LIC IPO ಷೇರು ಹಂಚಿಕೆಯ ಸ್ಟೇಟಸ್‌ ತಿಳಿಯಲು ಹೀಗೆ ಮಾಡಿ!

ಭಾರತೀಯ ಜೀವ ವಿಮಾ ನಿಗಮದ (LIC) ಬಹು ನಿರೀಕ್ಷಿತ ಆರಂಭಿಕ ಸಾರ್ವಜನಿಕ ಕೊಡುಗೆ (IPO) ಈಗಾಗಲೆ ಮುಕ್ತಾಯಗೊಂಡಿದೆ. ಹಾಗೆಯೇ ಎಲ್‌ಐಸಿ ಐಪಿಓ ಷೇರು ಹಂಚಿಕೆಯನ್ನು ಪ್ರಕಟಿಸಲಾಗಿದೆ. ಐಪಿಓಗಾಗಿ ಅರ್ಜಿ ಸಲ್ಲಿಸಿದ ಗ್ರಾಹಕರು ಷೇರು ಲಭ್ಯ ಆಗಿದೆಯಾ ಅಥವಾ ಇಲ್ಲವಾ ಎಂಬುದನ್ನು ಆನ್‌ಲೈನ್‌ನಲ್ಲಿ ಪರಿಶೀಲಿಸಬಹುದು. ಅಂದಾಹಗೇ ಎಲ್‌ಐಸಿ ಐಪಿಓ ಅರ್ಜಿ ಸಲ್ಲಿಸಲು ಮೇ 4 ರಿಂದ ಮೇ 9 ರ ವರೆಗೂ ಅವಕಾಶ ನೀಡಿತ್ತು.

ಎಲ್‌ಐಸಿ ಐಪಿಓ (LIC IPO) ಬಿಡ್‌ದಾರರು BSE ವೆಬ್‌ಸೈಟ್‌ನಲ್ಲಿ ಅಥವಾ ಅದರ ರಿಜಿಸ್ಟ್ರಾರ್ KFin ಟೆಕ್ನಾಲಜೀಸ್ ಲಿಮಿಟೆಡ್‌ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಲಾಗ್ ಇನ್ ಮಾಡುವ ಮೂಲಕ ಆನ್‌ಲೈನ್‌ನಲ್ಲಿ ತಮ್ಮ ಅಪ್ಲಿಕೇಶನ್ ಸ್ಥಿತಿಯನ್ನು ಪರಿಶೀಲಿಸಬಹುದು. ಆದಾಗ್ಯೂ, ಷೇರು ಹಂಚಿಕೆಯ ಘೋಷಣೆಯ ನಂತರ ಮಾತ್ರ ಬಿಡ್ದಾರರು ಎಲ್ಐಸಿ ಐಪಿಒ ಹಂಚಿಕೆ ಸ್ಟೇಟಸ್‌ ಅನ್ನು ಆನ್‌ಲೈನ್‌ ನಲ್ಲಿ ಪರಿಶೀಲಿಸಲು ಅವಕಾಶ ಇರುತ್ತದೆ. ಐಪಿಒ ವಿತರಣೆ ದರವನ್ನು ಅತ್ಯಧಿಕ ನಿಗದಿತ ಶ್ರೇಣಿ 949 ರೂ. ಗೆ ಎಲ್ಐಸಿ ನಿಗದಿಪಡಿಸಿದೆ ಎಂದು ಬ್ಲ್ಯೂಮ್ ಬರ್ಗ್ (Bloomberg) ವರದಿ ಮಾಡಿದೆ. ಹಾಗಾದರೇ ಎಲ್‌ಐಸಿ ಐಪಿಓ ಷೇರು ಹಂಚಿಕೆಯ ಸ್ಟೇಟಸ್‌ ಪರಿಶೀಲಿಸುವುದು ಹೇಗೆ ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

BSE ವೆಬ್‌ಸೈಟ್‌ನಲ್ಲಿ ಷೇರು ಹಂಚಿಕೆ ಸ್ಟೇಟಸ್‌ ಪರಿಶೀಲಿಸಲು ಈ ಹಂತಗಳನ್ನು ಅನುಸರಿಸಿ:

