ಒದ್ದೆ ಫೋನ್‌ಗೆ ಪರಿಣಾಮಕಾರಿ ಪ್ರಥಮ ಚಿಕಿತ್ಸೆ ಹೇಗೆ?

ಹಂತ: 1

ಮೊದಲಿಗೆ ಫೋನ್ ಅನ್ನು ಆಫ್ ಮಾಡಿ ಮತ್ತು ಅದನ್ನು ತಲೆಕೆಳಗಾಗಿ ಇರಿಸಿ.

ಹಂತ: 2

ಫೋನ್ ಕೇಸ್ ಬೇರ್ಪಡಿಸಿ, ಎಸ್‌ಡಿ ಕಾರ್ಡ್ ಮತ್ತು ಸಿಮ್ ಕಾರ್ಡ್‌ಗಳನ್ನು ಹೊರತೆಗೆಯಿರಿ.

ಹಂತ: 3

ಫೋನ್‌ನ ಹಿಂಭಾಗವನ್ನು ತೆರೆದು ಬ್ಯಾಟರಿ ಹೊರತೆಗೆಯಿರಿ. ಕೆಲವೊಂದು ಫೋನ್‌ಗಳಲ್ಲಿ ಇದು ಸಾಧ್ಯವಿಲ್ಲ ಎಂಬುದು ನೆನಪಿರಲಿ. ಆದ್ದರಿಂದ ಬ್ಯಾಟರಿ ಹೊರತೆಗೆಯಬಹುದಾದ ಫೋನ್‌ನಲ್ಲಿ ಹೀಗೆ ಮಾಡಿ.

ಹಂತ: 4

ಬಟ್ಟೆಯಿಂದ ಫೋನ್ ಅನ್ನು ಚೆನ್ನಾಗಿ ಒರೆಸಿ. ಆದಷ್ಟು ನೀರು ಒಣಗುವಂತೆ ಚೆನ್ನಾಗಿ ಒರೆಸಿ.

ಹಂತ: 5

ಇನ್ನು ನೀರು ಫೋನ್‌ನ ಆಳವಾದ ಜಾಗವನ್ನು ಪ್ರವೇಶಿಸಿದೆ ಎಂದಾದಲ್ಲಿ ವಾಕ್ಯುಮ್ ಅನ್ನು ಬಳಸಿ ನೀರು ಹೀರುವಂತೆ ಮಾಡಿ.

ಹಂತ: 6

ಒದ್ದೆ ಫೋನ್‌ಗೆ ಸರಿಯಾದ ಮದ್ದು ಎಂದರೆ ಅದು ಅಕ್ಕಿಯಾಗಿದೆ. ಒಂದು ಪ್ಲಾಸ್ಟಿಕ್ ಬಾಕ್ಸ್‌ನಲ್ಲಿ ಸ್ವಲ್ಪ ಅಕ್ಕಿ ತೆಗೆದುಕೊಂಡು ಅದರಲ್ಲಿ ಫೋನ್ ಅನ್ನು ಹುದುಗಿಸಿಡಿ. ಫೋನ್‌ನಲ್ಲಿರುವ ನೀರನ್ನು ಅಕ್ಕಿ ಹೀರಿಕೊಳ್ಳುತ್ತದೆ.

ಹಂತ: 7

ಫೋನ್ ಡ್ರೈಯಿಂಗ್ ಪೌಚ್ ಅನ್ನು ನೀವು ಹೊಂದಿದ್ದಲ್ಲಿ ಅದನ್ನು ಬಳಸಿ. ಇಲೆಕ್ಟ್ರಾನಿಕ್ ಅಂಗಡಿಗಳಲ್ಲಿ ಇದು ಲಭ್ಯವಿರುತ್ತದೆ.

ಹಂತ: 8

ಫೋನ್ ಆದಷ್ಟು ಒಣಗಲಿ. ಆ ಸಮಯದಲ್ಲಿ ಇನ್ನೊಂದು ಫೋನ್ ಅನ್ನು ಬಳಸಿ.

ಹಂತ: 9

ಒಂದು ಅಥವಾ ಎರಡು ದಿನಗಳ ನಂತರ, ಬ್ಯಾಟರಿಯನ್ನು ಫೋನ್‌ಗೆ ಸೇರಿಸಿ ಆನ್ ಮಾಡಿ. ಈ ಸಮಯದಲ್ಲಿ ಎಲ್ಲವೂ ಸರಿಯಾಗಿ ಕೆಲಸ ಮಾಡುತ್ತಿದೆಯೇ ಎಂಬುದನ್ನು ಗಮನಿಸಿ. ಸ್ಪೀಕರ್ ಮತ್ತು ಟಚ್ ಸ್ಕ್ರೀನ್ ಅನ್ನು ಪರಿಶೀಲಿಸಿಕೊಳ್ಳಿ.

ಹಂತ: 10

ಇನ್ನು ಫೋನ್ ಕಾರ್ಯನಿರ್ವಹಿಸುತ್ತಿಲ್ಲ ಎಂದಾದಲ್ಲಿ ಬ್ಯಾಟರಿಗೆ ಸಮಸ್ಯೆಯುಂಟಾಗಿದೆ ಎಂಬುದನ್ನು ಮನಗಾಣಿ. ಈ ಸಮಯದಲ್ಲಿ ಬೇರೆ ಬ್ಯಾಟರಿಯನ್ನು ಬಳಸಿ. ಇನ್ನೂ ಈ ಸಲಹೆಗಳು ಕಾರ್ಯನಿರ್ವಹಿಸಿಲ್ಲ ಎಂದಾದಲ್ಲಿ ವೃತ್ತಿನಿರತ ಫೋನ್ ರಿಪೇರಿದಾರರನ್ನು ನೀವು ಸಂಪರ್ಕಿಸಬೇಕಾಗುತ್ತದೆ.