51,990 ರುಪಾಯಿಯ ಸೋನಿ ಎಕ್ಸ್ ಪೀರಿಯಾ XZ: ನಿಮಗೆ ಗೊತ್ತಿರಬೇಕಾದ ಹತ್ತು ಸಂಗತಿಗಳು.

ಅಲ್ಕಾಲಾಯ್ಡೋ ವಸ್ತುವಿನಿಂದ ಮಾಡಲಾಗಿದೆ!

ಈ ಫ್ಲಾಗ್ ಶಿಪ್ ಸ್ಮಾರ್ಟ್ ಫೋನಿನಲ್ಲಿ ಹೊಸ ವಸ್ತು ಅಲ್ಕಾಲಾಯ್ಡೋ ಅನ್ನು ಉಪಯೋಗಿಸಲಾಗಿದೆ. ಇದು ಬೆರಳ ಗುರುತುಗಳ ನಿರೋಧಕ. ಈ ಮೊಬೈಲ್ 161 ಗ್ರಾಂ ತೂಕವಿದೆ ಮತ್ತು 8.1ಎಂಎಂ ದಪ್ಪವಿದೆ.

ಎಕ್ಸ್ - ರಿಯಾಲಿಟಿ ಇಂಜಿನ್ ಅಪ್ ಗ್ರೇಡ್ ಆಗಿದೆ.

ಎಲ್ಲಾ ಎಕ್ಸ್ ಪೀರಿಯಾ ಫ್ಲಾಗ್ ಶಿಪ್ ಸ್ಮಾರ್ಟ್ ಫೋನುಗಳಲ್ಲಿ ಎಕ್ಸ್ ರಿಯಾಲಿಟಿ ಇಂಜಿನ್ ಇದೆ; ಇದರಲ್ಲಿ ಬಣ್ಣಗಳ ತೋರುವಿಕೆ ಚೆನ್ನಾಗಿರುತ್ತದೆ. ಸೋನಿ ಎಕ್ಸ್ ಪೀರಿಯಾ XZನಲ್ಲಿ 5.1 ಇಂಚಿನ ಫುಲ್ ಹೆಚ್.ಡಿ ಟ್ರೈಲ್ಯುಮಿನೋಸ್ ಪರದೆಯಿದೆ. ಜೊತೆಗೆ ಸೋನಿಯು ಸೋನಿ ಎಕ್ಸ್ ಪೀರಿಯಾ XZನಲ್ಲಿ ಹೊಸ ತಂತ್ರಜ್ಞಾನಗಳಾದ ಲೈವ್ ಕಲರ್ ಎಲ್.ಇ.ಡಿ ಮತ್ತು ಲೈವ್ ಕಲರ್ ಕ್ರಿಯೇಷನ್ ಅನ್ನು ಸೇರಿಸಿದೆ.

ಹೊಸ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಸ್ನಾಪ್ ಡ್ರಾಗನ್ 820 ಎಸ್.ಒ.ಸಿ.

ಸೋನಿ ಎಕ್ಸ್ ಪೀರಿಯಾ XZನಲ್ಲಿ ಕ್ವಾಡ್ ಕೋರ್ ಸ್ನಾಪ್ ಡ್ರಾಗನ್ 820 ಚಿಪ್ ಇದೆ. ಜೊತಗೆ ಗ್ರಾಫಿಕ್ಸ್ ಗಾಗಿ ಅಡ್ರಿನೊ 530 ಚಿಪ್ ಇದೆ.

3ಜಿಬಿ ರ್ಯಾಮ್, 64 ಜಿಬಿ ಆಂತರಿಕ ಸಂಗ್ರಹ ಸಾಮರ್ಥ್ಯ.

