ಗೂಗಲ್‌ ಖಾತೆಗೆ ಟು ಸ್ಟೇಪ್‌ ವೇರಿಫಿಕೇಶನ್‌ ಸಕ್ರಿಯಗೊಳಿಸಲು ಈ ಕ್ರಮ ಅನುಸರಿಸಿ!

ಗೂಗಲ್ ಖಾತೆಯ ಭದ್ರತಾ ವೈಶಿಷ್ಟ್ಯಗಳಲ್ಲಿ ಎರಡು-ಹಂತದ ಪರಿಶೀಲನೆಯನ್ನು ಒದಗಿಸಲಾಗಿದೆ. ಇದು ಖಾತೆಗೆ ಹೆಚ್ಚುವರಿ ಸುರಕ್ಷತೆಯನ್ನು ಸೇರಿಸುತ್ತದೆ. ಗೂಗಲ್ ಖಾತೆಯನ್ನು ಪ್ರವೇಶಿಸಲು ಬಳಕೆದಾರ ಹೆಸರು ಮತ್ತು ಪಾಸ್‌ವರ್ಡ್ ಅಗತ್ಯವಿದೆ. ಆದಾಗ್ಯೂ, ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಬರುವ ಎರಡು-ಹಂತದ ಪರಿಶೀಲನೆಯು ಆನ್ ಆಗಿರುವಾಗ ಪಾಸ್‌ವರ್ಡ್ ಜೊತೆಗೆ OTP ಪಾಸ್‌ವರ್ಡ್ ಸಹ ಅಗತ್ಯವಾಗಿರುತ್ತದೆ. ಈ ಫೀಚರ್ ಇತರೆ ಗೂಗಲ್‌ ಸಂಪರ್ಕಿತ ಅಪ್ಲಿಕೇಶನ್‌ಗಳನ್ನು ಸುರಕ್ಷಿತಗೊಳಿಸುತ್ತದೆ. ಹಾಗಾದರೆ ಎರಡು-ಹಂತದ ಪರಿಶೀಲನೆ ಸಕ್ರಿಯಗೊಳಿಸುವುದು ಹೇಗೆ? ಮುಂದೆ ಓದಿರಿ.

ಎರಡು-ಹಂತದ ಪರಿಶೀಲನೆ ಸಕ್ರಿಯಗೊಳಿಸಲು ಹೀಗೆ ಮಾಡಿ:

* ನೀವು ಮೊದಲು ನಿಮ್ಮ ಗೂಗಲ್‌ ಖಾತೆಯನ್ನು ತೆರೆಯಬೇಕು.
* ಅದರ ನಂತರ, ಮೇಲಿನ ಬಲಭಾಗದಲ್ಲಿರುವ ನಿಮ್ಮ ಫೋಟೋವನ್ನು ಕ್ಲಿಕ್ ಮಾಡಿ.
* ಇಲ್ಲಿ ನೀವು ನಿಮ್ಮ ಗೂಗಲ್‌ ಖಾತೆಯನ್ನು ನಿರ್ವಹಿಸಿ ಆಯ್ಕೆಯನ್ನು ಆರಿಸಬೇಕಾಗುತ್ತದೆ.
* ಈಗ ನೀವು ನ್ಯಾವಿಗೇಷನ್ ಪ್ಯಾನೆಲ್‌ನಲ್ಲಿ ಸೆಕ್ಯುರಿಟಿ ಆಯ್ಕೆಯನ್ನು ಆರಿಸಬೇಕಾಗುತ್ತದೆ.
* ಹೊಸ ಪುಟದಲ್ಲಿ, ಸೈನಿಂಗ್‌ ಇನ್‌ಟು ಗೂಗಲ್‌ ಆಯ್ಕೆಯಲ್ಲಿ 2 ಹಂತದ ಪರಿಶೀಲನೆಯನ್ನು ಆಯ್ಕೆಮಾಡಿ.

