ಶೀಘ್ರದಲ್ಲಿಯೇ ರಿಲೀಸ್ ಆಗಲಿದೆ 'ಸ್ಯಾಮ್‌ಸಂಗ್ ಎಸ್10 ಸ್ಮಾರ್ಟ್‌ಫೋನ್ ಸರಣಿ'!!

ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಡಿಸ್‌ಪ್ಲೇ

ಪ್ರಸ್ತುತ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಸೆನ್ಸಾರ್ ಅಪ್‌ಡೇಟ್‌ ಫೀಚರ್ ಆಗಿದ್ದು, ಡಿಸ್‌ಪ್ಲೇಯಲ್ಲಿ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಫೀಚರ್ಸ್‌ ಅನ್ನು ಇದೀಗ ಸ್ಯಾಮ್‌ಸಂಗ್ ತನ್ನ ಎಸ್‌10 ಸರಣಿ ಸ್ಮಾರ್ಟ್‌ಫೋನ್‌ಗಳಾದ ಎಸ್‌10 ಮತ್ತು ಎಸ್‌10+ ಗಳಲ್ಲಿ ಪರಿಚಯಿಸಲಿದೆ. ಮತ್ತು ಎಸ್‌10e ಸ್ಮಾರ್ಟ್‌ಫೋನ್‌ನಲ್ಲಿ ಸೈಡ್‌ ಮೌಂಟೆಡ್ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಫೀಚರ್‌ಅನ್ನು ಅಳವಡಿಸಲಿದೆ ಎನ್ನಲಾಗುತ್ತಿದೆ.

ಡ್ಯುಯಲ್ ಸೆಲ್ಫೀ ಕ್ಯಾಮೆರಾ

ಸ್ಯಾಮ್‌ಸಂಗ್ ಎಸ್‌10 ಸರಣಿ ಎಸ್‌10 ಮತ್ತು ಎಸ್‌10+ ಸ್ಮಾರ್ಟ್‌ಫೋನ್‌ಗಳಲ್ಲಿ ಹಿಂಬದಿಯಲ್ಲಿ ಒಟ್ಟು ಮೂರು ಕ್ಯಾಮೆರಾಗಳನ್ನು ನೀಡಲಿದೆ. ಎಸ್‌10+ ಸ್ಮಾರ್ಟ್‌ಫೋನ್‌ನಲ್ಲಿ ಸೆಲ್ಫೀಗಾಗಿ ಮುಂಭಾಗದಲ್ಲಿ ಎರಡು ಕ್ಯಾಮೆರಾಗಳನ್ನು ಪರಿಚಯಿಸಲಿದ್ದು, ಎಸ್‌10 ಮತ್ತು ಎಸ್‌10e ಸ್ಮಾರ್ಟ್‌ಫೋನ್‌ನಲ್ಲಿ ಒಂದೇ ಸೆಲ್ಫೀ ಕ್ಯಾಮೆರಾ ಇರಲಿದೆ. ಅತ್ಯುತ್ತಮ ಪಿಲ್ಸಲ್ ಕ್ಯಾಮೆರಾಗಳಿದ್ದು, ಫೋಟೋಗಳು ಹೈ ರೆಸಲ್ಯೂಶನ್‌ಗಳಲ್ಲಿ ಮೂಡಿಬರಲಿವೆ.

ಎಸ್‌10 ಡಿಸ್‌ಪ್ಲೇ

ಈ ಸ್ಮಾರ್ಟ್‌ಫೋನಿನ ಡಿಸ್‌ಪ್ಲೇಯು ಸೂಪರ್ AMOLED ಯೊಂದಿಗೆ, 1440 x 2960 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದಲ್ಲಿ 6.1 ಇಂಚಿನ ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿರಲಿದ್ದು, ಬಾಡಿಯಿಂದ ಡಿಸ್‌ಪ್ಲೇ ನಡುವಿನ ಅನುಪಾತವು ಶೇ 89.85 ಇದೆ. ಇದರ ಡಿಸ್‌ಪ್ಲೇ ಬೆಜಲ್ ಲೆಸ್(ಅಂಚುರಹಿತ) ಆಗಿದ್ದು, ಸ್ಮಾರ್ಟ್‌ಫೋನಿನ ಸ್ಕ್ರೀನ್‌ ರಕ್ಷಣೆಗಾಗಿ ಗೊರಿಲ್ಲಾ ಗ್ಲಾಸ್ ಒದಗಿಸಲಾಗಿದೆ ಎಂದು ತಿಳಿದು ಬಂದಿದೆ.

