ಮೊಟೊ X4: ಇದಕ್ಕಿಂತ ಕಡಿಮೆ ಬೆಲೆಗೆ ಇನ್ಯಾವುದೇ ಡ್ಯುಯಲ್ ಕ್ಯಾಮೆರಾ ಫೋನ್ ಇಲ್ಲ

ಮೊಟೊ X4 ಶೀಘ್ರವೇ ಲಾಂಚ್:

ಮೊಟೊ X4 ಸ್ಮಾರ್ಟ್‌ಫೋನ್ ಶೀಘ್ರವೇ ಲಾಂಚ್ ಆಗಲಿದ್ದು, ಇದು ಅಂಡ್ರಾಯ್ಡ್ ಓನ್ ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಇದು ಮೊಟೊ ಬಿಡುಗಡೆ ಮಾಡುತ್ತಿರುವ ಮೊದಲ ಆಂಡ್ರಾಯ್ಡ್ ಓನ್ ಸ್ಮಾರ್ಟ್‌ಫೋನ್ ಆಗಿರಲಿದೆ. ಅಲ್ಲದೇ ಇದರಲ್ಲಿ ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ಕಾಣಬಹುದಾಗಿದೆ.

ಬೆಲೆ ರೂ.12,000 ಮಾತ್ರವೇ:

ಈ ಸ್ಮಾರ್ಟ್‌ಫೋನ್ ಶೀಘ್ರವೇ ಭಾರತೀಯ ಮಾರುಕಟ್ಟೆಯಲ್ಲಿ ದೊರೆಯಲಿದ್ದು, ಈ ಫೋನಿನ ಬೆಲೆ ರೂ. 12,000ನಿಂದ ಆರಂಭವಾಗಲಿದೆ. ಒಟ್ಟು ಎರಡು ಮೂರು ಆವೃತ್ತಿಯಲ್ಲಿ ಈ ಫೋನ್ ದೊರೆಯಲಿದೆ. ಒಟ್ಟಿನಲ್ಲಿ ಶಿಯೋಮಿ ಡ್ಯುಯಲ್ ಕ್ಯಾಮೆರಾ ಫೋನ್‌ಗೆ ಸ್ಪರ್ಧೆಯನ್ನು ಒಡ್ಡಲಿದೆ.

ಮೊಟೊ X4 ವಿಶೇಷತೆಗಳು:

ಮೊಟೊ X4 ಫೋನಿನಲ್ಲಿ 5.2 ಇಂಚಿನ ಡಿಸ್‌ಪ್ಲೇಯನ್ನು ಕಾಣಬಹುದಾಗಿದೆ. ಅದುವೇ HD ಗುಣಮಟ್ಟವನ್ನು ಹೊಂದಿರಲಿದೆ. ಅಲ್ಲದೇ ಮೆಟಲ್ ಮತ್ತು ಗ್ಲಾಸ್ ಡಿಸೈನ್ ಹೊಂದಿದೆ ಎನ್ನಲಾಗಿದೆ. ಹಿಂಭಾಗದಲ್ಲಿ 12MP + 12MP ಡ್ಯುಯಲ್ ಕ್ಯಾಮೆರಾ ಮತ್ತು ಮುಂಭಾಗದಲ್ಲಿ 8MP ಸೆಲ್ಪಿ ಕ್ಯಾಮೆರಾವನ್ನು ನೀಡಲಿದೆ.

3GB RAM-32GB ROM:

ಈ ಸ್ಮಾರ್ಟ್‌ಫೋನ್‌ನಲ್ಲಿ ಸ್ನಾಪ್‌ಡ್ರಾಗನ್ 630 ಪ್ರೋಸೆಸರ್ ಹಾಗೂ 3 GB RAM ನೀಡಲಾಗಿದೆ. ಇದರೊಂದಿಗೆ 32 GB ಇಂಟರ್ನಲ್ ಮೆಮೊರಿಯನ್ನು ಅಳವಡಿಸಲಾಗಿದೆ. 3000mAh ಬ್ಯಾಟರಿಯೂ ಇದ್ದು, ಟರ್ಬೋ ಚಾರ್ಜರ್ ಸಹ ದೊರೆಯಲಿದೆ. ಅಲ್ಲದೇ ಅಮೆಜಾನ್ ಆಪ್‌ಗಳು ಈ ಫೋನಿನಲ್ಲಿ ಕಾಣಿಸಿಕೊಳ್ಳಲಿದೆ.