ರಿಲಯನ್ಸ್ ಜಿಯೋದ ಲೈಫ್ ಫ್ಲೇಮ್ 8 ಮತ್ತು ವಿಂಡ್ 3 4ಜಿ ಸ್ಮಾರ್ಟ್ ಫೋನುಗಳು ಫ್ಲಿಪ್ ಕಾರ್ಟಿನಲ್ಲಿ ಲಭ್ಯ.

ಲೈಫ್ ಶ್ರೇಣಿಯ ಹಲವು ಫೋನುಗಳನ್ನು ಮಾರುಕಟ್ಟೆಗೆ ಈಗಾಗಲೇ ಬಿಟ್ಟಿರುವ ರಿಲಯನ್ಸ್ ರೀಟೈಲ್ ಈಗ ಫ್ಲೇಮ್ 8 ಮತ್ತು ವಿಂಡ್ 3 ಸ್ಮಾರ್ಟ್ ಫೋನುಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡಿ ಲೈಫ್ ಶ್ರೇಣಿಯ ಫೋನುಗಳ ಸಂಖೈಯನ್ನು ಹೆಚ್ಚಿಸಿದೆ.

ಎರಡೂ ಫೋನುಗಳು ಫ್ಲಿಪ್ ಕಾರ್ಟಿನಲ್ಲಿ ಮಾತ್ರ ಲಭ್ಯವಿರುತ್ತದೆ. ಫ್ಲೇಮ್ 8 ಮತ್ತು ವಿಂಡ್ 3 ಸ್ಮಾರ್ಟ್ ಫೋನುಗಳು ಫ್ಲಿಪ್ ಕಾರ್ಟಿನ ಸ್ವಾತಂತ್ರ್ಯ ದಿನದ ಮಾರಾಟದಲ್ಲಿ ಲಭ್ಯವಾಗುತ್ತದೆ. ಎರಡೂ ಫೋನುಗಳಲ್ಲಿರುವ ಕೆಲವು ಸಾಮಾನ್ಯ ಗುಣ ಲಕ್ಷಣಗಳೆಂದರೆ – ಎರಡು ಸಿಮ್ ಹಾಕುವ ಸೌಲಭ್ಯ, 8 ಮೆಗಾಪಿಕ್ಸೆಲ್ಲಿನ ಹಿಂಬದಿಯ ಪ್ರಾಥಮಿಕ ಕ್ಯಾಮೆರಾ, 4ಜಿ ವೋಲ್ಟೇ ಮತ್ತು ಎರಡರಲ್ಲೂ ಇರುವ ಓಎಸ್ ಆ್ಯಂಡ್ರಾಯ್ಡ್ 5.1 ಲಾಲಿಪಪ್.
ಓದಿರಿ: ಹೋನರ್ ಸ್ಮಾರ್ಟ್‌ಫೋನ್ ಚಿಪ್‌ಸೆಟ್ ಏಕೆ ಅತ್ಯದ್ಭುತ

ಲೈಫ್ ಫ್ಲೇಮ್ 8ರಲ್ಲಿ 4.5 ಇಂಚಿನ ಎಫ್.ಡಬ್ಲ್ಯೂ.ವಿ.ಜಿ.ಎ ಪರದೆಯಿದೆ. ಫ್ಲೇಮ್ 8ರಲ್ಲಿ 1.1ಗಿಗಾಹರ್ಟ್ಜಿನ ನಾಲ್ಕು ಹೃದಯದ ಕ್ವಾಲ್ಕಮ್ ಸ್ನಾಪ್ ಡ್ರಾಗನ್ 210 (ಎಂ.ಎಸ್.ಎಂ8909) ಪ್ರೊಸೆಸರ್ ಇದೆ.