ಎಸ್‌10 ಕ್ಯಾಮೆರಾ

ಸ್ಯಾಮ್‌ಸಂಗ್‌ನ ಎಸ್‌10 ಸ್ಮಾರ್ಟ್‌ಫೋನ್‌ನ ಹಿಂಭಾಗದಲ್ಲಿ ತ್ರಿವಳಿ ಕ್ಯಾಮೆರಾ ನೀಡಲಾಗಿದ್ದು, ಈ ಮೂರು ಕ್ಯಾಮೆರಾಗಳು ಕ್ರಮವಾಗಿ 12MP + 16MP + 13MP ಸಾಮರ್ಥ್ಯವನ್ನು ಹೊಂದಿವೆ. ಇನ್ನೂ ಫೋಟೋ 4000 x 3000 ಪಿಕ್ಸಲ್ ರೆಸಲ್ಯೂಶನ್‌ಯನ್ನು ಹೊಂದಿರಲಿದ್ದು, ಫೋಟೋ ಕ್ವಾಲಿಟಿ ಅತ್ಯುತ್ತಮವಾಗಿ ಮೂಡಿಬರುತ್ತವೆ. ಸೆಲ್ಫೀಗಾಗಿ 10 ಮೆಗಾಪಿಕ್ಸಲ್ ಸಾಮರ್ಥ್ಯವನ್ನು ನೀಡಲಾಗಿದೆ.

ಎಸ್‌10 ಪ್ರೊಸೆಸರ್

ಈ ಹೊಸ ಸ್ಮಾರ್ಟ್‌ಫೋನಿನಲ್ಲಿ 'ಸ್ಯಾಮ್‌ಸಂಗ್ Exynos 9 ಆಕ್ಟಾಕೋರ್ 9820' ಸಾಮರ್ಥ್ಯದ ಪ್ರೊಸೆಸರ್ ಇದ್ದು, ಮಲ್ಟಿ ಟಾಸ್ಕ್ ಕೆಲಸಗಳನ್ನು ವೇಗವಾಗಿ ನಿರ್ವಹಿಸುವ ಶಕ್ತಿಯನ್ನು ಹೊಂದಿದೆ. ಸ್ಮಾರ್ಟ್‌ಫೋನಿನಲ್ಲಿ ಗ್ರಾಫಿಕ್‌ಗಾಗಿ G76MP12 ಸಾಮರ್ಥ್ಯದ ಶಕ್ತಿ ಒದಗಿಸಲಾಗಿದೆ ಗೇಮ್ಸ್ ಆಟವಾಡಲು ಸಹಕರಿಸುತ್ತದೆ. 6GB RAM ಜೊತೆಗೆ 128 GB ಆಂತರಿಕ ಶೇಖರಣೆಯ ಸಾಮರ್ಥ್ಯವನ್ನು ನೀಡಲಾಗಿದೆ.

ಎಸ್‌10 ಬ್ಯಾಟರಿ

ಸ್ಮಾಮ್‌ಸಂಗ್‌ ಎಸ್‌ ಸರಣಿಯ ಗ್ಯಾಲ್ಯಾಕ್ಸಿ ಎಸ್10 ಸ್ಮಾರ್ಟ್‌ಫೋನ್‌ 3,500mAh ಸಾಮರ್ಥ್ಯದ ಬ್ಯಾಟರಿ ಹೊಂದಿದ್ದು, ಈ ಬ್ಯಾಟರಿ ದೀರ್ಘ ಬಾಳಕೆಯ ಶಕ್ತಿ ಸಾಮರ್ಥ್ಯವನ್ನು ಹೊಂದಿದೆ. ಇದರೊಂದಿಗೆ ಫಾಸ್ಟ್‌ ಚಾರ್ಜರ್ ಸಹ ಒದಗಿಸಲಾಗುವುದು ಇದರ ಸಹಾಯದಿಂದ ನಿಮ್ಮ ಸ್ಮಾರ್ಟ್‌ಫೋನ್‌ ವೇಗವಾಗಿ ಚಾರ್ಜ್ ಆಗುತ್ತದೆ. ಇನ್ನೂ ಈ ಸ್ಮಾರ್ಟ್‌ಪೋನ್ ವೈಯರ್ ಲೆಸ್‌ ಚಾರ್ಜರ್ ಅನ್ನು ಸಹ ಹೊಂದಿದೆ.