ಹಂತ 1: https://www.bseindia.com/investors/appli_check.aspx ಗೆ ಭೇಟಿ ನೀಡಿ
ಹಂತ 2: ಸಮಸ್ಯೆಯ ಪ್ರಕಾರದ ಅಡಿಯಲ್ಲಿ, ಇಕ್ವಿಟಿ ಕ್ಲಿಕ್ ಮಾಡಿ
ಹಂತ 3: ಈಕ್ವಿಟಿ ಹೆಸರಿನ ಅಡಿಯಲ್ಲಿ, ಡ್ರಾಪ್‌ಬಾಕ್ಸ್‌ನಲ್ಲಿ ಲೈಫ್ ಇನ್ಶುರೆನ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್ ಅನ್ನು ಆಯ್ಕೆ ಮಾಡಿ
ಹಂತ 4: ಅಪ್ಲಿಕೇಶನ್ ಸಂಖ್ಯೆಯನ್ನು ಬರೆಯಿರಿ
ಹಂತ 5: ಪ್ಯಾನ್ ಕಾರ್ಡ್ ಐಡಿ ಸೇರಿಸಿ
ಹಂತ 6: 'ನಾನು ರೋಬೋಟ್ ಅಲ್ಲ' ಆಯ್ಕೆ ಮೇಲೆ ಕ್ಲಿಕ್ ಮಾಡಿ ಮತ್ತು ಸಲ್ಲಿಸು ಒತ್ತಿರಿ.

KFin ವೆಬ್‌ಸೈಟ್‌ ಮೂಲಕ ಷೇರು ಹಂಚಿಕೆ ಸ್ಟೇಟಸ್‌ ಪರಿಶೀಲಿಸಲು ಈ ಹಂತಗಳನ್ನು ಅನುಸರಿಸಿ:
ಹಂತ 1. KFin Technologies Private Limited ನ ವೆಬ್ ಪೋರ್ಟಲ್‌ ಗೆ ಹೋಗಿ
ಹಂತ 2. ಪ್ರತ್ಯೇಕವಾಗಿ ನೀಡಿರುವ 'LIC IPO' ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ
ಹಂತ 3. ನೀವು ಮೂರು ವಿಧಾನಗಳಲ್ಲಿ ಒಂದನ್ನು ಆಯ್ಕೆ ಮಾಡಲು LIC IPO ಅಗತ್ಯ ವಾಗಬಹುದು: ಅಪ್ಲಿಕೇಶನ್ ಸಂಖ್ಯೆ, ಕ್ಲೈಂಟ್ ID ಅಥವಾ PAN ID
ಹಂತ 4. ಅಪ್ಲಿಕೇಶನ್ ಪ್ರಕಾರದಲ್ಲಿ, ASBA ಮತ್ತು ASBA ಅಲ್ಲದ ನಡುವೆ ಆಯ್ಕೆ ಮಾಡಿ
ಹಂತ 5. ಹಂತ 2 ರಲ್ಲಿ ನೀವು ಆಯ್ಕೆ ಮಾಡಿದ ಮೋಡ್‌ನ ವಿವರಗಳನ್ನು ನಮೂದಿಸಿ
ಹಂತ 6. ಭದ್ರತಾ ಉದ್ದೇಶಗಳಿಗಾಗಿ, ಕ್ಯಾಪ್ಚಾವನ್ನು ನಿಖರವಾಗಿ ಭರ್ತಿ ಮಾಡಿ
ಹಂತ 7. ಸಲ್ಲಿಸು ಆಯ್ಕೆ ಅನ್ನು ಒತ್ತಿರಿ.

ಎಲ್‌ಐಸಿ ಐಪಿಓ ಷೇರು ಹಂಚಿಕೆ ಯಲ್ಲಿ ಷೇರು ಪಡೆದ ಬಿಡ್ಡರ್‌ಗಳು ಮೇ 16 ರೊಳಗೆ ಅವರ ಡಿಮ್ಯಾಟ್ ಖಾತೆಯಲ್ಲಿ ಷೇರುಗಳ ಕ್ರೆಡಿಟ್ ಅನ್ನು ನೋಡಬಹುದು. ಮೇ 17 ರಂದು IPO ಲಿಸ್ಟಿಂಗ್ ಸಾಧ್ಯತೆಯಿದೆ. ಇನ್ನು ಎಲ್‌ಐಸಿ ಐಪಿಓ ಹಂಚಿಕೆಯಲ್ಲಿ ಷೇರು ಪಡೆಯಲು ಸಾಧ್ಯವಾಗದ ಬಿಡ್ಡರ್‌ಗಳಿಗೆ ಮೇ 13 ರಂದು ಮರುಪಾವತಿಯ ಪ್ರಾರಂಭವನ್ನು ಕಾಣಬಹುದಾಗಿದೆ.