ಗ್ಯಾಲಕ್ಸಿ ಎಸ್6 ಗೆ ಬದ್ಧ ವೈರಿಯಾಗಲಿರುವ ಎಲ್‌ಜಿ ಜಿ4

ಎಲ್‌ಜಿ ಜಿ4: ಶಾರ್ಪ್ ಡಿಸ್‌ಪ್ಲೇ

ಎಲ್‌ಜಿ ಜಿ4, 5.5 ಇಂಚಿನ ಕ್ವಾಂಟಮ್ ಐಪಿಎಸ್ ಎಲ್‌ಸಿಡಿ ಕ್ಯುಎಚ್‌ಡಿ (2560×1440, 538ppi) ಶಾರ್ಪ್ ಡಿಸ್‌ಪ್ಲೇಯೊಂದಿಗೆ ಬಂದಿದ್ದು, ಎಲ್‌ಜಿ ಇದನ್ನು "ಕ್ವಾಂಟಮ್ ಡಿಸ್‌ಪ್ಲೇ" ಎಂದು ಕರೆದಿದೆ. ಎಲ್‌ಜಿ ಪ್ರಕಾರ ಫೋನ್ ಡಿಸ್‌ಪ್ಲೇ ಪ್ಯಾನೆಲ್ 25% ಪ್ರಕಾಶಮಾನವಾಗಿದೆ ಮತ್ತು 20% ವೈಡರ್ ಕಲರ್ ರೇಂಜ್ ಅನ್ನು ಇದು ಪಡೆದುಕೊಂಡಿದೆ.

ಎಲ್‌ಜಿ ಜಿ4: ಕ್ಯಾಮೆರಾ ವಿಶೇಷತೆ

ಜಿ4 ಕ್ಯಾಮೆರಾ ಸಾಮರ್ಥ್ಯ ನಿಜಕ್ಕೂ ಅದ್ಭುತ ಎಂದೆನಿಸಿದ್ದು 16 ಮೆಗಾಪಿಕ್ಸೆಲ್ ರಿಯರ್ ಕ್ಯಾಮೆರಾ ಮತ್ತು ಮುಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಕ್ಯಾಮರಾವನ್ನು ಇದು ಹೊಂದಿದೆ. ಸೆಲ್ಫಿಗೆ ಹೇಳಿ ಮಾಡಿಸಿರುವ ಡಿವೈಸ್ ಇದಾಗಿದ್ದು ಇದು ಉತ್ತಮ ಫೋಟೋಗಳನ್ನು ತೆಗೆಯಲು ಅನುಕೂಲಕರವಾಗಿದೆ. ಇನ್ನು ಫೋನ್ ರಿಯರ್ ಕ್ಯಾಮೆರಾ ಡಿಎಸ್‌ಎಲ್ಆರ್ ಗುಣಮಟ್ಟದಲ್ಲಿದೆ.

ಎಲ್‌ಜಿ ಜಿ4: ಮೈಕ್ರೋ ಎಸ್‌ಡಿ ಕಾರ್ಡ್ ಸ್ಲಾಟ್

ಗ್ಯಾಲಕ್ಸಿ ಎಸ್‌6 ಮೈಕ್ರೋ ಎಸ್‌ಡಿ ಕಾರ್ಡ್ ಅನ್ನು ಒದಗಿಸಿಲ್ಲ. ಆದರೆ ಜಿ4 ನಲ್ಲಿ ಮೈಕ್ರೋ ಎಸ್‌ಡಿ ಕಾರ್ಡ್ ಅನ್ನು ನೀವು ಕಾಣಬಹುದಾಗಿದ್ದು ಇದುವೇ ಜಿ4 ನ ವಿಶೇಷತೆಯಾಗಿದೆ.

ಎಲ್‌ಜಿ ಜಿ4: ದೊಡ್ಡ ಬ್ಯಾಟರಿ

ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್6 2600 mAh ಬ್ಯಾಟರಿಯನ್ನು ಹೊಂದಿದ್ದು ಎಲ್‌ಜಿ ಜಿ4 ನಲ್ಲಿ 3,000mAh ಬ್ಯಾಟರಿಯನ್ನು ನಿಮಗೆ ಕಾಣಬಹುದಾಗಿದೆ.

ಎಲ್‌ಜಿ ಜಿ4: ಕರ್ವ್ ಸ್ಕ್ರೀನ್

ಸ್ಮಾರ್ಟ್‌ಫೋನ್ ಸ್ಕ್ರೀನ್‌ನಲ್ಲಿ ಕರ್ವ್ ಇದೆ ಎಂದಾದಲ್ಲಿ ಇದು ಡ್ಯುರೇಬಿಲಿಟಿಗೆ ಸಹಾಯ ಮಾಡುತ್ತದೆ ಎಂದಾಗಿದೆ. ಪರದೆಗೆ ಇದು ಯಾವುದೇ ಹಾನಿಯನ್ನುಂಟು ಮಾಡುವುದಿಲ್ಲ ಎಂಬುದು ಎಲ್‌ಜಿಯ ಅಭಿಪ್ರಾಯವಾಗಿದೆ.

ಎಲ್‌ಜಿ ಜಿ4: ರಿಮೂವೇಬಲ್ ಬ್ಯಾಕ್ ಕವರ್

ಎಲ್‌ಜಿಯ ದಕ್ಷಿಣ ಕೊರಿಯಾ ವೈರಿ ಸ್ಯಾಮ್‌ಸಂಗ್‌ಗೆ ಹೋಲಿಸಿದಾಗ ಜಿ4 ಅತ್ಯದ್ಭುತ ಅಂಶಗಳನ್ನು ಒಳಗೊಂಡು ಬಂದಿದೆ. ತನ್ನ ಸ್ಮಾರ್ಟ್‌ಫೋನ್‌ನಲ್ಲಿ ಇದು ರಿಮೂವೇಬಲ್ ಕವರ್ ಅನ್ನು ಒದಗಿಸಿದ್ದು, ಇದು ಫೋನ್ ಹೈಲೈಟ್ ಎಂದೆನಿಸಿದೆ.

ಎಲ್‌ಜಿ ಜಿ4: 8 ಎಮ್‌ಪಿ ಮುಂಭಾಗ ಕ್ಯಾಮೆರಾ

ಫೋನ್ ಮುಂಭಾಗದಲ್ಲಿ 8 ಎಮ್‌ಪಿ ಕ್ಯಾಮೆರಾವನ್ನು ಹೊಂದಿದ್ದು, ಸ್ಯಾಮ್‌ಸಂಗ್ ತನ್ನ ಗ್ಯಾಲಕ್ಸಿ ಎಸ್6 ಮತ್ತು ಗ್ಯಾಲಕ್ಸಿ ಎಸ್6 ಎಡ್ಜ್‌ನಲ್ಲಿ 5 ಎಮ್‌ಪಿ ಸೆಲ್ಫಿ ಶೂಟರ್ ಅನ್ನು ಒಳಗೊಂಡಿದೆ.