ನೀವು ಖರೀದಿಸಬಹುದಾದ 43 ಇಂಚಿನ ಸ್ಮಾರ್ಟ್‌ಟಿವಿಗಳು: ಫೀಚರ್ಸ್‌ ಏನು?

ನೂತನ ಟಿವಿ ಖರೀದಿಸುವ ಗ್ರಾಹಕರು ಬೆಲೆಯ ಬಗ್ಗೆ ಹಾಗೂ ಫೀಚರ್ಸ್‌ಗಳ ಬಗ್ಗೆ ಹೆಚ್ಚಿನ ಗಮನ ನೀಡುತ್ತಾರೆ. ಈ ನಿಟ್ಟಿನಲ್ಲಿ ಮಾರುಕಟ್ಟೆಯಲ್ಲಿ ಬಜೆಟ್ ದರದಲ್ಲಿ ಲಭ್ಯ ಇರುವ 43 ಇಂಚಿನ ಸ್ಮಾರ್ಟ್‌ಟಿವಿಗಳಿಗೆ ಡಿಮ್ಯಾಂಡ್‌ ಹೆಚ್ಚು. ಇಂದಿನ ಬಹುತೇಕ ಟಿವಿಗಳು ಹೆಚ್‌ಡಿ ಡಿಸ್‌ಪ್ಲೇ, ಡಾಲ್ಬಿ ಆಡಿಯೋ, ಓಟಿಟಿ ಆಪ್‌ ಆಯ್ಕೆಗಳನ್ನು ಒಳಗೊಂಡಿರುವುದನ್ನು ಗಮನಿಸಬಹುದು. ಈ ಲೇಖನದಲ್ಲಿ ಕೆಲವು 43 ಇಂಚಿನ ಸ್ಮಾರ್ಟ್‌ ಟಿವಿಗಳ ಬಗ್ಗೆ ಮಾಹಿತಿ ನೀಡಲಾಗಿದೆ ಮುಂದೆ ಓದಿರಿ.

LG ಸ್ಮಾರ್ಟ್‌ ಟಿವಿ

ಈ ಸ್ಮಾರ್ಟ್‌ ಎಲ್‌ಇಡಿ 43UQ8020PSB ಮಾಡೆಲ್‌ ಟಿವಿಯು 43 ಇಂಚಿನ ಉತ್ತಮ ಡಿಸ್‌ಪ್ಲೇಯನ್ನು ಹೊಂದಿದೆ. 4K ಅಲ್ಟ್ರಾ 3840x2160 ಪಿಕ್ಸೆಲ್‌ ರೆಸಲ್ಯೂಶನ್ ಡಿಸ್‌ಪ್ಲೇ ಆಯ್ಕೆ ಜೊತೆಗೆ 60 Hz ರಿಫ್ರೆಶ್ ದರ ಹೊಂದಿದೆ. 20 W ಸೌಂಡ್‌ ಔಟ್‌ಪುಟ್‌ ಆಯ್ಕೆಯ ಜೊತೆಗೆ ಆಟೋ ವಾಲ್ಯೂಮ್ ಲೆವೆಲಿಂಗ್ ಒಳಗೊಂಡಿದೆ. ಇದರ ಜೊತೆ ಗೇಮ್ ಆಪ್ಟಿಮೈಜರ್, ಡ್ಯಾಶ್‌ಬೋರ್ಡ್, ಅಂತರ್ನಿರ್ಮಿತ ಗೂಗಲ್‌ ಸಹಾಯಕ ಆಯ್ಕೆ ಸೇರಿದಂತೆ ಇನ್ನೂ ಹಲವಾರು ಫೀಚರ್ಸ್‌ ಗಳನ್ನು ಇದು ಒಳಗೊಂಡಿದೆ. 1.5GB RAM ಹಾಗೂ 8 GB ಆಂತರಿಕ ಸ್ಟೋರೇಜ್‌ ಆಯ್ಕೆಯಲ್ಲಿ ಈ ಸ್ಮಾರ್ಟ್‌ಟಿವಿ ಲಭ್ಯ ಇದೆ. ಇದರ ಬೆಲೆ 37,990. ರೂ.ಗಳು.

