ರಾತ್ರಿ ಮಲಗಲು ನೆರವು ನೀಡುವ ಆಂಡ್ರಾಯ್ಡ್ ಮೊಬೈಲಿನ ಸಂಗೀತ ತನ್ನಿಂತಾನೇ ಬಂದ್ ಆಗಲು ಐದು ಕ್ರಮ ಅನುಸರಿಸಿ

Sleep Timer (Turn music off)ಆಪ್ ಹುಡುಕಿ

ಗೂಗಲ್ ಪ್ಲೇ ನಲ್ಲಿ ಹುಡುಕಾಟ ನಡೆಸಿ Sleep Timer (Turn music off) ಎಂಬ ಆಪ್ ಅನ್ನು ನಿಮ್ಮ ಮೊಬೈಲಿನಲ್ಲಿ ಪ್ರತಿಷ್ಠಾಪಿಸಿ. ಇದು ಉಚಿತ ತಂತ್ರಾಂಶವಾಗಿದ್ದು ಕಡಿಮೆ ಸ್ಮರಣಶಕ್ತಿಯನ್ನು ಬಳಸುವುದರಿಂದ ಯಾವುದೇ ಅಳುಕಿಲ್ಲದೇ ಕಡಿಮೆ ಮೆಮೊರಿ ಇರುವ ಮೊಬೈಲುಗಳಲ್ಲಿಯೂ ಸ್ಥಾಪಿಸಬಹುದು.

ಇನ್ಸ್ಟಾಲ್ ಆದ ಬಳಿಕ ತೆರೆಯಿರಿ.

ಈ ಆಪ್ ತೆರೆದ ಬಳಿಕ ಇದರಲ್ಲಿರುವ ವೃತ್ತಾಕಾರದ ಬಟನ್ ಮೇಲೆ ಒಂದು ಬಾರಿ ಕುಟ್ಟಿ. ಈಗ ಎಷ್ಟು ನಿಮಿಷದ ಬಳಿಕ ಆಫ್ ಮಾಡಬೇಕು ಎಂಬ ಸಮಯವನ್ನು ನಿಮ್ಮ ಅನುಕೂಲಕ್ಕೆ ತಕ್ಕಂತೆ ಬದಲಿಸಲು ಹಳದಿ ಬಟನ್ ಅನ್ನು ವೃತ್ತದ ಪರಿಧಿಯನ್ನು ಅನುಸರಿಸಿ ಜಾರಿಸಿ.

ಸಂಗೀತ ಪ್ರಾರಂಭಿಸಿ

ಈಗ ನಿಮ್ಮ ನೆಚ್ಚಿನ ಸಂಗೀತವನ್ನು ನಿಮ್ಮ ಆಯ್ಕೆಯ ಮ್ಯೂಸಿಕ್ ಪ್ಲೇಯರ್ ಆಪ್ ಬಳಸಿ ಪ್ರಾರಂಬಿಸಿ. ಗೂಗಲ್ ಪ್ಲೇ ಮ್ಯೂಸಿಕ್, ಸಾವನ್, ಸ್ಪೋಟಿಫೈ, ಒಟ್ಟಾರೆ ಯಾವುದೂ ನಡೆಯುತ್ತದೆ.

ಆಪ್ ಒಳಗಿರುವ ಮ್ಯೂಸಿ ಪ್ಲೇಯರನ್ನೂ ಬಳಸಬಹುದು.

ಒಂದು ವೇಳೆ ನಿಮಗೆ ಇತರ ಪ್ಲೇಯರ್ ನಡೆಸುವಷ್ಟು ವ್ಯವಧಾನವಿಲ್ಲದಿದ್ದರೆ ಈ ಆಪ್ ಒಳಗೇ ಸ್ಥಾಪಿಸಲ್ಪಟ್ಟಿರುವ ಮ್ಯೂಸಿಕ್ ಆಯ್ಕೆಯನ್ನು ಬಳಸಬಹುದು. ದೊಡ್ಡ ವೃತ್ತದ ಕೆಳಗೆ ಇರುವ ಸಾಮಾನ್ಯ ಪ್ಲೇ ಬಟನ್ ಒತ್ತಿ ಪ್ರಾರಂಭಿಸಿ. ಈಗ ಇನ್ನು ಎಷ್ಟು ನಿಮಿಷ ಸಂಗೀತ ನಡೆಯಲಿಕ್ಕಿದೆ ಎಂಬುದನ್ನ ಕೌಂಟ್ ಡೌನ್ ಟೈಮರ್ ತೋರಿಸುತ್ತದೆ.

ಹೆಚ್ಚು ಸಮಯ ನಡೆಯಬೇಕೆಂದಿದ್ದರೆ ಸಮಯ ಹೆಚ್ಚಿಸಿ

ನಿಗದಿತ ಸಮಯಕ್ಕೆ ಮ್ಯೂಸಿಕ್ ಆಫ್ ಆಗುತ್ತದೆ. ಆದರೆ ಇದುವರೆಗೆ ನಿದ್ದೆ ಬರದೇ ಇದ್ದು ಇನ್ನೂ ಕೊಂಚ ಹೊತ್ತು ಸಂಗೀತ ಆಲಿಸಲು ಉತ್ಸುಕರಾಗಿದ್ದರೆ ಕೆಳಗಿರುವ ಎಕ್ಸ್ಟೆಂಡ್ ಎಂಬ ಬಟನ್ ಒತ್ತಿ ನಿಮ್ಮ ಅನುಕೂಲಕ್ಕೆ ತಕ್ಕಷ್ಟು ಹೆಚ್ಚುವರಿ ಸಮಯವನ್ನು ಮತ್ತೊಮ್ಮೆ ಆಯ್ದುಕೊಳ್ಳಬಹುದು.