1499 ರೂ. ಬೆಲೆಯ ಜಿಯೋ 4G ಫೋನ್ ಬಿಡುಗಡೆ ಶೀಘ್ರ..!!

ರೂ.1499 ಬೆಲೆಯ ಜಿಯೋ 4G ಫೋನು:

ಸದ್ಯ ಕಡಿಮೆ ಬೆಲೆಗೆ ಸ್ಮಾರ್ಟ್‌ಫೋನ್‌ ದೊರೆಯುತ್ತಿದ್ದು, ಇದೇ ಸಂದರ್ಭದಲ್ಲಿ ಜಿಯೋ ತನ್ನ ಗ್ರಾಹಕರಿಗೆ ಇನ್ನು ಕಡಿಮೆ ಬೆಲೆಗ ಉತ್ತಮ ಗುಣಮಟ್ಟದ ರೂ.1499 ಬೆಲೆಯ ಜಿಯೋ 4G ಫೋನ್‌ಗಳನ್ನು ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿದ್ದು, ಶೀಘ್ರವೇ ಗ್ರಾಹಕರ ಕೈ ಸೇರಲಿದೆ.

ಈಗಾಗಲೇ 5 ವರ್ಷಕ್ಕೆ ಒಪ್ಪಂದ:

ರಿಲಯನ್ಸ್ ಜಿಯೋ ತನ್ನ ಟೆಲಿಕಾಂ ಸೇವೆಯನ್ನು ಆರಂಭಿಸಿದಂತೆ ಲೈಫ್ ಫೋನ್‌ಗಳನ್ನು ಮಾರುಕಟ್ಟೆಗೆ ಪರಿಚಯ ಮಾಡಿತ್ತು. ಇದೇ ಸಂದರ್ಭದಲ್ಲಿ ಸ್ಪ್ರೆಡ್ರಮ್ ಕಮ್ಯೂನಿಕೆಷನ್ ನೊಂದಿಗೆ 5 ವರ್ಷಗಳ ಒಪ್ಪಂದ ಮಾಡಿಕೊಂಡಿದ್ದು, 4G ಫೀಚರ್ ಫೋನುಗಳನ್ನು ಇದೇ ಕಂಪನಿ ತಯಾರಿಸಿಕೊಡಲಿದೆ ಎನ್ನಲಾಗಿದೆ.

ತಯಾರಿಕೆ ಮುಗಿದಿದೆ;

ಜಿಯೋ 4G ಫೋನಿನ ತಯಾರಿಕೆಯೂ ಈಗಾಗಲೇ ಸಂಪೂರ್ಣವಾಗಿದ್ದು, ಮಾರುಕಟ್ಟೆ ಪ್ರವೇಶಕ್ಕೆ ಮೂಹುರ್ತ ಫೀಕ್ಸ್ ಆಗಬೇಕಾಗಿದೆ. ಈ ಕುರಿತು ಸ್ಪ್ರೆಡ್ರಮ್ ಕಮ್ಯೂನಿಕೆಷನ್ ಜೊತೆ ಜಿಯೋ ಒಪ್ಪಂದವನ್ನು ಮಾಡಿಕೊಂಡಿದೆ ಎನ್ನಲಾಗಿದೆ.

ಫೋನಿನ ಬೆಲೆ ಇನ್ನು ಕಡಿಮೆ ಆಗಬಹುದು:

ಸದ್ಯ ಮಾರುಕಟ್ಟೆಯಲ್ಲಿ 4G ಫೀಚರ್ ಫೋನುಗಳನ್ನು ಪರಿಚಯ ಮಾಡಿರುವ ಮೈಕ್ರೋಮ್ಯಾಕ್ಸ್ ಮತ್ತು ಲಾವಾ ಕಂಪನಿಗಳು ಕೇಲವ ರೂ.3000ಕ್ಕೆ ಫೋನ್‌ಗಳನ್ನು ನೀಡುತ್ತಿರುವ ಹಿನ್ನಲೆಯಲ್ಲಿ ಜಿಯೋ ತನ್ನ ಫೋನಿನ ಬೆಲೆಯನ್ನು ಮತ್ತಷ್ಟು ಕಡಿಮೆ ಮಾಡಲಿದೆ ಎನ್ನುವ ಸುದ್ಧಿ ಲಭ್ಯವಾಗಿದೆ.

4G ಫೋನಿಗೆ ಹೊಸ ಆಫರ್‌:

ಜಿಯೋ ತನ್ನ 4G ಫೋನ್‌ ಕೊಳ್ಳುವವರಿಗೆ ಹೊಸದಾಗಿ ಯಾವುದಾರೂ ಪ್ಲಾನ್ ಘೋಷಣೆ ಮಾಡಲಿದೆ ಎನ್ನಲಾಗಿದೆ. ಈಗಾಗಲೇ ಫ್ಲಾನ್‌ ರೆಡಿಯಾಗಿದ್ದು, ಶೀಘ್ರವೇ ಈ ಕುರಿತು ಜಿಯೋ ಘೋಷನೆಯನ್ನು ಹೊರ ಹಾಕಲಿದೆ.

ಮೇ ಅಂತ್ಯಕ್ಕೆ ಮಾರುಕಟ್ಟೆಗೆ:

ಸದ್ಯ ದೊರೆತಿರುವ ಮೂಲಗಳ ಮಾಹಿತಿ ಪ್ರಕಾರ ಮೇ ಅಂತ್ಯದ ವೇಳೆಗೆ ಈ ಫೋನ್‌ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ. ಆದರೆ ಈ ಕುರಿತು ಜಿಯೋ ಯಾವುದೇ ಮಾಹಿತಿಯನ್ನು ಸದ್ಯದ ವರೆಗೂ ಹೊರ ಹಾಕಿಲ್ಲ.