ಸ್ಯಾಮ್‌ಸಂಗ್‌ ಸ್ಮಾರ್ಟ್‌ಟಿವಿ

ಸ್ಯಾಮ್‌ಸಂಗ್‌ ಸ್ಮಾರ್ಟ್‌ಟಿವಿ 43 ಇಂಚಿನ ಕ್ರಿಸ್ಟಲ್ 4K ನಿಯೋ ಸರಣಿಯ ಅಲ್ಟ್ರಾ ಹೆಚ್‌ಡಿ ಸ್ಮಾರ್ಟ್ ಎಲ್‌ಇಡಿ ಡಿಸ್‌ಪ್ಲೇ ಹೊಂದಿದೆ. 3840 x 2160 ಪಿಕ್ಸೆಲ್‌ ರೆಸಲ್ಯೂಶನ್ ಡಿಸ್‌ಪ್ಲೇ ಜೊತೆಗೆ 50 Hz ರಿಫ್ರೆಶ್ ದರ ಪಡೆದುಕೊಂಡಿದೆ. 20 W ಸೌಂಡ್‌ ಔಟ್‌ಪುಟ್‌ ಆಯ್ಕೆಯ ಜೊತೆಗೆ ಡಾಲ್ಬಿ ಡಿಜಿಟಲ್ ಪ್ಲಸ್‌ನೊಂದಿಗೆ ಶಕ್ತಿಯುತ ಸ್ಪೀಕರ್‌ಗಳು ಇದರಲ್ಲಿವೆ. ಈ ಸ್ಮಾರ್ಟ್‌ಟಿವಿ ಹೆಚ್‌ಡಿಆರ್‌ 10+ ಅನ್ನು ಬೆಂಬಲಿಸುವ ಬೆಜೆಲ್-ಲೆಸ್ ಎಲ್‌ಇಡಿ ಪ್ಯಾನಲ್‌ ಆಯ್ಕೆಯನ್ನು ಒಳಗೊಂಡಿದೆ. ಇದು ಟಿವಿ ಆಟೋ ಗೇಮ್ ಮೋಡ್‌ ಅನ್ನು ಸಹ ಹೊಂದಿದೆ. 1.5GB RAM ಹಾಗೂ 8GB ಆಂತರಿಕ ಸ್ಟೋರೇಜ್‌ ಸಾಮರ್ಥ್ಯ ಪಡೆದಿದೆ. ಇದರ ಬೆಲೆ 33,990 ರೂ.ಗಳು.

ಮಿ ಸ್ಮಾರ್ಟ್‌ಟಿವಿ (Mi 108 cm )

ಈ 5X ಸರಣಿ 4K ಅಲ್ಟ್ರಾ HD ಎಲ್‌ಇಡಿ ಆಯ್ಕೆಯಲ್ಲಿ ಲಭ್ಯ ಇರುವ 43 ಇಂಚುಗಳು ಡಿಸ್‌ಪ್ಲೇ ಹೊಂದಿರುವ ಸ್ಮಾರ್ಟ್‌ಟಿವಿ 3840 x 2160 ಪಿಕ್ಸೆಲ್‌ ರೆಸಲ್ಯೂಶನ್ ಜೊತೆಗೆ 60 Hz ರಿಫ್ರೆಶ್ ದರದ ಆಯ್ಕೆ ಪಡೆದಿದೆ. 30W ಸೌಂಡ್‌ ಔಟ್‌ಪುಟ್‌ ಜೊತೆಗೆ ಡಾಲ್ಬಿ ಅಟ್ಮಾಸ್ ಆಯ್ಕೆ ಪಡೆದಿದೆ. ಈ ಮಿ 108 5X ಸರಣಿ ಸ್ಮಾರ್ಟ್ ಆಂಡ್ರಾಯ್ಡ್ ಟಿವಿ ಕೈಗೆಟುಕುವ ಬೆಲೆಯಲ್ಲಿ ಲಭ್ಯವಾಗಲಿದ್ದು. 2.0 GB RAM ಹಾಗೂ 16 GB ಆಂತರಿಕ ಸ್ಟೋರೇಜ್‌ ಸಾಮರ್ಥ್ಯದ ಆಯ್ಕೆಯನ್ನು ಪಡೆದಿದೆ. ಇದರ ಬೆಲೆ 29,990 ರೂ.ಗಳು.