ಎಸ್‌10 ಬೆಲೆ?

ಬಹುನಿರೀಕ್ಷಿತ ಸ್ಯಾಮ್‌ಸಂಗ್ ಎಸ್10 ಸರಣಿ ಸ್ಮಾರ್ಟ್‌ಫೋನ್ ಭಾರತೀಯ ಮಾರುಕಟ್ಟೆಗೆ ಶೀಘ್ರದಲ್ಲಿಯೇ ಬರಲಿದ್ದು, ಭಾರತದಲ್ಲಿ ಗ್ಯಾಲ್ಯಾಕ್ಸಿ ಎಸ್‌10 ಸ್ಮಾರ್ಟ್‌ಫೋನಿನ ಆರಂಭಿಕ ಬೆಲೆ 63,800ರೂ.ಗಳು ಇರಲಿವೆ ಎಂದು ಅಂದಾಜಿಸಲಾಗಿದೆ.

ಗ್ಯಾಲ್ಯಾಕ್ಸಿ ಎಸ್‌10+ ಡಿಸ್‌ಪ್ಲೇ

ಸೂಪರ್ AMOLEDನೊಂದಿಗೆ, 1440 x 2960 ಪಿಕ್ಸಲ್ ಸಾಮರ್ಥ್ಯದ ರೆಸಲ್ಯೂಶನ್‌ ಒಳಗೊಂಡ 6.4 ಇಂಚಿನ ಹೆಚ್‌ಡಿ ಪ್ಲಸ್ ಡಿಸ್‌ಪ್ಲೇಯನ್ನು ಈ ಗ್ಯಾಲ್ಯಾಕ್ಸಿ ಎಸ್‌10+ ಸ್ಮಾರ್ಟ್‌ಫೋನ್ ಹೊಂದಿರಲಿದೆ. ಡಿಸ್‌ಪ್ಲೇ ನಿಂದ ಫೋನಿನ್ ಬಾಹ್ಯ ಬಾಡಿಯ ನಡುವಿನ ಅಂತರವು ಶೇ 89.06ರಷ್ಟು ಇದೆ. ಡಿಸ್‌ಪ್ಲೇಯ ರಕ್ಷಣೆಗಾಗಿ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ಅನ್ನು ಒದಗಿಸಲಾಗಿದೆ. ಈ ಸ್ಮಾರ್ಟ್‌ಪೋನಿನಲ್ಲಿ ಅಂಚುರಹಿತ ಡಿಸ್‌ಪ್ಲೇಯನ್ನು ನೀವು ಕಾಣಲಿದ್ದಿರಿ.

ಗ್ಯಾಲ್ಯಾಕ್ಸಿ ಎಸ್‌10+ ಪ್ರೊಸೆಸರ್

ಗ್ಯಾಲ್ಯಾಕ್ಸಿ ಎಸ್‌10+ ಸ್ಮಾರ್ಟ್‌ಫೋನ್ ಅತೀ ಮುಂದುವರಿದ ಪ್ರೊಸೆಸರ್ ಆದ 'ಕ್ವಾಲ್ಕಂ ಸ್ನ್ಯಾಪ್‌ಡ್ರಾಗನ್ 855' ಸಾಮರ್ಥ್ಯದ ಪ್ರೊಸೆಸರ್ ಹೊಂದಿರಲಿದ್ದು, ಇದರೊಂದಿಗೆ ಅಂಡ್ರಿನೊ 640 ಸಿಪಿಯು ಸಾಮರ್ಥ್ಯವನ್ನು ಸಹ ಒಳಗೊಂಡಿದೆ. ಮಲ್ಟಿಟಾಸ್ಕ ಕೆಲಸಗಳನ್ನು ಅತೀ ಸರಳವಾಗಿ ನಿರ್ವಹಿಸುವ ಶಕ್ತಿ ಹೊಂದಿದೆ. 12GB ಸಾಮರ್ಥ್ಯದ RAM ಜೊತೆಗೆ 1000GB ಆಂತರಿಕ ಸಂಗ್ರಹ ಸಾಮರ್ಥ್ಯವನ್ನು ನೀಡಲಾಗಿದೆ.