ಫ್ಲೇಮ್ 8ರಲ್ಲಿ 1 ಜಿಬಿ ರ್ಯಾಮ್ ಇದೆ; 8ಜಿಬಿಯಷ್ಟು ಆಂತರಿಕ ಸಂಗ್ರಹ ಸಾಮರ್ಥ್ಯವಿದೆ, ಮೈಕ್ರೋ ಎಸ್.ಡಿ ಕಾರ್ಡನ್ನು ಉಪಯೋಗಿಸಿಕೊಂಡು ಇದನ್ನು ವಿಸ್ತರಿಸಬಹುದು. 8ಮೆಗಾಪಿಕ್ಸೆಲ್ಲಿನ ಹಿಂಬದಿಯ ಪ್ರಾಥಮಿಕ ಕ್ಯಾಮೆರಾ ಹಾಗೂ 5 ಮೆಗಾಪಿಕ್ಸೆಲ್ಲಿನ ಮುಂಬದಿಯ ಸ್ವಂತಿ ಕ್ಯಾಮೆರಾ, ವೈಫೈ, ಜಿ.ಪಿ.ಎಸ್ ಹಾಗೂ ಬ್ಲೂಟೂಥ್ ಇದರಲ್ಲಿರುವ ಮತ್ತಷ್ಟು ವಿಶೇಷತೆಗಳು. ಎರಡು ಸಿಮ್ಮಿನ ಸ್ಮಾರ್ಟ್ ಫೋನಿನಲ್ಲಿ 2000 ಎಂ.ಎ.ಹೆಚ್ ಸಾಮರ್ಥ್ಯದ ಬ್ಯಾಟರಿ ಇದೆ.

ಬಿಳಿ, ನೀಲಿ ಹಾಗೂ ಕಪ್ಪು ಬಣ್ಣಗಳಲ್ಲಿ ಲಭ್ಯವಿರುವ ಲೈಫ್ ಫ್ಲೇಮ್ 8ರ ಬೆಲೆ 4,199 ರುಪಾಯಿಗಳು.
ಮತ್ತೊಂದೆಡೆ, ಲೈಫ್ ವಿಂಡ್ 3 ಫೋನಿನಲ್ಲಿ 5.5 ಇಂಚಿನ ಐ.ಪಿ.ಎಸ್ ಪರದೆಯಿದೆ. ಅಡ್ರಿನೋ 306 ಜಿ.ಪಿ.ಯು ಹಾಗು ನಾಲ್ಕು ಹೃದಯಗಳ ಕ್ವಾಲ್ಕಮ್ ಸ್ನಾಪ್ ಡ್ರಾಗನ್ 410 ಪ್ರೊಸೆಸರ್ ಇದೆ.

ಈ ಸ್ಮಾರ್ಟ್ ಫೋನಿನಲ್ಲಿ 2 ಜಿಬಿ ರ್ಯಾಮ್, 16 ಜಿಬಿಯಷ್ಟು ಆಂತರಿಕ ಸಂಗ್ರಹ ಸಾಮರ್ಥ್ಯವಿದೆ. ಮೈಕ್ರೋ ಎಸ್.ಡಿ ಕಾರ್ಡ್ ಉಪಯೋಗಿಸಿಕೊಂಡು ಸಂಗ್ರಹ ಸಾಮರ್ಥ್ಯವನ್ನು 32 ಜಿಬಿವರೆಗೆ ಹೆಚ್ಚಿಸಿಕೊಳ್ಳಬಹುದು. ಆ್ಯಂಡ್ರಾಯ್ಡ್ 5.1 ಲಾಲಿಪಪ್ ಓ.ಎಸ್ ಹೊಂದಿರುವ ವಿಂಡ್ 3 ಫೋನಿನಲ್ಲಿ 4ಜಿ ವೋಲ್ಟೇ, ವೈಫೈ 802.11, ಬ್ಲೂಟೂಥ್ 4.0, ಜಿ.ಪಿ.ಎಸ್ ಸೌಲಭ್ಯಗಳಿವೆ.

ಓದಿರಿ:ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ5 V/S ಹೋನರ್ 5ಸಿ

ಹಿಂಬದಿಯ ಪ್ರಾಥಮಿಕ ಕ್ಯಾಮೆರಾ 8 ಮೆಗಾಪಿಕ್ಸೆಲ್ಲಿನದ್ದಾಗಿದ್ದರೆ, ಮುಂಬದಿಯ ಸ್ವಂತಿ ಕ್ಯಾಮೆರಾ 2 ಮೆಗಾಪಿಕ್ಸೆಲ್ಲಿನದು. 2920 ಎಂ.ಎ.ಹೆಚ್ ಸಾಮರ್ಥ್ಯದ ಬ್ಯಾಟರಿ ವಿಂಡ್ 3 ಫೋನಿನಲ್ಲಿದೆ.
ಕಪ್ಪು ಬಣ್ಣದಲ್ಲಿ ಮಾತ್ರ ಲಭ್ಯವಿರುವ ಲೈಫ್ ವಿಂಡ್ 3 ಫೋನಿನ ಬೆಲೆ 6,999 ರುಪಾಯಿಗಳು.