ರೆಡ್‌ಮಿ ಸ್ಮಾರ್ಟ್‌ ಟಿವಿ

ಆಂಡ್ರಾಯ್ಡ್‌ 11 ಸರಣಿಯ ಈ ಸ್ಮಾರ್ಟ್‌ ಟಿವಿ 43 ಇಂಚುಗಳ ಎಲ್‌ಇಡಿ ಡಿಸ್‌ಪ್ಲೇ ಹೊಂದಿದೆ. 1920x1080 ಪಿಕ್ಸೆಲ್‌ ರೆಸಲ್ಯೂಶನ್ ಜೊತೆಗೆ 60 Hz ರಿಫ್ರೆಶ್ ದರದಲ್ಲಿ ಟಿವಿ ಲಭ್ಯವಿದೆ . 20 W ನ ಸೌಂಡ್‌ ಔಟ್‌ಪುಟ್‌ ಜೊತೆ ಸ್ಟಿರಿಯೊ ಸ್ಪೀಕರ್‌ಗಳನ್ನು ಇದು ಒಳಗೊಂಡಿದೆ. ಈ ಬೆಲೆಗೆ ಸಿಗುವ ಇತರೆ ಸ್ಮಾರ್ಟ್‌ಟಿವಿಗಳಿಗೆ ಇದನ್ನು ಹೋಲಿಕೆ ಮಾಡಿಕೊಂಡರೆ ಇದು ಉತ್ತಮ ಸ್ಪೀಕರ್‌ ಹೊಂದಿರುವ ಸ್ಮಾರ್ಟ್‌ಟಿವಿಯಾಗಿದೆ. ಬಳಕೆದಾರ ಸ್ನೇಹಿ ಇಂಟರ್ಫೇಸ್ ಹೊಂದಿರುವ ಇದು 1.0GB RAM ಆಯ್ಕೆಯನ್ನು ಪಡೆದಿದೆ. ಇದರ ಬೆಲೆ 23,990 ರೂ.ಗಳು.

ಒನ್ ಪ್ಲಸ್‌( OnePlus )

ಈ ಸ್ಮಾರ್ಟ್‌ಟಿವಿ 43 ಇಂಚುಗಳ ಡಿಸ್‌ಪ್ಲೇ ಹೊಂದಿದೆ. 1920x1080 ಪಿಕ್ಸೆಲ್‌ ರೆಸಲ್ಯೂಶನ್ ಜೊತೆಗೆ 60 Hz ರಿಫ್ರೆಶ್ ದರದ ಆಯ್ಕೆ ಪಡೆದಿದೆ. 20 W ಸೌಂಡ್‌ ಔಟ್‌ಪುಟ್‌ ಡಾಲ್ಬಿ ಆಡಿಯೋ ಹಾಗೂ ಡಾಲ್ಬಿ ಅಟ್ಮಾಸ್ ಡಿಕೋಡಿಂಗ್ ಫೀಚರ್ಸ್‌ ಒಳಗೊಂಡಿದೆ. ಈ ಎಲ್‌ಇಡಿ TV 43 Y1S ಅತ್ಯುತ್ತಮ ಗೇಮಿಂಗ್ ಸ್ಮಾರ್ಟ್‌ಟಿವಿ ಆಯ್ಕೆಗಳಲ್ಲಿ ಪ್ರಮುಖವಾಗಿದೆ. ಇದು 60Hz ರಿಫ್ರೆಶ್ ದರದೊಂದಿಗೆ ಉತ್ತಮ ಪ್ರದರ್ಶನವನ್ನು ನೀಡಲಿದೆ. 1.0GB RAM ಆಯ್ಕೆಯನ್ನು ಈ ಸ್ಮಾರ್ಟ್‌ಟಿವಿ ಪಡೆದಿದೆ. ಇದರ ಬೆಲೆ 24,999 ರೂ.ಗಳು.