ಗ್ಯಾಲ್ಯಾಕ್ಸಿ ಎಸ್‌10+ ಕ್ಯಾಮೆರಾ

ಹಿಂಭಾಗದಲ್ಲಿ ಒಟ್ಟು ಮೂರು ಕ್ಯಾಮೆರಾಗಳಿದ್ದು, ಮೆನ್ ಕ್ಯಾಮೆರಾ 12 ಮೆಗಾಪಿಕ್ಸಲ್ ಸಾಮರ್ಥ್ಯವನ್ನು ಹೊಂದಿದ್ದು, ಅಪರ್ಚರ್ ಗಾತ್ರವು F1.5/F2.4 ಆಗಿರಲಿದೆ. ಸೆಕೆಂಡರಿ ಕ್ಯಾಮರದಲ್ಲಿಯೂ ಸಹ 12 ಮೆಗಾಪಿಕ್ಸಲ್ ಸಾಮರ್ಥ್ಯವನ್ನು ನೀಡಿದ್ದು, ಇದರಲ್ಲಿ ಟೆಲಿಫೋಟೋ ಲೆನ್ಸ್ ಇರಲಿದೆ ಇದರ ಅಪರ್ಚರ್ ಗಾತ್ರವು F2.4 ಆಗಿರಲಿದೆ. ಇನ್ನೂ ಮುಂಭಾಗದಲ್ಲಿ ಸೆಲ್ಫೀಗಾಗಿ 10ಮೆಗಾಪಿಕ್ಸಲ್ ಸಾಮರ್ಥ್ಯವನ್ನು ಒದಗಿಸಲಾಗಿದೆ.

ಗ್ಯಾಲ್ಯಾಕ್ಸಿ ಎಸ್‌10+ ಬ್ಯಾಟರಿ ಪವರ್

ಈ ಸ್ಮಾರ್ಟ್‌ಫೋನ್‌ 4100mAh ಸಾಮರ್ಥ್ಯದ ಪವರ್‌ಫುಲ್ ಬ್ಯಾಟರಿಯನ್ನು ಹೊಂದಿರಲಿದ್ದು, ದೀರ್ಘಕಾಲ ಬ್ಯಾಟರಿ ಬಾಳಿಕೆ ಬರಲಿದೆ. ಇದರೊಂದಿಗೆ ಫಾಸ್ಟ್‌ ಚಾರ್ಜರ್ ಅನ್ನು ಒದಗಿಸಲಾಗುತ್ತಿದ್ದು, ಸ್ಮಾರ್ಟ್‌ಫೋನ್ ಅತೀ ವೇಗವಾಗಿ ಚಾರ್ಜಿಂಗ್ ಆಗುತ್ತದೆ. ವೈಯರ್‌ಲೆಸ್ ಚಾರ್ಜಿಂಗ್ ವ್ಯೆವಸ್ಥೆಯನ್ನು ಸಹ ಒಳಗೊಂಡಿದೆ.

ಗ್ಯಾಲ್ಯಾಕ್ಸಿ ಎಸ್‌10+ ಬೆಲೆ?

ಸ್ಯಾಮ್‌ಸಂಗ್ ಕಂಪನಿಯ ಹೈ ಎಂಡ್ ಸ್ಮಾರ್ಟ್‌ಪೋನ್ ಎಂದು ಹೇಳಲಾಗುತ್ತಿರುವ 'ಗ್ಯಾಲ್ಯಾಕ್ಸಿ ಎಸ್10+ ಸ್ಮಾರ್ಟ್‌ಫೋನ್ ಭಾರತೀಯ ಮಾರುಕಟ್ಟೆಗೆ ಶೀಘ್ರದಲ್ಲಿಯೇ ಪ್ರವೇಶಿಸಲಿದ್ದು, ಭಾರತದಲ್ಲಿ ಗ್ಯಾಲ್ಯಾಕ್ಸಿ ಎಸ್‌10+ ಸ್ಮಾರ್ಟ್‌ಫೋನಿನ ಆರಂಭಿಕ ಬೆಲೆ 82,100ರೂ.ಗಳು ಆಗಿರಲಿದೆ ಎಂದು ಅಂದಾಜಿಸಲಾಗಿದೆ.