ಸ್ಮಾರ್ಟ್ ಅಲ್ಲದ ಟಿವಿಗೆ ನಿಮ್ಮ ಆ್ಯಂಡ್ರಾಯ್ಡ್ ಫೋನನ್ನು ಕ್ಯಾಸ್ಟ್ ಮಾಡುವುದು ಹೇಗೆ?

"ಹೈ ಡೆಫಿನಿಷನ್ ಮಲ್ಟಿಮೀಡಿಯಾ ಇಂಟರ್ ಫೇಸ್" ಅಥವಾ ಹೆಚ್.ಡಿ.ಎಂ.ಐ ತುಂಬ ಸರಳವಾದ ವಿಧಾನ. ಸ್ಮಾರ್ಟ್ ಫೋನಿನ ಸಂಪರ್ಕದ ವಿಷಯಕ್ಕೆ ಬಂದರೆ, ಹೆಚ್.ಡಿ.ಎಂ.ಐ ಮೂರು ವಿಭಾಗದಲ್ಲಿ ಲಭ್ಯವಿದೆ - ಟೈಪ್ ಎ (ಪೂರ್ತಿ ಸೈಜಿನ, ಸಾಮಾನ್ಯ), ಟೈಪ್ ಸಿ (ಮಿನಿ) ಮತ್ತು ಟೈಪ್ ಡಿ (ಮೈಕ್ರೋ). ಟೈಪ್ ಎ ದೊಡ್ಡ ಸಾಧನಗಳಲ್ಲಿದ್ದರೆ, ಟೈಪ್ ಸಿ ಮತ್ತು ಟೈಪ್ ಡಿ ಪೋರ್ಟಬಲ್ ಸಾಧನಗಳಲ್ಲಿದೆ.

ನಿಮ್ಮ ಆ್ಯಂಡ್ರಾಯ್ಡ್ ಸಾಧನವು ಹೆಚ್.ಡಿ.ಎಂ.ಐ ಪೋರ್ಟನ್ನು ಬೆಂಬಲಿಸದೇ ಇದ್ದರೆ, ಎಂ.ಹೆಚ್.ಎಲ್ ಅಥವಾ "ಮೊಬೈಲ್ ಹೈ ಡೆಫಿನಿಷನ್ ಲಿಂಕ್" ಉಪಯೊಗಿಸಿಕೊಂಡು ಹೆಚ್.ಡಿ.ಎಂ.ಐ ಕೇಬಲ್ ಬಳಸಬಹುದು. ಈ ಎಂ.ಹೆಚ್.ಎಲ್ ಕೇಬಲ್ ನಿಮ್ಮ ಸ್ಮಾರ್ಟ್ ಫೋನ್ ಅಥವಾ ಟ್ಯಾಬ್ಲೆಟ್ಟಿನ ಮೈಕ್ರೋ ಯು.ಎಸ್.ಬಿ ಪೋರ್ಟಿಗೆ ಕೂರುತ್ತದೆ ಮತ್ತು ಇನ್ನೊಂದು ಬದಿಯಲ್ಲಿ ಹೆಚ್.ಡಿ.ಎಂ.ಐ ಕೇಬಲ್ಲನ್ನು ಸಂಪರ್ಕಿಸುತ್ತದೆ, ಅದರ ಮೂಲಕ ಟಿವಿಗೆ ಸಂಪರ್ಕ ಕಲ್ಪಿಸಬಹುದು.

ಗೂಗಲ್ಲಿನ ಕ್ರೋಮ್ ಕ್ಯಾಸ್ಟ್ ನಿಮ್ಮ ಸ್ಮಾರ್ಟ್ ಫೋನನ್ನು ಟಿವಿಯಲ್ಲಿ ನೋಡುವುದಕ್ಕೆ ಇರುವ ಅತ್ಯಂತ ಅಗ್ಗದ ವಿಧಾನ. ವೈಫೈ ಮೂಲಕ ನಿಮ್ಮ ಸ್ಮಾರ್ಟ್ ಫೋನ್ / ಟ್ಯಾಬ್ಲೆಟ್ಟಿನಿಂದಲೇ ಇದನ್ನು ನಿಯಂತ್ರಿಸಬಹುದು. ಕ್ರೋಮ್ ಕ್ಯಾಸ್ಟ್ ಆ್ಯಪ್ ಅನ್ನು ಗೂಗಲ್ ಪ್ಲೇ ಸ್ಟೋರಿನಿಂದ ಡೌನ್ ಲೋಡ್ ಮಾಡಿಕೊಳ್ಳಬಹುದು.

ಕ್ರೋಮ್ ಕ್ಯಾಸ್ಟ್, ಆ್ಯಂಡ್ರಾಯ್ಡ್ 2.3 ಮತ್ತು ಉನ್ನತ ಆವೃತ್ತಿಯ ಫೋನುಗಳಲ್ಲಿ ಕಾರ್ಯನಿರ್ವಹಿಸುತ್ತದೆ. ಜೊತೆಗೆ ವಿಂಡೋಸ್ 7 ಹಾಗೂ 8 ಮತ್ತು ಮ್ಯಾಕ್ ಒಸ್ 10.7 ನಂತರ ಆವೃತ್ತಿಗಳಲ್ಲಿರುವ ಕ್ರೋಮ್ ಬ್ರೌಸರ್ ಮತ್ತು ಕ್ರೋಮ್ 28ರ ನಂತರದ ಕ್ರೋಮ್ ಬುಕ್ಕುಗಳಲ್ಲಿ ಕಾರ್ಯನಿರ್ವಹಿಸುತ್ತದೆ.

ನಿಮ್ಮಲ್ಲಿ ಆ್ಯಂಡ್ರಾಯ್ಡ್ 4.2 ಅಥವಾ ನಂತರದ ಆ್ಯಂಡ್ರಾಯ್ಡ್ ಆವೃತ್ತಿಗಳಿದ್ದರೆ, ವೈರ್ ಲೆಸ್ ಪರದೆಯೆಂಬ ನೇರ ಆಯ್ಕೆ ಲಭ್ಯವಿದೆ. ಜೊತೆಗೆ ನಿಮ್ಮ ಟಿವಿಯಲ್ಲಿ 'ಮಿರರಿಂಗ್' ತಂತ್ರಜ್ಞಾನವಿರಬೇಕು. ನಿಮ್ಮ ಆ್ಯಂಡ್ರಾಯ್ಡ್ ಸಾಧನಗಳ ಮೂಲಕ ವೀಡಿಯೋ ಮತ್ತು ಚಿತ್ರಗಳನ್ನು ವೀಕ್ಷಿಸಲು ಮಿರಾಕ್ಯಾಸ್ಟ್ ಒಂದು ಉತ್ತಮ ಆಯ್ಕೆ. ಇದರಲ್ಲಿರುವ ಹೆಚ್.264 ವೀಡಿಯೋ ಟ್ರಾನ್ಸ್ ಮಿಷನ್ ತಂತ್ರಜ್ಞಾನ ಡಾಟಾ ಗಾತ್ರವನ್ನು ಕಡಿಮೆಗೊಳಿಸುವುದರ ಜೊತೆಗೆ ಉತ್ತಮ ಗುಣಮಟ್ಟದ ಚಿತ್ರಗಳನ್ನೂ ನೀಡುತ್ತದೆ.