ರೂ. 1,649ಕ್ಕೆ 4G ಸ್ಮಾರ್ಟ್‌ಫೋನ್ ಲಾಂಚ್ ಮಾಡಿದ ಏರ್‌ಟೆಲ್: ಜಿಯೋ ಫೋನ್ ಕೇಳುವವರಿಲ್ಲ...!

ರೂ.1649ಕ್ಕೆ ಸ್ಮಾರ್ಟ್‌ಫೋನ್:

ಏರ್‌ಟೆಲ್-ಇಂಟೆಕ್ಸ್‌ನೊಂದಿಗೆ ಒಪ್ಪಂದವನ್ನು ಮಾಡಿಕೊಂಡು ರೂ. 1649ಕ್ಕೆ ಇಂಟೆಕ್ಸ್‌ ಆಕ್ವಾ ಲಯನ್ಸ್ N1 ಸ್ಮಾರ್ಟ್‌ಫೋನ್‌ ಅನ್ನು ಮಾರಾಟ ಮಾಡುತ್ತಿದೆ. ಈಗಾಗಲೇ ಮಾರುಕಟ್ಟೆಯಲ್ಲಿ ಕಾಣಿಸಿಕೊಂಡಿರುವ ಇಂಟೆಕ್ಸ್‌ ಆಕ್ವಾ ಲಯನ್ಸ್ N1 ರೂ3799ಕ್ಕೆ ಮಾರಾಟವಾಗುತ್ತಿತ್ತು,

ಏರ್‌ಟೆಲ್ ಮಂತ್ಲಿ ಪ್ಯಾಕ್:

ಇಂಟೆಕ್ಸ್‌ ಆಕ್ವಾ ಲಯನ್ಸ್ N1 ಸ್ಮಾರ್ಟ್‌ಫೋನ್‌ ನೊಂದಿಗೆ ಏರ್‌ಟೆಲ್ ಕ್ಯಾಷ್ ಬ್ಯಾಕ್ ಆಫರ್ ನೀಡಲಿದ್ದು, ಇದಕ್ಕಾಗಿ ರೂ. 169 ಮಾಸಿಕ ರಿಚಾರ್ಜ್ ಮಾಡಿಸಿಕೊಳ್ಳಬೇಕಾಗಿದೆ. ಇದರಲ್ಲಿ ಗ್ರಾಹಕರಿಗೆ ಡೇಟಾ ಮತ್ತು ಕರೆಯ ಲಾಭಗಳು ದೊರೆಯಲಿದೆ.

ಕ್ಯಾಷ್ ಬ್ಯಾಕ್:

ಹೀಗೆ ಮಾಡಿಸಿದಲ್ಲಿ 18 ತಿಂಗಳ ರಿಚಾರ್ಜ್ ನಂತರ 500 ಕ್ಯಾಷ್ ಬ್ಯಾಕ್ ದೊರೆಯಲಿದೆ. ಇದಾದ ನಂತರದಲ್ಲಿ 36 ತಿಂಗಳು ಕಂಪ್ಲಿಟ್ ಆದ ನಂತರ ಮತ್ತೆ ರೂ.1000 ಕ್ಯಾಷ್ ಬ್ಯಾಕ್ ದೊರೆಯಲಿದೆ. ಒಟ್ಟು ರೂ.1500 ಕ್ಯಾಷ್ ಬ್ಯಾಕ್ ಲಭ್ಯವಿರಲಿದೆ.

ಜಿಯೋಗೆ ಸೆಡ್ಡು:

ಜಿಯೋ ಇದೇ ಮಾದರಿಯಲ್ಲಿ ಗ್ರಾಹಕರಿಗೆ ಉಚಿತ ಫೋನ್‌ ನೀಡುತ್ತಿದೆ. ಆದರೆ ಏರ್‌ಟೆಲ್ ಜಿಯೋ ಫೋನ್‌ಗಿಂತಲೂ ಹೆಚ್ಚಿನ ಆಯ್ಕೆಗಳನ್ನು ಒಳಗೊಂಡಿರುವ ಸ್ಮಾರ್ಟ್‌ಫೋನ್‌ ಅನ್ನೇ ನೀಡುವ ಮೂಲಕ ಹೊಸದೊಂದು ಸಾಹಸ ಮಾಡಲು ಮುಂದಾಗಿದೆ.