ಅಧಿಕೃತವಾಗಿ ಜಿಯೋ ಫೋನ್ ಬುಕಿಂಗ್ ಶುರು: ಬುಕ್ ಮಾಡಲು ಬೇಕಾದ ದಾಖಲಾತಿಗಳ ಬಗ್ಗೆ ಫುಲ್ ಡಿಟೈಲ್..!

ಒಂದಕ್ಕಿಂತ ಹೆಚ್ಚು ಜಿಯೋ ಉಚಿತ ಫೋನ್ ಬುಕ್ ಮಾಡುವುದು ಹೇಗೆ?

ಜಿಯೋ ಫೋನ್ ಸಂಪೂರ್ಣ ಉಚಿತ:

ಈಗಾಗಲೇ ಅಂಬಾನಿ ಹೇಳಿರುವಂತೆ ಜಿಯೋ ಫೋನ್ ಸಂಫೂರ್ಣ ಉಚಿತವಾಗಿದ್ದು, ಆದರೆ ಫೋನ್ ಕೊಂಡುಕೊಳ್ಳುವ ಸಂದರ್ಭದಲ್ಲಿ ರೂ.1500 ಠೇವಣಿ ಇಡಬೇಕಾಗಿದೆ. ಇದನ್ನು ಮೂರು ವರ್ಷದ ನಂತರದಲ್ಲಿ ಹಿಂಪಡೆಯಬಹುದಾಗಿದೆ. ಇದರಿಂದಾಗಿ ಈ ಫೋನ್ ಕೊಳ್ಳುವ ವೇಳೆಯಲ್ಲಿ ಜಿಯೋ ಹೆಚ್ಚಿನ ದಾಖಲೆಗಳನ್ನು ಕೇಳಲಿದೆ.

ಜಿಯೋ ಫೋನ್ ಬುಕಿಂಗ್‌ಗೆ ಆಧಾರ್ ಕಡ್ಡಾಯ:

ಇದಲ್ಲದೇ ಜಿಯೋ ಫೋನ್ ಬುಕ್ ಮಾಡುವ ವೇಳೆಯಲ್ಲಿ ಆಧಾರ್ ಕಾರ್ಡ್ ಕಡ್ಡಾಯವಾಗಿ ಬೇಕಾಗಿದೆ. ಇದಕ್ಕಾಗಿ ನೀವು ನಿಮ್ಮ ಹತ್ತಿರ ಜಿಯೋ ಡೀಲರ್ ಬಳಿ ಹೋಗಿ ನಿಮ್ಮ ಆಧಾರ್ ಕಾರ್ಡ್ ಪ್ರತಿಯನ್ನು ನೀಡಿ ರಿಜಿಸ್ಟರ್ ಆಗಬೇಕಾಗಿದೆ.

ಒಂದು ಆಧಾರ್ ಕಾರ್ಡಿಗೆ ಒಂದು ಫೋನ್‌:

ಈ ಬಾರಿ ಜಿಯೋ ಒಂದು ಆಧಾರ್ ಕಾರ್ಡಿಗೆ ಒಂದೇ ಒಂದು ಫೋನ್ ನೀಡಲಿದೆ. ನಿಮಗೆ ಹೆಚ್ಚಿನ ಫೋನ್ ಬೇಕಿದ್ದಲ್ಲಿ ಖರೀದಿಸಲು ಸಾಧ್ಯವಿಲ್ಲ. ಫೋನ್ ಬುಕ್ ಮಾಡುವ ಸಂದರ್ಭದಲ್ಲಿ ಆಧಾರ್ ಕಾರ್ಡ್ ಇರುವವರೇ ಸ್ಥಳಕ್ಕೆ ಬರಬೇಕಾಗಿದೆ. ಇಲ್ಲವಾದರೆ ಫೋನ್ ಬುಕ್ ಮಾಡಲು ಸಾಧ್ಯವಿಲ್ಲ.

ಜಿಯೋ ಫೋನ್ ಡೆಲಿವರಿ ಡೇಟ್:

ಇಲ್ಲದೇ ನೀವು ಇಂದೇ ಜಿಯೋ ಫೋನ್ ಬುಕ್ ಮಾಡಿದಲ್ಲಿ, ಸೆಪ್ಟೆಂಬರ್ 1 ಮತ್ತು ಸೆಪ್ಟೆಂಬರ್ 4ರಂದು ಡೆಲಿವರಿಯಾಗಲಿದೆ. ಬುಕಿಂಗ್ ಸಂಖ್ಯೆ ಹೆಚ್ಚಾಗುತ್ತಿದಂತೆ ಜಿಯೋ ಫೋನ್ ಡೆಲಿವರಿ ದಿನಾಂಕವು ವಿಸ್ತರಣೆಯಾಗುವ ಸಾಧ್ಯತೆಗಳು ಹೆಚ್ಚಾಗಿದೆ.

ಆನ್‌ಲೈನಿನಲ್ಲಿ ಆಗಸ್ಟ್ 24 ರಿಂದ :

ಆನ್‌ಲೈನಿನಲ್ಲಿ ಈ ಫೋನಿನ ಬುಕಿಂಗ್ ಆಗಸ್ಟ್ 24 ರಿಂದ ಶುರುವಾಗಲಿದೆ. ಇದಲ್ಲದೇ ಜಿಯೋ ಆಪ್ ಮೂಲಕವೂ ನೀವು ಈ ಫೋನ್ ಬುಕ್ ಮಾಡಬಹುದಾಗಿದೆ. ಅಲ್ಲದೇ ಆನ್‌ಲೈನಿನಲ್ಲಿ ಒಂದಕ್ಕಿಂತ ಹೆಚ್ಚಿನ ಫೋನ್ ಅನ್ನು ಬುಕ್ ಮಾಡುವ ಸಾಧ್ಯತೆಯೂ ಇದೆ ಎನ್ನಲಾಗಿದೆ.

ಒಟ್ಟು 50 ಮಿಲಿಯನ್ ಫೋನ್ ಮಾರಾಟ:

ಜಿಯೋ ಫೋನ್ ಹೊಸ ದಾಖಲೆಯನ್ನು ನಿರ್ಮಿಸಲು ಮುಂದಾಗಿದೆ. ಈಗಾಗಲೇ 50 ಮಿಲಿಯನ್ ಫೋನ್ ಗಳನ್ನು ಭಾರತದಲ್ಲಿಯೇ ಮಾರಾಟ ಮಾಡುವ ಗುರಿಯನ್ನು ಹೊಂದಿದೆ. ಸೆಪ್ಟೆಂಬರ್ ನಿಂದ ಪ್ರತಿ ದಿನ 5 ಮಿಲಿಯನ್ ಫೋನ್‌ಗಳನ್ನು ಗ್ರಾಹಕರಿಗೆ ನೀಡಲಿದೆ.