ವಿಜ್ಞಾನವನ್ನೂ ಸೋಲಿಸಿದ ಅತಿರಥ ಮಹಾರಥರು

By Shwetha

Published: Saturday, May 21, 2016, 17:39 [IST]

ಸಾಧನೆಯಿಂದಲೇ ಬದುಕನ್ನು ಸಾಧಿಸುವ ಅಸಾಮಾನ್ಯರು ನಮ್ಮ ಭೂಮಿಯ ಮೇಲೆ ಇದ್ದಾರೆ ಎಂಬುದಕ್ಕೆ ಸೂಕ್ತವಾಗಿರುವ ಉದಾಹರಣೆಯನ್ನೇ ಇಂದಿನ ಲೇಖನದಲ್ಲಿ ನಾವು ನೀಡುತ್ತಿದ್ದು ಇವರುಗಳ ಈ ಸಾಧನೆ ವಿಜ್ಞಾನಕ್ಕೂ ಅಸಾಮಾನ್ಯ ಎಂದೇ ಪರಿಗಣಿತವಾಗಿದೆ. ಐಸ್ ಮನುಷ್ಯ, ಹಲ್ಲಿನಿಂದ ರೈಲುಗಾಡಿಯನ್ನು ಎಳೆಯುವವನು, ಅಸಾಮಾನ್ಯ ಮೆದುಳಿನ ಶಕ್ತಿ ಉಳ್ಳವರು, ನಿದ್ದೆಯೇ ಮಾಡದ ವ್ಯಕ್ತಿ ಹೀಗೆ ಇವರುಗಳ ಪಟ್ಟಿಯನ್ನು ಮಾಡುತ್ತಾ ಹೋದರೆ ನಾವೇ ಸ್ವತಃ ಬೆರಗಾಗಿಬಿಡುತ್ತೇವೆ .

ಎಲ್ಲಾ ರಹಸ್ಯಮಯ ಅಂಶಗಳಿಗೂ ವಿಜ್ಞಾನದ ಲೇಪನವನ್ನು ನೀಡುವ ವಿಜ್ಞಾನಿಗಳಿಗೆ ಇವರುಗಳ ಈ ಅಸಾಮಾನ್ಯ ಶಕ್ತಿ ಕೌತುಕಮಯ ಎಂದೆನಿಸಿದೆ. ಹಾಗಿದ್ದರೆ ಇವರುಗಳ ಶಕ್ತಿಯ ಮೂಲ ಏನು ಎಂಬುದನ್ನು ಕಾಣಹೊರಟರೆ ಅದು ಆ ಪರಮಾತ್ಮ ಮಾತ್ರ ಬಲ್ಲ ಎಂಬುದಾಗಿ ಹೇಳಬಹುದಾಗಿದೆ. ಇಂದಿನ ಲೇಖನದಲ್ಲಿ ಇಂತಹವರುಗಳ ಪರಿಚಯವನ್ನು ನಾವು ಮಾಡಿಕೊಡುತ್ತಿದ್ದು ಸ್ವತಃ ವಿವರಗಳನ್ನು ನೀವೇ ನೋಡಿ.

ಓದಿರಿ: ವಿಶ್ವದ ಮಹಾನಗರಗಳು ಇಲ್ಲಿವೆ ನೋಡಿ.

#1

ವಿಫ್ ಹಾಫ್ ಮಾಡಿದಂತೆ ಮಂಜುಗಡ್ಡೆಯ ಮೇಲೆ ನೀವು ಕುಳಿತುಕೊಳ್ಳಲು ಹೋದರೆ ನಿಮಗೆ ಸಾವು ಖಂಡಿತ. ಹೌದು ಈತ ಮಂಜುಗಡ್ಡೆಯ ಮೇಲೆ ಕುಳಿತುಕೊಳ್ಳುವ ಸಾಮರ್ಥ್ಯಕ್ಕೆ ಇಡಿಯ ವಿಜ್ಞಾನವೇ ಬೆರಗಾಗಿ ಹೋಗಿದೆ. ಆತನ ಸಾಮರ್ಥ್ಯಕ್ಕೆ ಖಂಡಿತ ಬೆರಗಾಗಲೇಬೇಕು.

