ಧೋನಿ ಸ್ಮಾರ್ಟ್ ಬ್ಯಾಟಿನಿಂದ ಹರಿಯಲಿದೆ ರನ್ ಹೊಳೆ..! ಏನಿದು ಸ್ಮಾರ್ಟ್ ಬ್ಯಾಟ್, ಯಾಕಾಗಿ ಬಳಕೆ..?

ಸ್ಮಾರ್ಟ್ ಕ್ರಿಕೆಟ್ ಟೂರ್ನಮೆಂಟ್:

ಈ ಬಾರಿಯ ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯನ್ನು ಐಸಿಸಿ ಸ್ಮಾರ್ಟ್ ಕ್ರಿಕೆಟ್ ಟೂರ್ನಮೆಂಟ್ ಎಂದು ಕರೆದಿದ್ದು, ಇದಕ್ಕಾಗಿ ಹಲವು ರೀತಿಯಲ್ಲಿ ತಂತ್ರಜ್ಞಾನವನ್ನು ಬಳಸಿಕೊಳ್ಳಲು ಮುಂದಾಗಿದೆ. ಈ ತಂತ್ರಜ್ಞಾನಗಳು ಆಟದ ನಿಖರತೆಯನ್ನು ಹೆಚ್ಚಿಸುವುದಲ್ಲದೇ ಆಟಗಾರರಿಗೆ ತಮ್ಮ ಪ್ರದರ್ಶನವನ್ನು ಉತ್ತಮಗೊಳಿಸಲು ಸಹಾಯಕಾರಿಯಾಗಲಿದೆ.

ಹೊಸ ಮಾದರಿಯ ತಂತ್ರಜ್ಞಾನ ಬಳಕೆ:

2017ರ ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯಲ್ಲಿ ಹೊಸ ಮಾದರಿಯ ತಂತ್ರಜ್ಞಾನಗಳನ್ನು ಬಳಸಿಕೊಳ್ಳಲಾಗುತ್ತಿದೆ. ಒಟ್ಟು 8 ತಂಡಗಳಲ್ಲಿರುವ ಪ್ರಮುಖ ಮೂರು ಬ್ಯಾಟ್ಸ್ ಮಾನ್‌ಗಳು ಈ ಸ್ಮಾರ್ಟ್ ಬ್ಯಾಟ್ ಅನ್ನು ಬಳಸಲು ಐಸಿಸಿ ಅವಕಾಶ ಮಾಡಿಕೊಟ್ಟಿದೆ. ಅಲ್ಲದೇ ಸ್ಪೆಡರ್ ಕ್ಯಾಮ್ ನೊಂದಿಗೆ ಈ ಬಾರಿ ಡ್ರೋಣ್ ಕ್ಯಾಮೆರಾಗಳು ಮೈದಾನದಲ್ಲಿ ಹಾರಾಡಲಿದೆ. ಅದುವೇ ಮೊದಲ ಬಾರಿಗೆ.

LBW ನಿರ್ಧರಿಸಿಲು ಕ್ಯಾಮೆರಾ:

ಇದರೊಂದಿಗೆ LBW ತೀರ್ಪು ನೀಡಲು ಈ ಬಾರಿ ಕ್ಯಾಮೆರಾಗಳನ್ನು ಬಳಸಿಕೊಳ್ಳಲು ಮುಂದಾಗಿದ್ದು, ಇದಕ್ಕಾಗಿ ಹೊಸ ತಂತ್ರಜ್ಞಾನವನ್ನು ಬಳಸಿಕೊಳ್ಳಲಾಗಿದೆ. ಈ ಬಾರಿಯ ಟೂರ್ನಿಯಲ್ಲಿ ಅನೇಕ ತಂತ್ರಜ್ಞಾನಗಳು ಪ್ರಥಮವಾಗಿ ಕಾಣಿಸಿಕೊಳ್ಳಲಿದೆ.

ಟೀಂ ಇಂಡಿಯಾದಲ್ಲಿ ಸ್ಮಾರ್ಟ್ ಬ್ಯಾಟ್ ಬಳಸುವವರು ಯಾರು..?

ಸದ್ಯ ಪ್ರತಿ ತಂಡದ ಮೂರು ಸದಸ್ಯರು ಮಾತ್ರವೇ ಸ್ಮಾರ್ಟ್ ಬ್ಯಾಟ್ ಬಳಸುವ ಅವಕಾಶವನ್ನು ನೀಡಲಾಗಿದೆ. ಇದರಲ್ಲಿ ನಮ್ಮ ತಂಡದಲ್ಲಿ ಸ್ಮಾರ್ಟ್ ಬ್ಯಾಟ್ ಬಳಸುವವರು ಎಂದರೆ ನಾಯಕ ಕೊಹ್ಲಿ, ಮಾಜಿ ನಾಯಕ ಎಂ.ಎಸ್.ಧೋನಿ ಮತ್ತು ಆಲ್ ರೌಂಡರ್ ಯುವರಾಜ್ ಸಿಂಗ್.

ಮೊನ್ನೆ ಧೋನಿ ಸಿಕ್ಸ್ ಹೊಡೆದಿದ್ದು ಈ ಸ್ಮಾರ್ಟ್ ಬ್ಯಾಟಿನಲ್ಲೇ:

ಅಭ್ಯಾಸ ಪಂದ್ಯದಲ್ಲಿ ಅಬ್ಬರಿಸಿದ ಎಂ.ಎಸ್. ಧೋನಿ ಇದೇ ಸ್ಮಾರ್ಟ್ ಬ್ಯಾಟಿನಲ್ಲಿ ಸಿಕ್ಸರ್ ಸಿಡಿಸಿದ್ದರು. ಈ ಸ್ಮಾರ್ಟ್ ಬ್ಯಾಟ್ ಗಳು ಯಾವ ರೀತಿಯಲ್ಲಿ ಕಾರ್ಯನಿರ್ವಹಿಸಲಿದೆ ಎಂಬುದನ್ನು ಮುಂದೆ ತಿಳಿಯಲಿದೆ.