ಸೋನಿ ತನ್ನ ಎಕ್ಸ್ ಪೀರಿಯಾ XZ ಫೋನಿನಲ್ಲಿ ಇನ್ನೂ 3ಜಿಬಿ ರ್ಯಾಮ್ ಅನ್ನು ಇರಿಸಿದೆ. ಫ್ಲಾಗ್ ಶಿಪ್ ಫೋನಿನಲ್ಲಿ ಕೊನೇ ಪಕ್ಷ 4ಜಿಬಿ ರ್ಯಾಮ್ ಆದರೂ ಇದ್ದಿದ್ದರೆ ಉಳಿದ ಫೋನುಗಳೊಂದಿಗೆ ಸ್ಫರ್ಧೆಗಿಳಿಯಬಹುದಿತ್ತು. ಜೊತೆಗೆ ಭಾರತೀಯ ಆವೃತ್ತಿಯಲ್ಲಿ 64 ಜಿಬಿಯಷ್ಟು ಆಂತರಿಕ ಸಂಗ್ರಹ ಸಾಮರ್ಥ್ಯವಿದೆ, ಮೈಕ್ರೋ ಎಸ್.ಡಿ ಕಾರ್ಡ್ ಬೆಂಬಲವಿದೆ.

ಹೊಸ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಹೊಸ ಐ.ಎಂ.ಎಕ್ಸ್ 300 ಸಂವೇದಕ.

ಸೋನಿ ಎಕ್ಸ್ ಪೀರಿಯಾ XZನಲ್ಲಿ ಕಂಪನಿಯ ಹೊಸ ಸೋನಿ ಐ.ಎಂ.ಎಕ್ಸ್ 300 ಸಂವೇದಕವಿದೆ. 23 ಮೆಗಾಪಿಕ್ಸೆಲ್ಲಿನ ದೊಡ್ಡ ಕ್ಯಾಮೆರಾ ಇದೆ. ಜೊತೆಗೆ ಸೆಲ್ಫಿ ಮತ್ತು ವೀಡಿಯೋ ಕರೆಗಳಿಗಾಗಿ 13 ಮೆಗಾಪಿಕ್ಸೆಲ್ಲಿನ ವೈಡ್ ಆ್ಯಂಗಲ್ ಮುಂಬದಿ ಕ್ಯಾಮೆರಾ ಇದೆ.

ಹೊಸತಾದ ಟ್ರಿಪಲ್ ಇಮೇಜ್ ಸೆನ್ಸಿಂಗ್ ತಂತ್ರಜ್ಞಾನ.

ಎಕ್ಸ್ ಪೀರಿಯಾ XZನಲ್ಲಿರುವ ಕ್ಯಾಮೆರಾದಲ್ಲಿ ಹೊಸ ತಂತ್ರಜ್ಞಾನವಾದ ಟ್ರಿಪಲ್ ಇಮೇಜ್ ಸೆನ್ಸಿಂಗ್ ಇದೆ. ಇರದಿಂದ ಪಿಡಿಎಫ್ ಮತ್ತು ಡಿಒಎಫ್ ಉತ್ತಮವಾಗಲಿದೆ. ಟ್ರಿಪಲ್ ಇಮೇಜ್ ಸೆನ್ಸಿಂಗ್ ತಂತ್ರಜ್ಞಾನವು ಚಲಿಸುತ್ತಿರುವ ವಸ್ತುಗಳನ್ನು ಉತ್ತಮವಾಗಿ ಸೆರೆಹಿಡಿಯಲಿದೆ.

ಹೊಸ ಟ್ಯಾಬ್ಲೆಟ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಸ್ಟೆಡಿಶಾಟ್ ಇಂಟೆಲಿಜೆಂಟ್ ಆ್ಯಕ್ಟೀವ್ ಮೋಡ್ ಎಂಬ ಹೊಸ ಒಐಎಸ್.

