ಫೋನ್‌ನಲ್ಲಿ ಕರೆಯಲ್ಲಿರುವಾಗ ಸಂಪರ್ಕ ಸಂಖ್ಯೆ ಉಳಿಸುವುದು ಹೇಗೆ?

By Shwetha

| Updated: Thursday, July 14, 2016, 11:34 [IST]

ನೀವು ಕರೆಯಲ್ಲಿರುವ ಸಂದರ್ಭದಲ್ಲಿ ನಂಬರ್ ಸೇವ್ ಮಾಡುವುದು ಹೆಚ್ಚು ಕಷ್ಟಕರವಾಗಿರುತ್ತದೆ. ಡಯಲ್ ಪ್ಯಾಡ್ ಬಳಸಿ ನೀವು ಸಂಖ್ಯೆಯನ್ನು ಸೇವ್ ಮಾಡಿದ್ದರೂ ಕಾಲ್ ಕಟ್ ಆದ ನಂತರ ಈ ಸಂಖ್ಯೆ ಅಳಿಸಿ ಹೋಗಿರುತ್ತದೆ. ಅದಾಗ್ಯೂ ಸಂಖ್ಯೆಯನ್ನು ಉಳಿಸಿಕೊಳ್ಳಲು ಸರಳವಾದ ವಿಧಾನವೊಂದಿದ್ದು, ಕರೆಯಲ್ಲಿರುವಾಗಲೇ ನಿಮ್ಮ ಆಂಡ್ರಾಯ್ಡ್ ಫೋನ್‌ನಲ್ಲಿ ಸಂಖ್ಯೆಯನ್ನು ಉಳಿಸಿಕೊಳ್ಳಬಹುದಾಗಿದೆ.

ಓದಿರಿ: ಗುಣಮಟ್ಟ ಕಡಿಮೆಯಾಗದಂತೆ ಫೋಟೋ ಕಂಪ್ರೆಸ್ ಹೇಗೆ?

ಉಪಯುಕ್ತ ಆಂಡ್ರಾಯ್ಡ್ ಅಪ್ಲಿಕೇಶನ್ ಒಂದಿದ್ದು ನೀವು ಡಿವೈಸ್‌ನಲ್ಲಿ ಕರೆಯಲ್ಲಿರುವ ಸಂದರ್ಭದಲ್ಲಿ ಕೂಡ ಇದು ಸಂಪರ್ಕವನ್ನು ಸೇವ್ ಮಾಡಲು ನೆರವಾಗಲಿದೆ. ಕಾಲ್ ವ್ರೈಟರ್ ಆಂಡ್ರಾಯ್ಡ್ ಅಪ್ಲಿಕೇಶನ್ ಅನ್ನು ಬಳಸಿಕೊಂಡು ಈ ವಿಧಾನವನ್ನು ಕಾರ್ಯಾಚರಣೆಗೆ ತರುವುದು ಹೇಗೆ ಎಂಬುದನ್ನು ತಿಳಿದುಕೊಳ್ಳೋಣ.

ಕಾಲ್ ವ್ರೈಟರ್ ಆಂಡ್ರಾಯ್ಡ್ ಅಪ್ಲಿಕೇಶನ್ ಫೀಚರ್

ಕ್ಲಿಕ್‌ನೊಂದಿಗೆ ಸ್ಪೀಕರ್ ಮೋಡ್ ಸಕ್ರಿಯ
ಕರೆ ಸ್ವಯಂಚಾಲಿತವಾಗಿ ಕೊನೆಗೊಂಡಾಗ ಉಳಿಸಿದ ನೋಟ್‌ಗಳು ಉಳಿದುಕೊಂಡುಬಿಡುತ್ತದೆ
ನೋಟ್ ಪ್ಯಾಡ್ ಅಥವಾ ಪೇಂಟ್ ಅನ್ನು ಬಳಸಿಕೊಳ್ಳಲು ಸಾಧ್ಯ
ಮಲ್ಟಿ ಡಿಸೈನ್ ನೋಟ್ ಸೇವಿಂಗ್ ಆಯ್ಕೆ ಕೂಡ ಲಭ್ಯ
ನೋಟ್‌ಗಳನ್ನು ತ್ವರಿತವಾಗಿ ಶೇರ್ ಮಾಡಿಕೊಳ್ಳಿ
ಉಳಿಸಿದ ನೋಟ್‌ಗಳಿಂದ ಸಂಖ್ಯೆಯನ್ನು ತೆರೆಯಿರಿ

ಹಂತ: 1

ನಿಮ್ಮ ಆಂಡ್ರಾಯ್ಡ್ ಡಿವೈಸ್‌ನಲ್ಲಿ ಕಾಲ್ ವ್ರೈಟರ್ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಿಕೊಳ್ಳಿ ಮತ್ತು ಇನ್‌ಸ್ಟಾಲ್ ಮಾಡಿ

ಹಂತ: 2

ಅಪ್ಲಿಕೇಶನ್ ಅನ್ನು ಒಮ್ಮೆ ನೀವು ತೆರೆದಾಗ, ಮೂರು ಗೆರೆಯುಳ್ಳ ಸೈನ್ ಬಟನ್ ದೊರೆಯುತ್ತದೆ, ಸೆಟ್ಟಿಂಗ್ ಆಪ್ಶನ್‌ನಲ್ಲಿ ಇದು ಕಂಡುಬರುತ್ತದೆ, ನಿಮ್ಮ ಅಗತ್ಯಗಳಿಗೆ ಅನುಗುಣವಾಗಿ ಅಪ್ಲಿಕೇಶನ್ ಅನ್ನು ಕಸ್ಟಮೈಸ್ ಮಾಡಿಕೊಳ್ಳಬಹುದಾಗಿದೆ.

ಹಂತ: 3

ನೀವು ಕರೆ ಮಾಡಿದಾಗ ಅಥವಾ ಕರೆಯನ್ನು ಸ್ವೀಕರಿಸಿದಾಗ, ನೀಲಿ ಬಣ್ಣದಲ್ಲಿ ಡಯಲರ್‌ನಂತಹ ಐಕಾನ್ ಅನ್ನು ಕಾಣುತ್ತೀರಿ. ನೀವು ಐಕಾನ್ ಅನ್ನು ಸ್ಪರ್ಶಿಸಿ ಸೇವ್ ಮಾಡಬೇಕಾಗಿರುವುದನ್ನು ಉಳಿಸಿ.