ಒಮ್ಮೆಗೆ ಒಂದಕ್ಕಿಂತ ಹೆಚ್ಚು ಜಿಯೋ ಫೋನ್ ಬುಕ್ ಮಾಡುವುದು ಹೇಗೆ..?

ಒಬ್ಬರಿಗೆ ಒಂದೇ ಫೋನ್:

ಈಗಾಗಲೇ ಜಿಯೋ ಫೋನ್ ಪರಿಚಯಿಸುವ ಸಂದರ್ಭದಲ್ಲಿಯೇ ಒಬ್ಬರಿಗೆ ಒಂದೇ ಫೋನ್ ದೊರೆಯಲಿದೆ. ಕಾರಣ ಬೇಡಿಕೆ ಹೆಚ್ಚಿರುವುದರಿಂದ ಎನ್ನಲಾಗಿದೆ. ಈ ಹಿನ್ನಲೆಯಲ್ಲಿ ನಿಮಗೆ ಒಂದಕ್ಕಿಂತ ಹೆಚ್ಚಿನ ಫೋನ್ ಬೇಕಾಗಿದ್ದಲ್ಲಿ ಅದನ್ನು ಹೇಗೆ ಪಡೆಯುವುದು ಎಂಬುದನ್ನು ಮುಂದೆ ನೋಡುವ.

ಆನ್‌ಲೈನಿನಲ್ಲಿ ಮಾತ್ರವೇ ಸಾಧ್ಯ:

ಮೊದಲಿಗೆ ಜಿಯೋ ವೆಬ್‌ಸೈಟಿಗೆ ಭೇಟಿ ನೀಡಿ, ವೆಬ್‌ಸೈಟಿನಲ್ಲಿ ಹಾಕಿರುವ ' ಇಂಡಿಯಾ ಕಾ ಸ್ಮಾರ್ಟ್‌ಫೋನ್ ಜಿಯೋ ಫೋನ್' ಚಿತ್ರದೊಂದಿಗೆ ಇರುವ '"Keep me posted" ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ. ಅಲ್ಲಿ ವೈಯಕ್ತಿಕ ಮತ್ತು ಬಿಸನೆಸ್ ಎಂಬ ಎರಡು ಆಯ್ಕೆಗಳು ಕಾಣಿಸಿಕೊಳ್ಳಲಿದೆ.

ಬಿಸನೆಸ್ ಆಯ್ಕೆ ಮಾಡಿಕೊಳ್ಳಿ:

ಬಿಸನೆಸ್ ಆಯ್ಕೆ ಮಾಡಿಕೊಂಡ ನಂತರದಲ್ಲಿ ನಿಮ್ಮ ಮಾಹಿತಿಗಳನ್ನು ಅಲ್ಲಿ ತುಂಬಿರಿ, ಅಲ್ಲದೇ ನಿಮಗೆ ಎಷ್ಟು ಫೋನ್‌ಗಳು ಬೇಕು ಎಂಬುದನ್ನು ನಿರ್ಧರಿಸಿ. ಒಂದಕ್ಕಿಂತ ಹೆಚ್ಚಿನ ಫೋನ್ ಬುಕ್ ಮಾಡಬೇಕಾಗಿದ್ದರೇ ಪ್ಯಾನ್ ಕಾರ್ಡ್ ಸಂಖ್ಯೆಯನ್ನು ಕಡ್ಡಾಯವಾಗಿ ನಮೂದಿಸಬೇಕು.

ಒಪ್ಪಿಗೆ ಸೂಚಿಸಿ:

ಅಲ್ಲಿ ಕೇಳಿರುವ ಮಾಹಿತಿಯನ್ನು ತುಂಬಿದ ನಂತರ ಟರ್ಮ್ಸ್ ಅಂಡ್ ಕಂಡಿಷನ್ ಆಯ್ಕೆಯ ಮೇಲೆ ಒಪ್ಪಿಗೆ ಸೂಚಿಸಿ ಇಷ್ಟು ಮಾಡಿದ ನಂತರದಲ್ಲಿ ನಿಮ್ಮ ರಿಕ್ವೇಸ್ಟ್ ಅನ್ನು ಸಬ್‌ಮಿಟ್ ಮಾಡಿರಿ.

50 ಕೋಟಿ ಪೋನ್ ಮಾರಾಟ:

ರಿಲಯನ್ಸ್ ಮಾಲೀಕತ್ವದ ಜಿಯೋ ಹೊಸದಾಗಿ ಬಿಡುಗಡೆ ಮಾಡಲಿರುವ ಜಿಯೋ ಫೋನ್ ಅನ್ನು ಸುಮಾರು 50 ಭಾರತೀಯರ ಕೈಗೆ ಸೇರಿಸಲು ಮುಂದಾಗಿದೆ. 2G-3G ಗ್ರಾಹಕರಿಗೆ 4G ಸೇವೆಯ ರುಚಿ ತೋರಿಸಲು ಮುಂದಾಗಿದೆ.