'ಗೂಗಲ್‌ ಪ್ಲೇ ಸ್ಟೋರ್‌'ನಲ್ಲಿ ಖರೀದಿಯ ಹಣ ರೀಫಂಡ್‌ ಪಡೆಯುವುದು ಹೇಗೆ?

ಆಪ್‌ ಅಥವಾ ಗೇಮ್‌ಗೆ ಸಂಬಂಧಿಸಿದಂತೆ ಅಸಮಾಧಾನವನ್ನು ಅಭಿವೃದ್ದಿಗಾರರಿಗೆ ತಿಳಿಸಿ, ರೀಫಂಡ್‌ ಪಡೆಯಲು ಕೇಳಿಕೊಳ್ಳಬಹುದು. ಆದರೆ ರೀಫಂಡ್‌ ಮಾಡುವುದು ಮಾತ್ರ ಅವರ ವಿವೇಚನೆಗೆ ಬಿಟ್ಟಿದ್ದು.

ಆಪ್‌ ಅಭಿವೃದ್ದಿಗಾರರ ಸಂಪರ್ಕ ವಿಳಾಸ ಪ್ಲೇ ಸ್ಟೋರ್‌ನಲ್ಲಿ ಆಪ್‌ ಪರಿಚಯದ ಕೆಳಗೆ ಇರುತ್ತದೆ. ರೀಫಂಡ್‌ಗಾಗಿ ಕನ್ವಿಂನ್ಸ್‌ ಮಾಡಬಹುದು.

ಗೂಗಲ್‌ ಪ್ಲೇ ಸ್ಟೋರ್‌ನಲ್ಲಿ ಯಾವುದೇ ಆಪ್‌ ಅನ್ನು ಖರೀದಿಸುವ ಮುನ್ನ ರೀಫಂಡ್‌ ಪಾಲಿಸಿಯನ್ನು ತಿಳಿದುಕೊಳ್ಳಿ. ಗೂಗಲ್ ಮೊದಲ 2 ಗಂಟೆಗಳಲ್ಲಿ ಸುಲಭ ರೀಫಂಡ್ ಪಾಲಿಸಿಯನ್ನು ಆಪ್‌ ಖರೀದಿಗೆ ಹೊಂದಿದೆ. ಆಪ್‌ ಖರೀದಿಸಿದ 2 ಗಂಟೆಗಳಲ್ಲಿ ಖರೀದಿದಾರರು ಸಂಪೂರ್ಣ ಹಣ ಹಿಂಪಡೆಯಬಹುದು.

ಸಂಪೂರ್ಣ ರೀಫಂಡ್‌ಗಾಗಿ ನಿಮ್ಮ ಆಂಡ್ರಾಯ್ಡ್ ಡಿವೈಸ್‌ನಲ್ಲಿ ಪ್ಲೇ ಸ್ಟೋರ್‌ ಓಪನ್‌ ಮಾಡಿ menu button>>My account>>my Orders>>Locate the app to be refunded>>ಆಪ್ ಖರೀದಿಸಿ ಇನ್ನೂ 2 ಗಂಟೆಗಳು ಆಗಿಲ್ಲ ಎಂದರೆ 'Refund' ಆಪ್ಶನ್ ಕಾಣುತ್ತದೆ>> ಅದನ್ನು ಕ್ಲಿಕ್ ಮಾಡಿ. ಗೂಗಲ್‌ ಸಂಪೂರ್ಣ ಹಣವನ್ನು ರೀಫಂಡ್‌ ಮಾಡುತ್ತದೆ. ಆಪ್‌ ಅನ್ನು ಅನ್‌ಇನ್‌ಸ್ಟಾಲ್‌ ಮಾಡಿ.

ಆಪ್‌ ಅಭಿವೃದ್ದಿಗಾರರು ರೀಫಂಡ್ ಬೇಡಿಕೆಯನ್ನು ತಿರಸ್ಕರಿಸಿದರೆ, ನಂತರ ನೀವು ಗೂಗಲ್‌ ಪ್ಲೇ ಗ್ರಾಹಕ ಸೇವೆಯಲ್ಲಿ ಮನವಿ ಮಾಡಬಹುದು. ಆದರೆ ನೀವು ನಿಖರವಾದ ಮತ್ತು ಉತ್ತಮವಾದ ಕಾರಣಗಳನ್ನು ನೀಡಿದರೆ, ನಂತರ ಗೂಗಲ್‌ ನಿಮ್ಮ ಹಣವನ್ನು ರೀಫಂಡ್‌ ಮಾಡಬೇಕೋ, ಬೇಡವೋ ಎಂಬುದನ್ನು ತೀರ್ಮಾನ ಮಾಡುತ್ತದೆ.

ಗೂಗಲ್‌ನಲ್ಲಿ ರೀಫಂಡ್‌ ರಿಕ್ವೆಸ್ ಮಾಡಲು , ಗೂಗಲ್‌ ಪ್ಲೇ ಹೆಲ್ಪ್‌ ವೆಬ್‌ಸೈಟ್‌ಗೆ ಭೇಟಿ ನೀಡಿ>> ನಂತರ Contackt us ಆಪ್ಶನ್‌ ಕ್ಲಿಕ್ ಮಾಡಿ>> Android apps and games ಟ್ಯಾಪ್‌ ಮಾಡಿ>> ರೀಫಂಡ್‌ ರಿಕ್ವೆಸ್ಟ್ ಮಾಡಿ. ಈಗ ಗ್ರಾಹಕ ಗೂಗಲ್‌ ಅನ್ನು ಫೋನ್, ಎಸ್‌ಎಂಎಸ್‌, ಇಮೇಲ್‌ ಮುಖಾಂತರ ಸಂಪರ್ಕಿಸಬಹುದು.

ಕ್ರೆಡಿಟ್‌ ಕಾರ್ಡ್ ಅಥವಾ ಪೇಪಾಲ್‌ಗಳಿಗೆ, 3-5 ಬ್ಯುಸಿನೆಸ್‌ ದಿನಗಳನ್ನು ರೀಫಂಡ್‌ಗಾಗಿ ತೆಗೆದುಕೊಳ್ಳುವುದಾಗಿ ಗೂಗಲ್‌ ಹೇಳಿದೆ. ಗೂಗಲ್‌ ಪ್ಲೇ ಬ್ಯಾಲೆನ್ಸ್ ಅಥವಾ ಗೂಗಲ್‌ ವಾಲೆಟ್ ಬ್ಯಾಲೆನ್ಸ್ , ಕೇವಲ ಒಂದು ದಿನನಲ್ಲಿ ನಿಮ್ಮ ಖಾತೆಗೆ ಹಣ ರೀಫಂಡ್‌ ಮಾಡುತ್ತದೆ.