ವಾಟ್ಸಾಪ್‌ನಲ್ಲಿ 16MB ಗಿಂತ ಹೆಚ್ಚಿನ ಸೈಜ್‌ನ ವೀಡಿಯೊ ಸೆಂಡ್ ಹೇಗೆ?

ಆಂಡ್ರಾಯ್ಡ್ ಬಳಕೆದಾರರು

ಹಂತ 1: ಮೊದಲಿಗೆ ಗೂಗಲ್‌ ಪ್ಲೇ ಸ್ಟೋರ್‌ನಿಂದ 'ಆಂಡ್ರಾಯ್ಡ್ ವೀಡಿಯೊ ಕನ್ವರ್ಟರ್' ಆಪ್‌ ಅನ್ನು ನಿಮ್ಮ ಡಿವೈಸ್‌ಗೆ ಇನ್‌ಸ್ಟಾಲ್‌ ಮಾಡಿಕೊಳ್ಳಿ.

ಹಂತ 2: ಆಪ್‌ ಡೌನ್‌ಲೋಡ್‌ ಮಾಡಿ ಇನ್‌ಸ್ಟಾಲ್ ಮಾಡಿದ ನಂತರ ಓಪನ್ ಮಾಡಿ.

ಹಂತ 3: ಆಪ್‌ ಓಪನ್‌ ಆದ ನಂತರ ಒಮ್ಮೆಯೇ ಆಪ್‌ ಸ್ವಯಂಕೃತವಾಗಿ ಎಲ್ಲಾ ವೀಡಿಯೊ ಫೈಲ್‌ಗಳನ್ನು ನಿಮ್ಮ ಫೋನ್‌ ಮೆಮೊರಿಯಿಂದ ಸ್ಕ್ಯಾನ್‌ ಮಾಡಿಕೊಳ್ಳುತ್ತದೆ. ಸ್ಕ್ಯಾನ್ ಆಗದಿದ್ದಲ್ಲಿ ನೀವೇ ಮ್ಯಾನುವಲಿ ಸ್ಕ್ಯಾನ್‌ ಮಾಡಿ.

ಹಂತ 4: ಒಮ್ಮೆ ವೀಡಿಯೊ ಫೈಲ್‌ಗಳನ್ನು ಸೆಲೆಕ್ಟ್ ಮಾಡಿದ ನಂತರ, ಆಪ್ಟಿಮೈಜ್‌ ಆಪ್ಶನ್ ಮೇಲೆ ಕ್ಲಿಕ್ ಮಾಡಿ. ಈ ಆಪ್‌ನಲ್ಲಿ MP4 ನಿಂದ 3gp ಫೈಲ್‌ನ ಆಪ್ಶನ್‌ಗಳವರೆಗೂ ಫೈಲ್‌ ಅನ್ನು ನೀಡುತ್ತದೆ.

ವಿಂಡೋಸ್‌ ಡಿವೈಸ್‌ ಬಳಕೆದಾರರು

ಹಂತ 1: ನೀವು ವಿಂಡೋಸ್‌ ಡಿವೈಸ್‌ ಬಳಕೆದಾರರಾಗಿದ್ದಲ್ಲಿ, ಕಡ್ಡಾಯವಾಗಿ 'ವಾಟ್ಸಾಪ್ ವೀಡಿಯೊ ಆಪ್ಟಿಮೈಜರ್' ಆಪ್‌ ಅನ್ನು ವಿಂಡೋಸ್‌ ಸ್ಟೋರ್‌ನಿಂದ ಡೌನ್‌ಲೋಡ್‌ ಮಾಡಿಕೊಳ್ಳಬೇಕು.

ಹಂತ 2: ಆಪ್‌ ಇನ್‌ಸ್ಟಾಲ್ ಆದ ನಂತರ, ವೀಡಿಯೊ ಫೈಲ್‌ ಅನ್ನು ಆಯ್ಕೆ ಮಾಡಿ ಆಪ್ಟಿಮೈಜ್ ಬಟನ್ ಕ್ಲಿಕ್ ಮಾಡಿ

ಹಂತ 3: ಈ ಆಪ್‌ ಒಮ್ಮೆಯೇ ಹಲವು ವೀಡಿಯೊಗಳನ್ನು ಗುಣಮಟ್ಟ ಕುಸಿಯದಂತೆ ಕಂಪ್ರೆಸ್ ಮಾಡುತ್ತದೆ.

ಐಓಎಸ್ ಬಳಕೆದಾರರು

ಹಂತ 1: ಐಓಎಸ್ ಬಳಕೆದಾರರು ವಾಟ್ಸಾಪ್ ವೀಡಿಯೊ ಕನ್ವರ್ಟರ್‌ ಅನ್ನು 'iTunes Play Store'ನಿಂದ ಡೌನ್‌ಲೋಡ್ ಮಾಡಿಕೊಳ್ಳಿ.

ಹಂತ 2: ಆಪ್‌ ಇನ್‌ಸ್ಟಾಲ್ ಆದ ನಂತರ, ಆಪ್‌ ಓಪನ್ ಮಾಡಿ ಕಂಪ್ರೆಸ್ ಮಾಡಬೇಕಾದ ವೀಡಿಯೋವನ್ನು ಸೆಲೆಕ್ಟ್ ಮಾಡಿ.

ಹಂತ 3: ವೀಡಿಯೊ ಫೈಲ್‌ ಸೆಲೆಕ್ಟ್ ಮಾಡಿದ ನಂತರ, ಆಪ್ಟಿಮೈಜ್‌ ಬಟನ್ ಕ್ಲಿಕ್ ಮಾಡಿ ಕನ್ವರ್ಟ್‌ ಮಾಡಿ.