ಬಿಡುಗಡೆಯಾಗಿದೆ MI ಕಂಪನಿಯ ಹೊಸ 'ಸ್ಪೋರ್ಟ್ಸ್ ಶೂ'.!

ಗುಣಮಟ್ಟದಲ್ಲಿ ರಾಜಿ ಇಲ್ಲ

ಶಿಯೋಮಿ ಹೊಸದಾಗಿ ಬಿಡುಗಡೆ ಮಾಡಿರುವ ಸ್ಪೋರ್ಟ್ಸ್ ಶೂ ಉತ್ತಮ ಗುಣಮಟ್ಟವನ್ನು ಹೊಂದಿದ್ದು, ಇನ್ 1 ಮೋಲ್ಡಿಂಗ್ ತಂತ್ರಜ್ಞಾನವನ್ನು ಬಳಸಲಾಗಿದೆ. ಶೂ ಗಳು ಬೇಗನೆ ಸವೆದು ಹೋಗಬಾರದೆಂದು ಇದರಲ್ಲಿ ಐದು ವಿಧಧ ಮೆಟಿರಿಯಲ್‌ಗಳನ್ನು ಬಳಸಿದ್ದಾರೆ ಹೀಗಾಗಿ ಉತ್ತಮ ಬಾಳಕೆ ಬರುತ್ತವೆ ಎಂದು ಹೇಳಲಾಗುತ್ತಿದೆ.

3D ಇಲಾಸ್ಟಿಕ್

ಸ್ಪೋರ್ಟ್ಸ್ ಶೂ ಆಗಿರುವುದರಿಂದ ಅತ್ಯುತ್ತಮ ಗ್ರೀಪ್ ಒದಗಿಸಲಾಗಿದ್ದು, ಇದರೊಂದಿಗೆ 3D ಇಲಾಸ್ಟಿಕ್ ಇರುವ ಮೆಟಿರಿಯಲ್ ಉಪಯೋಗಿಸಿದ್ದಾರೆ. ಈ ಶೂ ಗಳನ್ನು ತೊಳೆಯಬಹುದಾದ ಮತ್ತು ಪಾದಗಳಿಗೆ ಹಿತಕಾರ ಅನುಭವ ನೀಡುವ ಫ್ಯಾಬ್ರಿಕ್ ಮೆಟಿರಿಯಲ್ ಅನ್ನು ಉಪಯೋಗಿಸಲಾಗಿದೆ. ಬಳಕೆಗೆ ತುಂಬಾ ಹಗುರವಾಗಿವೆ.

ಬೆಲೆ

ಕಡಿಮೆ ಬೆಲೆಗೆ ಉತ್ತಮ ಗುಣಮಟ್ಟದ ಉತ್ಪನ್ನಗಳನ್ನು ಪರಿಚಯಿಸುವುದಕ್ಕೆ ಹೆಸರಾಗಿರುವ ಶಿಯೋಮಿ ಕಂಪನಿಯು ಹೊಸದಾಗಿ ಬಿಡುಗಡೆ ಮಾಡಿರುವ ಸ್ಪೋರ್ಟ್ಸ್ ಶೂ ಬೆಲೆಯಲ್ಲಿಯೂ ಡಿಸ್ಕೌಂಟ್ ನೀಡುತ್ತಿದೆ. ಶೂ ಬೆಲೆ 2,999 ರೂ.ಗಳಾಗಿದ್ದು, ಶಿಯೋಮಿ 500ರೂ.ಗಳ ಡಿಸ್ಕೌಂಟ್ ನೀಡುತ್ತಿದೆ ಈ ಡಿಸ್ಕೌಂಟ್ ಕೆಲವೇ ದಿನಗಳವರೆಗೆ ಮಾತ್ರ ಇರಲಿದೆ ಎನ್ನಲಾಗುತ್ತಿದೆ.

ಶಿಯೋಮಿಯ ಲೆಕ್ಕಾಚಾರ ಏನು?

ಭಾರತೀಯ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ ಹಿಡಿತ ಸಾಧಿಸಿರುವ ಶಿಯೋಮಿ ಕಂಪನಿಯು ಇದೀಗ ಲೈಫ್‌ಸ್ಟೈಲ್ ವಿಭಾಗದಲ್ಲಿ ಸದ್ಧು ಮಾಡಲು ಯೋಚಿಸಿದ್ದು, ಅದಕ್ಕಾಗಿ ಟಿ-ಶರ್ಟ್ ನಿಂದ ಹಿಡಿದು ಪರ್ಸ್‌ವರೆಗೂ ಎಲ್ಲ ಬಗೆಯ ಉತ್ಪನ್ನಗಳನ್ನು ಗ್ರಾಹಕರಿಗೆ ಪರಿಚಯಿಸುತ್ತಿದೆ. ಈ ಮೂಲಕ ಭಾರತದ ಮಾರುಕಟ್ಟೆಯಲ್ಲಿಯೂ ತನ್ನ ಪ್ರಾಬಲ್ಯ ಹೊಂದುವ ಆಲೋಚನೆ ಇರಬಹುದು ಎನ್ನಲಾಗುತ್ತಿದೆ.