#2

ಅಂಬಾ ಮಠದ ಭಕ್ತನಾಗಿರುವ ಪ್ರಹ್ಲಾದ ಜಾನಿ 1940 ರಿಂದ ಆಹಾರವನ್ನು ಸೇವಿಸದೇ ಬದುಕಿತ್ತಿದ್ದಾನೆ ಎಂದು ತಿಳಿಸಿದ್ದಾನೆ. ಇವನು ಹೇಗೆ ಬದುಕುತ್ತಿದ್ದಾನೆ ಎಂಬುದು ನಿಗೂಢವಾಗಿದೆ. ನೀರು ಮತ್ತು ಆಹಾರವಿಲ್ಲದೆ ಈತ ಆರೋಗ್ಯವಂತನಾಗಿದ್ದಾನೆ ಎಂಬುದು ಅಧ್ಯಯನಗಳಿಂದ ತಿಳಿದು ಬಂದಿದೆ.

#3

ಮಲೇಷಿಯಾದ ಈ ವ್ಯಕ್ತಿ ಎಲ್ಲಾ ಟೂತ್‌ಪೇಸ್ಟ್ ಜಾಹೀರಾತುಗಳಿಗೆ ಸಹಿ ಹಾಕಿದ್ದಾರೆ ಏಕೆಂದರೆ ಬಲಶಾಲಿ ಹಲ್ಲುಗಳನ್ನು ಈತ ಹೊಂದಿರುವುದಕ್ಕೆ. ಏಳು ಕೋಚ್ ರೈಲುಗಾಡಿಯನ್ನು ತನ್ನ ಹಲ್ಲಿನಿಂದ ಎಳೆದ ಸಾಧನೆಗೆ ರಥಾಕೃಷ್ಣನನ್ ಖ್ಯಾತರಾಗಿದ್ದಾರೆ.

#4

ಸಿಂಹಗಳೊಂದಿಗೆ ಮಾತನಾಡಬಲ್ಲ ಅದ್ಭುತ ಸಿದ್ಧಿ ಕೆವಿನ್‌ಗೆ ಇದೆ. ಸಿಂಹಗಳನ್ನು ಪಳಗಿಸುವುದು ಅವುಗಳೊಂದಿಗೆ ಇರುವುದು, ನೃತ್ಯಮಾಡಿಸುವುದು, ಆಟವಾಡಿಸುವುದು ಮೊದಲಾದುವನ್ನು ಈತ ಕರಾತಲಮಲಕವಾಗಿ ಮಾಡಬಲ್ಲ.

#5

ಡಾಲ್ಫಿನ್‌ಗಳಂತೆ ತನ್ನ ಕಣ್ಣುಗಳಿಲ್ಲದೆ ವಸ್ತುಗಳನ್ನು ನೋಡಬಲ್ಲವನು. ವಸ್ತು ಎಲ್ಲಿದೆ ಎಂಬುದನ್ನು ನಿಖರವಾಗಿ ಈತ ತಿಳಿಸಬಲ್ಲ. ಆದರೆ 2009 ರಲ್ಲಿ ಈತ ಕ್ಯಾನ್ಸರ್‌ನಿಂದ ಮರಣ ಹೊಂದಿದ.

#6

ಭೂಮಿಯ ಮೇಲಿರುವ ರಬ್ಬರ್ ಹುಡುಗ ಡೇನಿಯಲ್. ಈತ ತನ್ನ ದೇಹವನ್ನು ಹೇಗೆ ಬೇಕಾದರೂ ಮಡಚಬಲ್ಲ. ಅವನ ದೇಹದಲ್ಲಿ ಮೂಳೆಗಳೇ ಇಲ್ಲವೇನೋ ಎಂಬಂತೆ ತನ್ನ ಸಾಧನೆಯನ್ನು ಈತ ಮಾಡಬಲ್ಲ.

