ದುಬೈನಲ್ಲಿನ್ನು ಸ್ವಯಂಚಾಲಿತ ಏರ್‌ಟ್ಯಾಕ್ಸಿ ಸೇವೆ!..ಯಶಸ್ವಿ ಹಾರಾಟ ನಡೆಸಿದ ಏರ್‌ಟ್ಯಾಕ್ಸಿ!!

ಡ್ರೋಣ್‌ಗಳ ರೀತಿಯಲ್ಲಿಯೇ ವಾಯುಯಾನ ವಾಹನವೊಂದು ಅಭಿವೃದ್ದಿಯಾಗಬೇಕು ಅದರಲ್ಲಿ ಮಾನವರು ಸಂಚಾಯ ನಡೆಸಬೇಕು ಎನ್ನುವ ಕಲ್ಪನೆ ನಿಜವಾಗಿದೆ.! ಹೌದು, ಭವಿಷ್ಯದ ತಂತ್ರಜ್ಞಾನ ಹೊಂದಿರುವ ಸ್ವಯಂಚಾಲಿತ ಏರ್​ಟ್ಯಾಕ್ಸಿ ಯಶಸ್ವಿಯಾಗಿ ಪರೀಕ್ಷಾರ್ಥ ಹಾರಾಟ ಯಶಸ್ವಿಯಾಗಿ ನಡೆಸಿದೆ.!!

ಪೈಲೆಟ್ ಅಥವಾ ಮಾನವ ಹಸ್ತಕ್ಷೇಪವಿಲ್ಲದೆ ಹಾರಾಟ ಕೈಗೊಳ್ಳಬಲ್ಲ ವಿಶ್ವದ ಮೊದಲ ಏರ್​ಟ್ಯಾಕ್ಸಿ ಎಂಬ ಹೆಗ್ಗಳಿಕೆಗೆ ಏರ್​ಟ್ಯಾಕ್ಸಿ ಪಾತ್ರವಾಗಿದೆ.! ಮಂಗಳವಾರ ದುಬೈನ ಜುಮೈರಾ ಬೀಚ್ ಪಾರ್ಕ್​ನಲ್ಲಿ ದುಬೈ ಮಹಾರಾಜ ಶೇಖ್ ಹಮ್ದನ್ ಬಿನ್ ಮೊಹಮ್ಮದ್ ಬಿನ್ ರಶೀದ್ ಅಲ್ ಮಕ್ತುಂ ಅವರು ಸ್ವಯಂಚಾಲಿತ ಏರ್​ಟ್ಯಾಕ್ಸಿಯ (ಎಎಟಿ) ಮೊದಲ ಹಾರಾಟ ನಡೆಸಿದ್ದಾರೆ.!!

ರ್ಮನಿ ಮೂಲದ ವೋಲೋಕಾಪ್ಟರ್ ಸಂಸ್ಥೆ ವಿದ್ಯುತ್ ಸ್ವಯಂಚಾಲಿತ ಏರ್​ಟ್ಯಾಕ್ಸಿ (ಎಎಟಿ)ಅನ್ನು ತಯಾರಿಸಿದೆ. ಇಬ್ಬರು ಕುಳಿತುಕೊಳ್ಳಬಹುದಾದ ಸಾಮರ್ಥ್ಯ ಹೊಂದಿರುವ ಸ್ವಯಂಚಾಲಿತ ಏರ್​ಟ್ಯಾಕ್ಸಿ (ಎಎಟಿ) ಗಂಟೆಗೆ ಕನಿಷ್ಠ 50ರಿಂದ ಗರಿಷ್ಠ 100 ಕಿ.ಮೀ. ವೇಗದಲ್ಲಿ ಸಂಚರಿಸಬಲ್ಲದಾಗಿದೆ.!!

ಯುಎಇ ಸಾಮಾನ್ಯ ನಾಗರಿಕ ವಿಮಾನಯಾನ ಪ್ರಾಧಿಕಾರ ಮತ್ತು ದುಬೈ ನಾಗರಿಕ ವಿಮಾನಯಾನ ಪ್ರಾಧಿಕಾರದ ಸಹಕಾರದಲ್ಲಿ ಸ್ವಯಂಚಾಲಿತ ಏರ್​ಟ್ಯಾಕ್ಸಿ ಕಾರ್ಯನಿರ್ವಹಿಸಲಿದೆ.ಇನ್ನೈದು ವರ್ಷಗಳಲ್ಲಿ ಸಾರ್ವಜನಿಕ ಬಳಕೆಗೆ ಬಿಡುಗಡೆ ಮಾಡಲು ದುಬೈ ರಸ್ತೆ ಮತ್ತು ಸಾರಿಗೆ ಪ್ರಾಧಿಕಾರ (ಆರ್​ಟಿಎ) ಸಿದ್ಧತೆಗಳನ್ನು ಆರಂಭಿಸಿದೆ.

ಓದಿರಿ: 2 ದಿನಗಳು 'ದೀಪಾವಳಿ ವಿತ್ ಮಿ' ಭಾರಿ ಸೇಲ್!..1 ರೂ.ಗೆ ಗೆಲ್ಲಿ ಶಿಯೋಮಿ ಫೋನ್ಸ್!!