ಮತ್ತೊಂದು ಸ್ಪೋಟಕ ಸುದ್ದಿ: ಜಿಯೋ ಉಚಿತ ಆಂಡ್ರಾಯ್ಡ್‌ಫೋನ್ ತಯಾರಿಕೆ ಆರಂಭ..! ಬಿಡುಗಡೆ ದಿನಾಂಕ ಫಿಕ್ಸ್..!

10 ಮಿಲಿಯನ್‌ ಸ್ಮಾರ್ಟ್‌ಫೋನ್ ತಯಾರಿಕೆ:

ಈಗಾಗಲೇ 10 ಮಿಲಿಯನ್ ಜಿಯೋ ಸ್ಮಾರ್ಟ್‌ಫೋನ್ ತಯಾರಿಕೆ ಆರಂಭವಾಗಿದ್ದು, ಡಿಸೆಂಬರ್ ಮಧ್ಯದ ವೇಳೆಗೆ ಭಾರತಕ್ಕೆ ಆಗಮಿಸಲಿದ್ದು, ಜನವರಿ ಮದ್ಯಭಾಗದಲ್ಲಿ ಬಿಡುಗಡೆಗೊಂಡು ಮಾರಾಟವಾಗಲಿದೆ ಎನ್ನಲಾಗಿದೆ.

ಸೆಪೆರ್ಡಮ್ ಕಂಪನಿ ತಯಾರಿಕೆ:

ಜಿಯೋ ಸ್ಮಾರ್ಟ್‌ಫೋನ್ ಗಳನ್ನು ಪ್ರೋಸೆಸರ್ ತಯಾರಿಕೆಯಲ್ಲಿ ಖ್ಯಾತಿಯನ್ನು ಗಳಿಸಿಕೊಂಡಿರುವ ಸೆಪೆರ್ಡಮ್ ಕಂಪನಿ ನಿರ್ಮಾಣ ಮಾಡುತ್ತಿದೆ ಎನ್ನಲಾಗಿದೆ. ಸ್ವತಃ ಕಂಪನಿಯ ಮಾಲೀಕರೇ ಈ ಮಾಹಿತಿಯನ್ನು ಹೊರ ಹಾಕಿದ್ದಾರೆ.

ಏರ್‌ಟೆಲ್ ವಿರುದ್ಧವಾಗಿ:

ಜಿಯೋ ಫೋನ್ ಮಾರುಕಟ್ಟೆಗೆ ಲಗ್ಗೆ ಇಟ್ಟ ನಂತರದಲ್ಲಿ ಏರ್‌ಟೆಲ್ ಕಡಿಮೆ ಬೆಲೆಗೆ ವಿವಿಧ ಕಂಪನಿಗಳೊಂದಿಗೆ ಒಪ್ಪಂದವನ್ನು ಮಾಡಿಕೊಂಡು ಸ್ಮಾರ್ಟ್‌ಫೋನ್‌ಗಳನ್ನು ಅತೀ ಕಡಿಮೆ ಬೆಲೆಗೆ ಬಿಡುಗಡೆ ಮಾಡಿತ್ತು. ಇದಕ್ಕೆ ಎದುರಾಗಿ ಜಿಯೋ ಉಚಿತ ಫೋನ್ ನೀಡಲಿದೆ.

ಉತ್ತಮ ಗುಣಮಟ್ಟ:

ಜಿಯೋ ಫೋನ್‌ ನಂತರ ದಲ್ಲಿ ಕಾಣಿಸಿಕೊಳ್ಳುತ್ತಿರುವ ಜಿಯೋ ಸ್ಮಾರ್ಟ್‌ಫೋನ್ ಗುಣಮಟ್ಟದಲ್ಲಿ ಯಾವುದೇ ರಾಜಿಯನ್ನು ಮಾಡಿಕೊಳ್ಳುತ್ತಿಲ್ಲ. ಬದಲಾಗಿ ಉತ್ತಮವಾದ ಫೋನ್ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದೆ.

ಅತೀ ಕಡಿಮೆ ಠೇವಣಿ:

ಜಿಯೋ ಫೋನ್ ಮಾದರಿಯಲ್ಲಿ ಜಿಯೋ ಆಂಡ್ರಾಯ್ಡ್ ಪೋನಿಗೂ ಗ್ರಾಹಕರು ಕಡಿಮೆ ಮೊತ್ತದ ಹಣವನ್ನು ಠೇವಣಿ ಇರಿಸಬೇಕಾಗಿದೆ. ನಂತರ ಇದನ್ನು ಹಿಂಪಡೆಯಬಹುದು, ಇಲ್ಲವೇ ಕ್ಯಾಷ್ ಬ್ಯಾಕ್ ಆಫರ್ ನೀಡಲಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.