್ಯಾಕಪ್ ಇರಲಿದೆ.

ಅಮೆಜಾನ್‌ನಲ್ಲಿ ಮಾರಾಟ:

ಬೆಲೆ ಕಡಿತಗೊಂಡಿರುವ 4G ಹಾಟ್‌ಸ್ಪಾಟ್ ಶೀಘ್ರವೇ ಅಮೆಜಾನ್‌ನಲ್ಲಿ ಕಾಣಿಸಿಕೊಳ್ಳಲಿದ್ದು, ಜಿಯೋ ಫೈ ಸಾಧನಕ್ಕೆ ಹೆಚ್ಚಿನ ಸ್ಪರ್ಧೆಯನ್ನು ನೀಡಲಿದೆ ಎನ್ನಲಾಗಿದೆ. ಅಲ್ಲದೇ ಇದಕ್ಕಾಗಿಯೇ ಹೊಸ ಪ್ಲಾನ್ ಲಾಚ್ ಆಗುವ ಸಾಧ್ಯತೆ ಇದೆ.