ಸ್ಮಾರ್ಟ್ ಫೋನಿನ ಎಲ್.ಇ.ಡಿ ಲೈಟನ್ನು ಕ್ರಿಯಾತ್ಮಕವಾಗಿ ಉಪಯೋಗಿಸಲು ಏಳು ಸಲಹೆಗಳು.

ಇಮೇಜ್ ಪ್ರೊಜೆಕ್ಟರ್.

ಎಲ್.ಇ.ಡಿ ಬೆಳಕನ್ನು ಉಪಯೋಗಿಸಿಕೊಂಡು ಪಾರದರ್ಶಕ ಫಿಲ್ಮ್ ಗಳಲ್ಲಿರುವ ಚಿತ್ರಗಳನ್ನು ಪ್ರೊಜೆಕ್ಟ್ ಮಾಡಬಹುದು, ಥೇಟು ಓವರ್ ಹೆಡ್ ಪ್ರೊಜೆಕ್ಟರುಗಳಂತೆ. ಪ್ರಿಂಟಾದ ಆದ ಚಿತ್ರಗಳು ಚಿಕ್ಕದಿರುವಂತೆ ನೋಡಿಕೊಳ್ಳಿ ಆಥವಾ ನೀವೇ ಒಂದು ಡಿ.ಐ.ವೈ ಪ್ರೊಜೆಕ್ಟರ್ ತಯಾರಿಸಬಹುದು ಮತ್ತು ಒಂದು ಭೂತಗನ್ನಡಿ ಉಪಯೋಗಿಸಿ ಚಿತ್ರಗಳು ದೊಡ್ಡದಾಗಿ ಕಾಣುವಂತೆ ಮಾಡಬಹುದು. ನೆರಳಿನ ಬೊಂಬೆಗಳನ್ನೂ ಮಾಡಬಹುದು.

ಮೋರ್ಸ್ ಕೋಡ್ ಸಾಧನ.

ಡಿಜಿಟಲ್ ಪೂರ್ವ ದಿನಗಳ ಮಕ್ಕಳಿಗೆ ಫ್ಲಾಷ್ ಲೈಟ್ ಉಪಯೋಗಿಸಿ ಮೋರ್ಸ್ ಕೋಡ್ ಸಂದೇಶಗಳನ್ನು ಕಳುಹಿಸುವುದು ತಿಳಿದಿರುತ್ತದೆ. ಈಗ ಅನೇಕ ವೇಗದ ಸಂದೇಶ ವಾಹಕಗಳು ಲಭ್ಯವಿರುವುದಾದರೂ, ಇದು ನಿಜಕ್ಕೂ ಖುಷಿ ಕೊಡುವ ವಿಧಾನ. ಫ್ಲಾಷ್ ಅನ್ನು ಆನ್ ಮತ್ತು ಆಫ್ ಮಾಡುವುದರ ಮೂಲಕ ಸಂದೇಶ ಕೊಡಬಹುದು. ಸಂದೇಶವನ್ನು ತೆಗೆದುಕೊಂಡು ಕಳುಹಿಸುವುದಕ್ಕೆ ಈಗ ಆ್ಯಪ್ ಗಳೂ ಲಭ್ಯವಿದೆ.

ಮ್ಯುಸಿಕಲ್ ಲೈಟ್ ಶೋ.

ಎಲ್.ಇ.ಡಿ ಲೈಟುಗಳಿಂದ ಚಿಕ್ಕದಾದ ಒಂದು ಲೈಟ್ ಶೋ ನಡೆಸಬಹುದು. ಸಂಗೀತ ಮತ್ತೊಂದು ಸಾಧನದಿಂದ ಬರುತ್ತಿದ್ದರೂ ಎಲ್.ಇ.ಡಿ ಲೈಟ್ ಫ್ಲಾಷ್ ಆಗುವಂತೆ ಕೆಲವರು ಮಾಡಬಲ್ಲರು. ನಿಮ್ಮ ಮೊಬೈಲಿಗೆ ಒಂದು ಪ್ಲಾಸ್ಟಿಕ್ ಕೇಸ್ ಹಾಕುವ ಮೂಲಕ ಲೈಟ್ ಹತ್ತಿಕೊಂಡಾಗ ಇಡೀ ಫೋನ್ ಬೆಳಕು ಚೆಲ್ಲುವಂತೆ ಮಾಡಬಹುದು.

