ಜಿಯೋ ಮೇಲೆ ಕಣ್ಣಿಟ್ಟ ಶಿಯೋಮಿ: ಆಚ್ಚರಿಯ ಬೆಲೆಯಲ್ಲಿ 4G ಫೀಚರ್ ಫೋನ್ ಲಾಂಚ್...!

ಶಿಯೋಮಿ Qin Ai ಪೋನ್:

ಶಿಯೋಮಿ ಬಿಡುಗಡೆ ಮಾಡಲಿರುವ ಶಿಯೋಮಿ Qin Ai ಪೋನ್ ಮೊದಲಿಗೆ ಚೀನಾದಲ್ಲಿ ಕಾಣಿಸಿಕೊಳ್ಳಲಿದೆ. ಮೊದಲಿಗೆ ಕ್ರೌಡ್ ಫಂಡಿಂಗ್‌ನಲ್ಲಿ ಮಾರಾಟವಾಗಲಿದೆ. ಇದಾದ ನಂತರದಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿಯೂ ಕಾಣಿಸಿಕೊಳ್ಳಲಿದೆ ಎನ್ನಲಾಗಿದೆ. ಚೀನಾದಲ್ಲಿ ಇದು ರೂ.2000ಕ್ಕೆ ಮಾರಾಟವಾಗಲಿದ್ದು, ಭಾರತಕ್ಕೆ ಬಂದರೆ ಬೆಲೆಯಲ್ಲಿ ಭಾರೀ ಕಡಿಮೆಗೆ ಮಾರಾಟ ಮಾಡಲಿದೆ. ಅದರಲ್ಲೂ ಜಿಯೋಗೆ ಸೆಡ್ಡು ನೀಡಲು ರೂ.1000ಕ್ಕೆ ಮಾರಾಟ ಮಾಡಿದರೂ ಆಶ್ವರ್ಯ ಪಡಬೇಕಾಗಿಲ್ಲ.

ವಿಶೇಷತೆಗಳು:

ಶಿಯೋಮಿ Qin Ai ಪೋನ್ ಮಾರುಕಟ್ಟೆಯಲ್ಲಿ ಟ್ರೆಂಡ್ ಆಗಿರುವ 4G LET ಮತ್ತು oLTE ನೆಟ್‌ವರ್ಕ್‌ಗಳಿಗೆ ಸಪೋರ್ಟ್ ಮಾಡಲಿದೆ. ಇದರಿಂದಾಗಿ ಮಾರುಕಟ್ಟೆಯಲ್ಲಿ ದೊರೆಯುವ ಜಿಯೋ ಸಿಮ್ ಸೇರಿದಂತೆ ಎಲ್ಲಾ ಮಾದರಿಯ ಸಿಮ್‌ಗಳಿಗೂ ಇದು ಸಪೋರ್ಟ್ ಮಾಡಲಿದೆ ಎನ್ನಲಾಗಿದೆ.

ಆಂಡ್ರಾಯ್ಡ್:

ಶಿಯೋಮಿ Qin Ai ಪೋನಿನಲ್ಲಿ ಆಂಡ್ರಾಯ್ಡ್ OSನಲ್ಲಿ ಕಾರ್ಯನಿರ್ವಹಿಸಲಿದೆ ಎನ್ನಲಾಗಿದೆ. ಇದಕ್ಕಾಗಿ ಮಾಕೊರ್ 5 OS ಅನ್ನು ಇದರಲ್ಲಿ ಕಾಣಬಹುದಾಗಿದೆ. ಇದರಿಂದಾಗಿ ಫೀಚರ್ ಫೋನ್ ಆದರು ಸಹ ಸ್ಮಾರ್ಟ್‌ ಆಪ್‌ಗಳಿಗೆ ಸಪೋರ್ಟ್ ಮಾಡಲಿದೆ.

ಶಿಯೋಮಿ Qin Ai ಪೋನ್ ಚಿಪ್ ಸೆಟ್:

ಶಿಯೋಮಿ Qin Ai ನಲ್ಲಿ 2.8 ಇಂಚಿನ ಕಲರ್ ಡಿಸ್‌ಪ್ಲೇಯನ್ನು ಕಾಣಬಹುದಾಗಿದೆ. ಇದರೊಂದಿಗೆ 256 MB RAM ಮತ್ತು 512 MB ಸ್ಟೋರೆಜ್ ಅನ್ನು ನೀಡಲಾಗಿದೆ. ಎರಡು ಸಿಮ್ ಗಳನ್ನು ಹಾಕಬಹುದಾಗಿದೆ. ಇದಲ್ಲದೇ ಮೈಮೊರಿ ಕಾರ್ಡ್ ಹಾಕಿಕೊಳ್ಳುವ ಅವಕಾಶವನ್ನು ಮಾಡಿಕೊಡಲಾಗಿದೆ.

ರಿಯಲ್ ಟೈಮ್ ಟ್ರಾನ್ಸ್‌ಲೇಷನ್:

ಶಿಯೋಮಿ Qin Ai ಪೋನ್ ಫೀಚರ್ ಫೋನ್ ಎನ್ನಿಸಿಕೊಂಡರೂ ಸಹ ರಿಯಲ್ ಟೈಮ್ ನಲ್ಲಿ 17 ಭಾಷೆಗಳಿಗೆ ಟ್ರಾನ್ಸ್‌ಲೇಷನ್ ಮಾಡುವ ಶಕ್ತಿಯನ್ನು ಹೊಂದಿದೆ. ಇದರಿಂದಾಗಿ ಫೀಚರ್ ಫೋನ್ ಆದರೂ ಬಳಕೆದಾರರಿಗೆ ಸ್ಮಾರ್ಟ್‌ ಆಯ್ಕೆಗಳನ್ನು ನೀಡಲಿದೆ.