ಕ್ಯಾಮೆರಾ ಇಲ್ಲ, ಇಂಟರ್‌ನೆಟ್‌ ಇಲ್ಲ. ಆದರೂ ಇದು ಸ್ಮಾರ್ಟ್‌ಪೋನಂತೆ..!!

ಕ್ಯಾಮೆರಾ ಇಲ್ಲ, ಇಂಟರ್‌ನೆಟ್‌ ಇಲ್ಲ:

ZTE ಬಿಡುಗಡೆ ಮಾಡಲು ಹೊರಟಿರುವ ZTE S3003 ಸ್ಮಾರ್ಟ್‌ಪೋನಿನಲ್ಲಿ ಹಿಂದೆಯಾಗಲಿ ಅಥಾವ ಮುಂದೆಯಾಗಲಿ ಯಾವುದೇ ಕ್ಯಾಮೆರಾವನ್ನು ಅಳವಡಿಸಲಾಗಿಲ್ಲ. ಅಲ್ಲದೇ ಈ ಪೋನು ಸ್ಮಾರ್ಟ್ ಎನ್ನಿಸಿಕೊಳ್ಳಲು ಬೇಕಾದ ಇಂಟರ್‌ನೆಟ್‌ ಸೌಲಭ್ಯವನ್ನು ಹೊಂದಿಲ್ಲ ಎನ್ನಲಾಗಿದೆ.

ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಇಲ್ಲ, ಮೆಟಾಲಿಕ್ ಬಾಡಿ ಹೊಂದಿದೆ:

ಈ ಸ್ಮಾರ್ಟ್‌ಪೋನಿನಲ್ಲಿ ಸಾಮಾನ್ಯ ಸ್ಮಾರ್ಟ್‌ಪೋನಿನಲ್ಲಿರುವ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಇಲ್ಲ. ಆದರೆ ಸಿಮ್ ಆಗಿದ್ದು, ಮೆಟಾಲಿಕ್ ಬಾಡಿ ಹೊಂದಿದೆ ಎನ್ನಲಾಗಿದೆ. ನೋಡಲು ಸುಂದರವಾಗಿದ್ದು, ಕೈನಲ್ಲಿ ಹಿಡಿದು ಬಳಸಲು ಉತ್ತಮವಾಗಿದೆ.

5 ಇಂಚಿನ HD ಪರದೆ:

ZTE S3003 ಸ್ಮಾರ್ಟ್‌ಪೋನಿನಲ್ಲಿ 1280X720p ಗುಣಮಟ್ಟದ ಡಿಸ್‌ಪ್ಲೇಯನ್ನು ಅಳವಡಿಸಲಾಗಿದ್ದು, ಅಲ್ಲದೇ ಕ್ವಾಡ್‌ಕೋರ್ ಪ್ರೋಸೆಸರ್ ಸಹ ಈ ಪೋನಿನಲ್ಲಿದೆ. ಜೊತೆಗೆ 1GB RAM ಮತ್ತು 8GB ಇಂಟರ್‌ನಲ್ ಮೆಮೋರಿಯೂ ಈ ಫೋನಿನಲ್ಲಿದೆ.

4G ಸಪೋರ್ಟ್‌ ಮಾಡುವುದು ಆದರೆ ಡೇಟಾ ಬಳಸಲಾಗುವುದಿಲ್ಲ:

ZTE S3003 ಸ್ಮಾರ್ಟ್‌ಪೋನು ವಿಚಿತ್ರವಾಗಿದೆ ಎಂದು ಹೇಳಿದ ಕಾರಣ ಇದೆ. ಈ ಪೋನಿ 4G ಸಪೋರ್ಟ್ ಮಾಡಲಿದೆಯಾದರು ಕೇವಲ ಕಾಲಿಂಗ್‌ಗೆ ಮಾತ್ರ. ಬೇರೆಯಾವುದೇ ಉದ್ದೇಶಕ್ಕೂ ಇದು ಬಳಕೆಯಾಗುವುದಿಲ್ಲ. ಡೇಟಾ ಬಳಸಲು ಸಾಧ್ಯವೇ ಇಲ್ಲ.

ಬೆಲೆ ತುಂಬನೇ ಕಡಿಮೆ:

ZTE S3003 ಸ್ಮಾರ್ಟ್‌ಪೋನು Bluetooth ಮತ್ತು GPS ನಂತಹ ಆಯ್ಕೆಗಳನ್ನು ಒಳಗೊಂಡಿದ್ದು, ಸದ್ಯ ಚೀನಾ ಮಾರುಕಟ್ಟೆಯಲ್ಲಿ 3,900 ರೂಗಳಿಗೆ ಮಾರಾಟವಾಗುತ್ತಿದ್ದು, ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸಿದರೆ ಇನಷ್ಟು ಬೆಲೆ ಕಡಿಮೆಯಾಗಲಿದೆ ಎನ್ನಲಾಗಿದೆ.