ಈ ಯಂತ್ರಕ್ಕೆ ನೀರು ತುಂಬಿ ಬಟನ್ ಒತ್ತಿದರೆ ಸಾಕು: ನಿಮ್ಮ ಶ್ರೀಮತಿ ಫುಲ್ ಖುಷ್.!!!

ಪ್ರಿಂಟರ್ ಮಾದರಿಯಲ್ಲಿದೆ:

ಸದ್ಯ ಮಾರುಕಟ್ಟೆಯಲ್ಲಿ ಎಲ್ಲರ ಕಣ್ಣಿಗೆ ಬೀಳುತ್ತಿರುವ ಐರೋಬೋಟ್ ಬ್ರಾವಾ ಜೆಟ್ 240, ಮನೆ ಓರೆಸುವ ರೋಬೋಟ್ ಆಗಿದೆ. ನೋಡಲು ನಿಮ್ಮ ಮನೆಯಲ್ಲಿರುವ ಪ್ರಿಂಟರ್ ಮಾದರಿಯಲ್ಲಿ ಕಾಣಿಸುವ ಈ ರೋಬೋಟ್ ನಿಮ್ಮ ಮನೆಯ ನೆಲವನ್ನು ನೀಟಾಗಿ ಓರೆಸಲಿದೆ.

ಆಪ್ ಸಹ ಇದೆ:

ಐರೋಬೋಟ್ ಬ್ರಾವಾ ಜೆಟ್ ಯಂತ್ರವನ್ನು ನಿಯಂತ್ರಿಸಲು ಆಪ್ ಸಹ ಲಭ್ಯವಿದೆ. ಈ ಆಪ್ ಮೂಲಕ ನೀವು ಆಫೀಸ್ ನಲ್ಲಿ ಕುಳಿತು ಯಂತ್ರಕ್ಕೆ ನಿಮ್ಮ ಮನೆಯನ್ನು ಸ್ವಚ್ಚಗೊಳಿಸುವಂತೆ ಆದೇಶ ನೀಡಿ ಕಾರ್ಯ ಮಾಡಿಸಬಹುದಾಗಿದೆ.

ಬುದ್ದಿವಂತ ಕೆಲಸಗಾರ:

ಇದು ಹಿಂದಿನ ನಿಮ್ಮ ಮನೆ ಕೆಲಸದವರಂತೆ ಕೆಲಸಗಳ್ಳತನವನ್ನು ಮಾಡುವುದಿಲ್ಲ. ನೀವು ಕೊಟ್ಟ ಕಾರ್ಯವನ್ನು ತೀರಾ ಅಚ್ಚುಕಟ್ಟಾಗಿ ಮಾಡಲಿದೆ. ನೀವು ಈ ಯಂತ್ರಕ್ಕೆ ನೀರು ತುಂಬಿ ಬಟನ್ ಒತ್ತಿದರೆ ಸಾಕು. ತಾನೇ ಇಡೀ ಮನೆಯಲ್ಲಾ ಓಡಾಡಿಕೊಂಡು ತಾನೇ ನೀರು ಹಾಕಿಕೊಂಡು ಸ್ವಚ್ಛವಾಗಿವರೆಸಲಿದೆ.

ಬ್ಯಾಟರಿ ಚಾರ್ಜ್ ಮಾಡಬೇಕು:

ಹಿಂದೆ ನೀವು ನಿಮ್ಮ ಮನೆಗೆಲಸದವರಿಗೆ ಊಟ-ತಿಂಡಿ ಕೊಡುತ್ತಿದಿರೋ ಇಲ್ಲವೇ ಇದಕ್ಕಾಗಿ ಮಾತ್ರ ಊಟದ ಮಾದರಿಯಲ್ಲಿ ಬ್ಯಾಟರಿ ಚಾರ್ಜ್ ಮಾಡಿ ಹಾಕಬೇಕು ಅಷ್ಟೆ.

ಸ್ಮಾರ್ಟ್‌ ಕೆಲಸ:

ಒಮ್ಮೆ ಒಂದು ರೂಮಿನಲ್ಲಿ ಕೂಡಿ ಹಾಕಿ ಕೆಲಸ ಮಾಡು ಎಂದು ಬಿಟ್ಟರೆ ಇಡೀ ರೂಮ್ ಅನ್ನು ಸುತ್ತಾಡಿ ಕೆಲಸ ಮುಗಿಸುತ್ತದೆ. ಕುರ್ಚಿ, ಮೇಜು, ಮಂಚದ ಕೆಳಗೆಯೂ ಸರಾಗವಾಗಿ ಜಾರಿಕೊಂಡು ಹೋಗಿ ನೆಲವನ್ನು ಸ್ಚಚ್ಛ ಗೊಳಿಸುತ್ತದೆ. ತಾನು ಕಾರ್ಯ ನಿರ್ವಹಿಸುತ್ತಿರುವ ಜಾಗದಲ್ಲಿ ಅಡೆ-ತಡೆಗಳು ಇದ್ದರೇ ಅನ್ನು ಸ್ಮಾರ್ಟ್ ರೀತಿಯಲ್ಲಿ ದಾಟಿಕೊಂಡು ಕಾರ್ಯನಿರ್ವಹಿಸುತ್ತಿದೆ. ಹೋಗಿ ಗೋಡೆಗೆ, ಮಂಚದ ಕಾಲಿಗೆ ಗುದ್ದಿಕೊಂಡು ಮೈ-ಕೈ ನೋವು ಮಾಡಿಕೊಳ್ಳುವುದಿಲ್ಲ.

ಬೆಲೆ ಎಷ್ಟು..? ಏನೇನಿದೆ..?

ಈ ರೋಬೋಟ್ ಪ್ರಿಂಟರ್ ಮಾದರಿಯಲ್ಲಿ ಸಣ್ಣ ಪೆಟ್ಟಿಗೆ ಮಾದರಿಯಲ್ಲಿ, ಇದು ಕಾರ್ಯನಿರ್ವಹಿಸಬೇಕು ಎಂದರೆ ವೈ-ಫೈ ಇರಬೇಕು ಮತ್ತು ಕ್ಯಾಮೆರಾ ಸಹ ಇದರಲ್ಲಿದೆ. ಇದರ ಸಹಾಯದಿಂದಲೇ ಮನೆತುಂಬ ಇದು ಓಡಾಡಲಿದೆ. ಇದರಲ್ಲಿ 1950mAh ಬ್ಯಾಟರಿಯನ್ನು ಅಳವಡಿಸಲಾಗಿದೆ. ಒಮ್ಮೆ ಚಾರ್ಜ್ ಮಾಡಿದರೆ ಸುಮಾರು 2 ಗಂಟೆ ಕೆಲಸ ಮಾಡಲಿದೆ. ಇದರ ಬೆಲೆ ರೂ.19,900 ಆಗಿದೆ.