#7

ಅತ್ಯುನ್ನತ ಕಲಾವಿದನಾಗಿರುವ ಸ್ಟೀಫನ್ ಮನಸ್ಸಿನಲ್ಲಿ ಮೂಡಿರುವುದನ್ನು ಹಾಳೆಯಲ್ಲಿ ಬಿಡಿಸುವ ಕಲೆಯನ್ನು ಹೊಂದಿರುವಾತ. ಅದ್ಭುತ ಫೋಟೋಗ್ರಾಫಿಕ್ ಜ್ಞಾನವನ್ನು ಈತ ಹೊಂದಿದ್ದಾನೆ

#8

ವಿಯೆಟ್ನಾಮ್‌ನ ನಾಗೊಕ್ ಥಾಯ್ 1973 ರಿಂದ ನಿದ್ದೆಯೇ ಮಾಡಿಲ್ಲವಂತೆ. ಇನ್‌ಸೋಮ್ನಿಯಾ ಎಂದೇ ಕರೆಯಲಾಗಿರುವ ಈತನ ನಿದ್ದೆ ಮಾಡದ ಕಾಯಿಲೆಗೆ ಯಾವುದೇ ಮದ್ದೇ ಇಲ್ಲವಂತೆ ಹಾಗೂ ಈತ ಆರೋಗ್ಯವಂತನಾಗಿದ್ದಾನೆ ಕೂಡ. ಈತನಿಗೆ ಆಯಾಸವುಂಟಾಗುವುದೇ ಇಲ್ಲವಂತೆ.

#9

ಟುಮೊ ಎಂಬ ಸಿದ್ಧಿಯಿಂದ ಈ ಬೌದ್ಧ ಭಿಕ್ಷುಗಳು ತಮ್ಮ ಕಾಲ್ಬೆರಳುಗಳ ತಾಪಮಾನವನ್ನು ಹೆಚ್ಚಿಸಿಕೊಳ್ಳುವವರಂತೆ. ಸಿಕ್ಕೀಮ್‌ನ ಈ ಭಿಕ್ಷುಗಳು ಮನಸ್ಸಿನ ಹತೋಟಿಯ ಮೇಲೆ ಚಯಾಪಚಯ ಕ್ರಿಯೆಯನ್ನು ಕಡಿಮೆಗೊಳಿಸುವ ತಾಕತ್ತುಳ್ಳವರು. ಯೋಗ ಮತ್ತು ಧ್ಯಾನದಿಂದ ಈ ಸಿದ್ಧಿಯನ್ನು ಇವರು ಪಡೆದುಕೊಂಡಿದ್ದಾರೆ.

#10

ಈಕೆ ಎಕ್ಸರೇ ದೃಷ್ಟಿಯನ್ನು ಹೊಂದಿದ್ದು ಜನರ ತ್ವಚೆಯ ಮೂಲಕ ನೋಡಬಲ್ಲವಳಾಗಿದ್ದಾಳೆ. ಈ ರಷ್ಯಾದ ಹುಡುಗಿ ನಿಜಕ್ಕೂ ವಿಜ್ಞಾನ ಲೋಕಕ್ಕೆ ಸಡ್ಡುಹೊಡೆದಿದ್ದಾಳೆ.

#11

ಈತ ಅದ್ಭುತ ಮೆದುಳಿನ ಶಕ್ತಿಯನ್ನು ಪಡೆದುಕೊಂಡಿರುವ ವ್ಯಕ್ತಿಯಾಗಿದ್ದು ಯಾವುದೇ ಕ್ಲಿಷ್ಟಕರ ಸಮಸ್ಯೆಯನ್ನು ಸರಳವಾಗಿ ಬಿಡಿಸಬಲ್ಲವನಾಗಿದ್ದಾನೆ. ಈತ ಇಂಗ್ಲೀಷ್, ಫ್ರೆಂಚ್, ಫಿನ್ನಿಶ್, ಜರ್ಮನ್, ಸ್ಪ್ಯಾನಿಶ್, ಲಿಥುಯಾನಿಯನ್, ರೊಮಾನಿಯನ್, ಇಸ್ಟೋನಿಯನ್ ಭಾಷೆಗಳನ್ನು ಮಾತನಾಡಬಲ್ಲವನು.