ಐಫೋನ್ 8ರ ಬಗ್ಗೆ ನಿಮಗೆ ಗೊತ್ತಿರಬೇಕಾದ 5 ಸಂಗತಿಗಳು.

ಇಸ್ರೇಲಿನಲ್ಲಿ ತಯಾರಾಗಲಿದೆ?

ವರದಿಗಳ ಪ್ರಕಾರ, ಆ್ಯಪಲ್ ಮುಂದಿನ ವರುಷದ ಐಫೋನ್ 8 ರ ತಯಾರಿಕೆಯನ್ನು ಇಸ್ರೇಲಿನಲ್ಲಿ ನಡೆಸಲಿದೆ. ಇಸ್ರೇಲಿನಲ್ಲಿರುವ ಹರ್ಜಲಿಯಾದ ಆರ್ & ಡಿ ವಿಭಾಗದಲ್ಲಿ ಐಫೋನಿನ ಚಿಪ್, ಸಂಗ್ರಹ, ಕ್ಯಾಮೆರ ಮತ್ತು ನಿಸ್ತಂತು ತಂತ್ರಜ್ಞಾನಗಳ ತಯಾರಿ ನಡೆಯಲಿದೆ. ಹರ್ಜಲಿಯಾದಲ್ಲಿರುವ ಕಛೇರಿ ಆ್ಯಪಲ್ಲಿನ ಎರಡನೇ ಅತಿ ದೊಡ್ಡ ಆರ್ & ಡಿ ಕಛೇರಿ.

ಸಂಪೂರ್ಣ ಗಾಜಿನ ದೇಹ ಮತ್ತು ತುದಿಯಿಂದ ತುದಿಯವರೆಗಿನ ಪರದೆ.

ಮಾಹಿತಿಗಳ ಪ್ರಕಾರ, ಐಫೋನ್ 8ರಲ್ಲಿ ಪೂರ್ಣ ಗಾಜಿನ ದೇಹ ಮತ್ತು ತುದಿಯಿಂದ ತುದಿಯವರೆಗಿನ ಪರದೆಯಿರಲಿದೆ. ಕ್ಯಾಮೆರ ಮತ್ತು ಟಚ್ ಐಡಿ ಅದರಲ್ಲೇ ಇರಲಿದೆ. ಇದು ಆ್ಯಪಲ್ ಕಂಪನಿಯಿಂದ ಹೊರಬರುವ ಮೊದಲ ಎಡ್ಜ್ ಟು ಎಡ್ಜ್ ಪರದೆಯಾಗಲಿದೆ.

ಹೊಸ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಉತ್ತಮ ಕ್ಯಾಮೆರ.

ಆ್ಯಪಲ್ ಈಗಾಗಲೇ ತನ್ನ ಐಫೋನ್ 7 ಪ್ಲಸ್ ನಲ್ಲಿ ಉತ್ತಮ ಕ್ಯಾಮೆರಾ ಹಾರ್ಡ್ ವೇರ್ ಕೊಟ್ಟಿದೆ; ಐಫೋನ್ 8 ಮತ್ತೊಂದು ಹೆಜ್ಜೆ ಮುಂದಕ್ಕೆ ಹೋಗಿ ಹೊಸ ಕ್ಯಾಮೆರಾ ಹಾರ್ಡ್ ವೇರ್ ಅನ್ನು ಪಡೆಯಲಿದೆ. ಕ್ಯಾಮೆರಾ ಅಪ್ ಗ್ರೇಡ್ ಬಗ್ಗೆ ಆ್ಯಪಲ್ ಉದ್ಯೋಗಿಯೊಬ್ಬರು ಬ್ಯುಸಿನೆಸ್ ಇನ್ಸೈಡರ್ ಗೆ ಮಾಹಿತಿ ಕೊಟ್ಟಿದ್ದಾರಾದರೂ ನಿರ್ದಿಷ್ಟವಾಗಿ ಸೆನ್ಸಾರ್ ಅಥವಾ ಮೆಗಾಪಿಕ್ಸೆಲ್ಲಿನ ಬಗ್ಗೆ ಏನನ್ನೂ ಹೇಳಿಲ್ಲ. ನಮ್ಮ ನಂಬಿಕೆಯ ಪ್ರಕಾರ ಮುಂದಿನ ದಿನಗಳ ಆ್ಯಪಲ್ ಫೋನಿನಲ್ಲಿ ಡುಯಲ್ ಕ್ಯಾಮೆರಾ ಸಾಮಾನ್ಯವಾಗಲಿದೆ.

ಹೋಮ್ ಬಟನ್ ಇರುವುದಿಲ್ಲ.

ಈಗ ಬಿಡುಗಡೆಯಾಗಿರುವ ಐಫೋನುಗಳಲ್ಲಿ ಹೋಮ್ ಬಟನ್ ಅನ್ನು ಅಪ್ ಡೇಟ್ ಮಾಡಲಾಗಿದೆ. ಕ್ಲಿಕ್ ಮಾಡುವ ಸೌಕರ್ಯ ಇದರಲ್ಲಿಲ್ಲ. ಇದು ಹೊಸ ಟ್ಯಾಪ್ಟಿಕ್ ಇಂಜಿನ್ನಿನ ಮೇಲೆ ಕಾರ್ಯನಿರ್ವಹಿಸುತ್ತದೆ. ಮುಂದಿನ ವರುಷವೂ ಈ ಬದಲಾವಣೆ ಮುಂದುವರೆಯಬಹುದು ಮತ್ತು ಆ್ಯಪಲ್ ತನ್ನ ಸಾಂಪ್ರದಾಯಿಕ ಹೋಮ್ ಬಟನ್ ಅನ್ನು ಬಿಟ್ಟು ಬಿಡಬಹುದು.

ಹೊಸ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ನಿಸ್ತಂತು ಚಾರ್ಜಿಂಗ್.

ಐಫೋನ್ 8ರಲ್ಲಿ ನಿಸ್ತಂತು ಚಾರ್ಜಿಂಗ್ ಇರಲಿದೆ. ಈಗಾಗಲೇ ಬಹಳಷ್ಟು ಸ್ಮಾರ್ಟ್ ಫೋನುಗಳಲ್ಲಿ ಈ ಸೌಕರ್ಯವಿದೆ. ಆ್ಯಪಲ್ ಕೂಡ ಈ ಜನಪ್ರಿಯ ಲಕ್ಷಣವನ್ನು ತನ್ನ ಫೋನಿನಲ್ಲಿ ಅಳವಡಿಸಿಕೊಳ್ಳುವ ಸಮಯ ಬಂದಿದೆ.

ಹೊಸ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