* ಈಗ ನೀವು ನಿಮ್ಮ ಖಾತೆಯ ಪಾಸ್‌ವರ್ಡ್ ಅನ್ನು ನಮೂದಿಸಬೇಕು.
* ಪ್ರಾಂಪ್ಟ್‌ಗಳು, ಸೆಕ್ಯುರಿಟಿ ಕೀಗಳು, ಟೆಕ್ಸ್ಟ್‌ ಮೆಸೆಜ್‌ಗಳು, ವಾಯಿಸ್‌ ಕರೆಗಳಂತಹ ಸೈನ್ ಇನ್ ಮಾಡಲು ಇಲ್ಲಿ ನಿಮಗೆ ಹಲವು ಆಯ್ಕೆಗಳನ್ನು ನೀಡಲಾಗುವುದು ಮತ್ತು ನೀವು ಇವುಗಳಲ್ಲಿ ಯಾವುದನ್ನಾದರೂ ಆಯ್ಕೆ ಮಾಡಬಹುದು.
* ಈ ಪ್ರಕ್ರಿಯೆಯನ್ನು ಮಾಡಿದ ನಂತರ, ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ.
* ಸ್ವಲ್ಪ ಸಮಯದ ನಂತರ, ನಿಮ್ಮ ಫೋನ್‌ನಲ್ಲಿ OTP ಬರುತ್ತದೆ, ಅದನ್ನು ನೀವು ಬಾಕ್ಸ್‌ನಲ್ಲಿ ತುಂಬಬೇಕು ಮತ್ತು ಆನ್ ಮಾಡುವ ಆಯ್ಕೆಯನ್ನು ಕ್ಲಿಕ್ ಮಾಡಬೇಕು.

* ಈ ಪ್ರಕ್ರಿಯೆಯ ನಂತರ, ನೀವು ಬ್ಯಾಕಪ್ ಕೋಡ್‌ಗಳು, ದೃಢೀಕರಣ ಅಪ್ಲಿಕೇಶನ್ ಮತ್ತು ಭದ್ರತಾ ಕೀ (ಹೆಚ್ಚುವರಿ ಬ್ಯಾಕಪ್ ಹಂತಗಳು) ಹೊಂದಿಸಬಹುದಾದ ಹೊಸ ಪುಟಕ್ಕೆ ನಿಮ್ಮನ್ನು ಕರೆದೊಯ್ಯಲಾಗುತ್ತದೆ.
* ಈ ಹಂತಗಳನ್ನು ಅನುಸರಿಸುವ ಮೂಲಕ ನಿಮ್ಮ ಗೂಗಲ್‌ ಖಾತೆಯಲ್ಲಿ 2 ಹಂತದ ಪರಿಶೀಲನೆಯನ್ನು ನೀವು ಸುಲಭವಾಗಿ ಸಕ್ರಿಯಗೊಳಿಸಬಹುದು. ಇದು ನಿಮ್ಮ ಗೂಗಲ್‌ ಖಾತೆಯನ್ನು ಸುರಕ್ಷಿತಗೊಳಿಸುತ್ತದೆ.

ಬಳಕೆದಾರರು ಗೂಗಲ್‌ ಖಾತೆಯನ್ನು ವಿವಿಧ ಉದ್ದೇಶಗಳಿಗಾಗಿ ಬಳಸುತ್ತಿರಬಹುದು. ಭಿನ್ನ ಅಪ್ಲಿಕೇಶನ್‌ಗಳು ಮತ್ತು ಸೇವೆಗಳಿಗೆ ಲಾಗ್ ಇನ್ ಮಾಡಲು ನಿಮ್ಮ ಗೂಗಲ್‌ ಖಾತೆಯನ್ನು ಬಳಸುವುದು ಸುಲಭ. ಹಾಗೆಯೇ ಸೆಕ್ಯುರ್‌ ಕನೆಕ್ಷನ್‌ ನಿಮ್ಮ ಗೂಗಲ್‌ ಖಾತೆಯನ್ನು ಸುರಕ್ಷಿತವಾಗಿಡಲು ಸುರಕ್ಷಿತ ಸಂಪರ್ಕವನ್ನು ಬಳಸುವುದು ಮುಖ್ಯವಾಗಿದೆ. ಪಾಸ್‌ವರ್ಡ್ ಅಗತ್ಯವಿದ್ದರೂ ಸಾರ್ವಜನಿಕ ನೆಟ್‌ವರ್ಕ್‌ಗಳನ್ನು ಬಳಸದಂತೆ ಗೂಗಲ್‌‌ ಎಚ್ಚರಿಸಿದೆ. ನೀವು ಯಾವುದೇ ಒಂದು ಬಳಸಬೇಕಾದರೆ ಸೈಟ್‌ಗೆ ನಿಮ್ಮ ಸಂಪರ್ಕವು ಸುರಕ್ಷಿತವಾಗಿದ್ದರೆ ಸರ್ಚ್‌ ಬಾರ್‌ನಲ್ಲಿ ಗೂಗಲ್‌ ನಿಮಗೆ ಎಚ್ಚರಿಕೆ ನೀಡುತ್ತದೆ.