ಜಿಯೋ ಫೋನ್ ಪ್ರಭಾವ: ರೂ. 5000ಕ್ಕೆ ನೋಕಿಯಾ 2 ಸ್ಮಾರ್ಟ್‌ಫೋನ್..!!

ಎಂಟ್ರಿ ಲೆವೆಲ್:

ನೋಕಿಯಾ 2 ಸ್ಮಾರ್ಟ್‌ಫೋನ್ ಎಂಟ್ರಿ ಲೆವೆಲ್‌ನದ್ದಾಗಿದ್ದು, ಇದು ನೇರವಾಗಿ ಶಿಯೋಮಿ-ಮೊಟೊ ಕಂಪನಿಗಳ ಆರಂಭಿಕ ಬೆಲೆಯ ಸ್ಮಾರ್ಟ್‌ಫೋನ್ ಗಳಿಗೆ ಸ್ಪರ್ಧೆಯನ್ನು ನೀಡಲಿದೆ ಎಂದು ತಿಳಿದುಬಂದಿದೆ.

ಬೆಲೆ ಕಡಿಮೆ:

ನೋಕಿಯಾ ಸಹ ಮಾರುಕಟ್ಟೆಯಲ್ಲಿ ಸ್ಪರ್ಧೆಯನ್ನು ನೀಡುವ ಸಲುವಾಗಿ ರೂ.5000ಕ್ಕೆ ನೋಕಿಯಾ 2 ಸ್ಮಾರ್ಟ್‌ಫೋನ್ ನೀಡಲಿದೆ ಎನ್ನುವ ಮಾತು ಕೇಳಿ ಬಂದಿದೆಯಾದರು ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿಯೂ ಲಭ್ಯವಾಗಿಲ್ಲ.

ಈ ವರ್ಷವೇ ಮಾರುಕಟ್ಟೆಗೆ:

ಈ ನೋಕಿಯಾ 2 ಸ್ಮಾರ್ಟ್‌ಫೋನ್ ಇದೇ ವರ್ಷದ ಕೊನೆಯಲ್ಲಿ ಮಾರುಕಟ್ಟೆಗೆ ಬರಲಿದೆ ಎನ್ನುವ ಮಾತು ಮಾರುಕಟ್ಟೆಯಲ್ಲಿ ಕೇಳಿಬಂದಿದೆ. ನೋಕಿಯಾ ಆಂಡ್ರಾಯ್ಡ್ ಫೋನ್ ಗಳಲ್ಲೇ ಅತ್ಯಂತ ಕಡಿಮೆ ಬೆಲೆಗೆ ದೊರೆಯುವ ಫೋನ್ ಇದಾಗಲಿದೆ.

ವಿಶೇಷತೆ:

ನೋಕಿಯಾ 2 ಸ್ಮಾರ್ಟ್‌ಫೋನಿನಲ್ಲಿ ಕ್ವಾಲ್ಕಮ್ ಸ್ನಾಪ್ ಡ್ರಾಗನ್ ಪ್ರೋಸೆಸರ್ ಒಳಗೊಂಡಿರಲಿದ್ದು, 5 ಇಂಚಿನ ಡಿಸ್‌ಪ್ಲೇ ಇದರಲ್ಲಿರಲಿದೆ. ಇದು ಬೇರೆ ಫೋನ್ ಗಳಿಗೆ ಭರ್ಜರಿ ಸ್ಪರ್ಧೆಯನ್ನು ನೀಡುವುದು ಗ್ಯಾರೆಂಟಿಯಾಗಿದೆ.

ನೋಕಿಯಾ 8 ಮತ್ತು ನೋಕಿಯಾ 9;

ಇದೇ ಮಾದರಿಯಲ್ಲಿ ನೋಕಿಯಾ ಟಾಪ್ ಎಂಡ್ ಮಾಡಲ್ ಗಳಾಗದ ನೋಕಿಯಾ 8 ಮತ್ತು ನೋಕಿಯಾ 9 ಸ್ಮಾರ್ಟ್‌ಫೋನ್ ಗಳು ಕೆಲವೇ ದಿನಗಳಲ್ಲಿ ಲಾಂಚ್ ಆಗಲಿದೆ ಎನ್ನಲಾಗಿದೆ, ಒಟ್ಟಿನಲ್ಲಿ ನೋಕಿಯಾ ಸ್ಮಾರ್ಟ್‌ಫೋನ್ ಅಭಿಮಾನಿಗಳಿಗೆ ಸುಗ್ಗಿಕಾಲ.