ಈ ಸ್ಮಾರ್ಟ್ ಫೋನಿನಲ್ಲಿ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಜೇಷನ್ ಇಲ್ಲ. ಬದಲಿಗೆ ಕಂಪನಿಯು ಸ್ಟೆಡಿಶಾಟ್ ಇಂಟೆಲಿಜೆಂಟ್ ಆ್ಯಕ್ಟೀವ್ ಮೋಡ್ ಅನ್ನು ಆಯ್ದುಕೊಂಡಿದೆ, ಇದು 5 ಆ್ಯಕ್ಸಿಸ್ ಗೈರೋಸ್ಕೋಪ್ ಅನ್ನು ಬಳಸಿಕೊಂಡು ಚಿತ್ರ ಮತ್ತು ವೀಡಿಯೋಗಳನ್ನು ಸ್ಟೆಬಿಲೈಜ್ ಮಾಡುತ್ತದೆ.

13 ಮೆಗಾಪಿಕ್ಸೆಲ್ಲಿನ ಸೆಲ್ಫಿ ಕ್ಯಾಮೆರ.

1/3.06" ಲೋ ಲೈಟ್ ಸಂವೇದಕ ಮತ್ತು 22 ಎಂಎಂ ವೈಡ್ ಆ್ಯಂಗಲ್ ಲೆನ್ಸ್ ಇರುವ 13 ಮೆಗಾಪಿಕ್ಸೆಲ್ಲಿನ ಮುಂಬದಿಯ ಕ್ಯಾಮೆರಾ ಎಕ್ಸ್ ಪೀರಿಯಾ XZನಲ್ಲಿದೆ. ಈ ಕ್ಯಾಮೆರಾದಿಂದ 4ಕೆ ವೀಡಿಯೋಗಳನ್ನು ಮಾಡಬಹುದು ಮತ್ತು 2x ಲಾಸ್ ಲೆಸ್ ಝೂಮ್ ಕೂಡ ಇದರಲ್ಲಿ ಲಭ್ಯವಿದೆ.

ಹೊಸ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಜಲ ನಿರೋಧಕ ಗುಣ.

ಸೋನಿಯ ಎಲ್ಲಾ ಫ್ಲಾಗ್ ಶಿಪ್ ಸ್ಮಾರ್ಟ್ ಫೋನುಗಳು ಜಲನಿರೋಧಕವಾಗಿವೆ. ಎಕ್ಸ್ ಪೀರಿಯಾ XZ ಕೂಡ ಇದಕ್ಕೆ ಹೊರತಲ್ಲ.

ಕ್ವಿಕ್ ಚಾರ್ಜ್ 3.0 ಬೆಂಬಲ ಕೂಡ ಇದೆ.

ಎಕ್ಸ್ ಪೀರಿಯಾ XZನಲ್ಲಿ ಚಿಕ್ಕದೇ ಎನ್ನಬಹುದಾದ 2,900 ಎಂ.ಎ.ಹೆಚ್ ಬ್ಯಾಟರಿ ಇದೆ. ಜೊತೆಗೆ ಸ್ಮಾರ್ಟ್ ಫೋನ್ ಕ್ವಾಲ್ ಕಮ್ ಕ್ವಿಕ್ ಚಾರ್ಜ್ 3.0 ತಂತ್ರಜ್ಞಾನವನ್ನು ಬೆಂಬಲಿಸುತ್ತದೆ. ಜೊತೆಗೆ ಈ ಫೋನಿನಲ್ಲಿ ಅಡಾಪ್ಟೀವ್ ಚಾರ್ಜಿಂಗ್ ಬೆಂಬಲವಿದೆ, ನೀವು ಯಾವಾಗ ಬ್ಯಾಟರಿ ಚಾರ್ಜ್ ಮಾಡುತ್ತಿದ್ದೀರಾ ಎನ್ನುವುದನ್ನು ಅರಿತುಕೊಂಡು 90ಪ್ರತಿಶತಃದಷ್ಟು ಚಾರ್ಜ್ ಆದಾಗ ಕ್ವಿಕ್ ಚಾರ್ಜ್ ಅನ್ನು ನಿಲ್ಲಿಸಿ ಬೆಳಗಿನವರೆಗೂ 100ಪರ್ಸೆಂಟಿನವರೆಗೆ ಚಾರ್ಜ್ ಆಗುವಂತೆ ನೋಡಿಕೊಳ್ಳುತ್ತದೆ.

ಹೊಸ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