ಸ್ಟ್ರೋಬ್ ಲೈಟ್.

ನಿಮ್ಮ ಸ್ಮಾರ್ಟ್ ಫೋನನ್ನು ಸ್ಟ್ರೋಬ್ ಲೈಟಿನಂತೆಯೂ ಉಪಯೋಗಿಸಬಹುದು. ನಿಮ್ಮ ಮೊಬೈಲನ್ನು ಮೊದಲು ರೂಟ್ ಮಾಡಬೇಕು ಅಥವಾ ಜೈಲ್ ಬ್ರೇಕ್ ಮಾಡಬೇಕು, ನಂತರ ಎಲ್.ಇ.ಡಿ ಲೈಟ್ ಸ್ಟ್ರೋಬ್ ಲೈಟಿನಂತೆ ಆನ್ - ಆಫ್ ಆಗುವಂತೆ ಮಾಡಬಹುದು. ಫ್ಲಾಷ್ ನ ವೇಗವನ್ನು ನಿಯಂತ್ರಿಸಲು ತಂತ್ರಾಂಶಗಳು ಲಭ್ಯವಿದೆ. ಎಲ್.ಇ.ಡಿ ಲೈಟಿನ ಮುಂದೆ ನೀರಿರುವ ಪಾತ್ರೆಯನ್ನಿಟ್ಟು ಬೆಳಕನ್ನು ಮತ್ತಷ್ಟು ಹೆಚ್ಚಿಸಿಕೊಳ್ಳಬಹುದು.

ನೋಟಿಫಿಕೇಷನ್ಸ್.

ನೋಟಿಫಿಕೇಷನ್ ಬಂದಾಗ ನಿಮ್ಮನ್ನು ಎಚ್ಚರಿಸುವುದು ಕೂಡ ಎಲ್.ಇ.ಡಿಯ ಕೆಲಸ. ನೊಟಿಫಿಕೇಷನ್ಸ್ ಬಂದಾಗ ಎಲ್.ಇ.ಡಿ ಲೈಟ್ ಹೊತ್ತಿಕೊಳ್ಳುವಂತೆ ಮಾಡಬಹುದು. ಕರೆ ಅಥವಾ ಮೆಸೇಜ್ ಬಂದಾಗ ಎಲ್.ಇ.ಡಿ ಲೈಟ್ ಆನ್ - ಆಫ್ ಆಗುವಂತೆ ಮಾಡಿಕೊಳ್ಳಬಹುದು.

ರೂಮ್ ಲ್ಯಾಂಪ್.

ಎಲ್.ಇ.ಡಿ ಲೈಟನ್ನು ಆನ್ ಮಾಡಿ. ಎಲ್.ಇ.ಡಿ ಲೈಟ್ ಮೇಲಕ್ಕೆ ನೊಡುವಂತಿರಲಿ. ನೀರು ತುಂಬಿರುವ ಪಾರದರ್ಶಕ ಬಾಟಲಿಯೊಂದನ್ನು ಅದರ ಮೇಲಿಡಿ. ಇದರಿಂದ ಹೆಚ್ಚಿನ ಬೆಳಕು ಬರುತ್ತದೆ. ವಿವಿಧ ಬಣ್ಣಗಳನ್ನು ಉಪಯೋಗಿಸಿಕೊಂಡು ಬೇರೆ ಬೇರೆ ಪರಿಣಾಮಗಳನ್ನು ಪಡೆಯಬಹುದು.

ಫ್ಲಾಷ್ ಲೈಟ್.

ಇದು ಎಲ್.ಇ.ಡಿ ಲೈಟಿನ ಅತ್ಯಂತ ಸಾಮಾನ್ಯ ಉಪಯೋಗ. ಕತ್ತಲಿದ್ದಾಗ, ಎಲ್.ಇ.ಡಿ ಫ್ಲಾಷನ್ನು ಉಪಯೋಗಿಸಲಾಗುತ್ತದೆ. ವಿದ್ಯುತ್ ಹೋದಾಗ ಬ್ಯಾಟರಿಗೆ ತಡಕಾಡುವ ದಿನಗಳು ಈಗಿಲ್ಲ!