ಫಸ್ಟ್‌ ಸೇಲ್‌ನಲ್ಲಿ ನೋಟ್ 5 ದಾಖಲೆ: ಮೂರು ನಿಮಿಷದಲ್ಲಿ ಮೂರು ಲಕ್ಷ ಪೋನ್‌ ಮಾರಾಟ..!

ಮೂರು ನಿಮಿಷದಲ್ಲಿ ಮೂರು ಲಕ್ಷ:

ರೆಡ್‌ಮಿ ನೋಟ್ 5 ಮತ್ತು ನೋಟ್ 5 ಪ್ರೋ ಸ್ಮಾರ್ಟ್‌ಫೋನ್ ಮೂರು ನಿಮಿಷದ ಅವಧಿಯಲ್ಲಿ ಮೂರು ಲಕ್ಷಕ್ಕೂ ಅಧಿಕ ಸಂಖ್ಯೆಯಲ್ಲಿ ಮಾರಾಟವಾಗಿದೆ. ಮಿ.ಕಾಮ್ ಮತ್ತು ಫ್ಲಿಪ್‌ಕಾರ್ಟ್‌ನಲ್ಲಿ ಕಾಣಿಸಿಕೊಂಡಿದ್ದ ಈ ಸ್ಮಾರ್ಟ್‌ಫೋನ್‌ಗಳು ಫಸ್ಟ್‌ ಸೇಲ್‌ನಲ್ಲಿ ಫಾಸ್ಟ್‌ಆಗಿ ಸೇಲ್ ಆಗಿದೆ.

Redmi Note 5 ಬಿಡುಗಡೆಗೆ..! ಬೆಸ್ಟ್, ಬಜೆಟ್, ಬೊಂಬಾಟ್

ಬಿಗೆಸ್ಟ್ ಸೇಲ್:

ಈ ಕುರಿತು ಮಾಹಿತಿಯನ್ನು ನೀಡಿರುವ ಶಿಯೋಮಿ, ಇದು ಭಾರತೀಯ ಮೊಬೈಲ್ ಇತಿಹಾಸದಲ್ಲಿಯೇ ಅತೀ ದೊಡ್ಡ ಸೇಲ್‌ ಆಗಿದೆ ಎಂದು ವರ್ಣನೆ ಮಾಡಿದೆ. ಇದನ್ನು ಬಿಟ್ಟರೇ ಇಷ್ಟು ವೇಗವಾಗಿ ಇನ್ಯಾವುದೇ ಸ್ಮಾರ್ಟ್‌ಫೋನ್‌ ಮಾರಾಟವಾಗಿಲ್ಲ ಎನ್ನಲಾಗಿದೆ.

ವರ್ಷದ ಮೊದಲ ಸೇಲ್:

ಶಿಯೋಮಿ ಈ ವರ್ಷದಲ್ಲಿ ಮೊದಲ ಬಾರಿಗೆ ಸೇಲ್‌ನಲ್ಲಿ ಕಾಣಿಸಿಕೊಂಡಿತ್ತು. ವರ್ಷದ ಮೊದಲ ಸೇಲ್‌ನಲ್ಲಿಯೇ ಹೆಚ್ಚಿನ ಲಾಭವನ್ನು ಕಂಡಿರುವ ಶಿಯೋಮಿ, ಅಭಿಮಾನಿಗಳಿಗೆ ಇನ್ನಷ್ಟು ಹೊಸ ಫೋನ್‌ಗಳನ್ನು ಪರಿಯಿಸುವ ಕಾರ್ಯವನ್ನು ಮಾಡಲು ಮುಂದಾಗುವುದಾಗಿ ತಿಳಿಸಿದೆ.

ತನ್ನ ದಾಖಲೆಯನ್ನೇ ಅಳಿಸಿದೆ:

ಈ ಹಿಂದೆ ಕಳೆದ ವರ್ಷದಲ್ಲಿ ಫಸ್ಟ್‌ ಸೇಲ್‌ನಲ್ಲಿ ರೆಡ್‌ಮಿ ನೋಟ್ 4, ರೆಡ್‌ಮಿ 4 ಮತ್ತು ರೆಡ್‌ಮಿ 4A ಸ್ಮಾರ್ಟ್‌ಫೋನ್‌ಗಳನ್ನು 2,50,00೦ ಸಂಖ್ಯೆಯಲ್ಲಿ ಮಾರಾಟವನ್ನು ಮಾಡಿ ದಾಖಲೆಯನ್ನು ನಿರ್ಮಿಸಿತ್ತು. ಸದ್ಯ ಈ ದಾಖಲೆಯನ್ನು ಸದ್ದಿಲ್ಲದೇ ಅಳಿಸಿ ಹಾಕಿದೆ. ತನ್ನದೇ ಮತ್ತೊಂದು ನೂತನ ದಾಖಲೆಯನ್ನು ಸ್ಥಾಪಿಸಿದೆ.

ಸೆಕೆಂಡ್ ಸೇಲ್ ಶೀಘ್ರ:

ರೆಡ್‌ಮಿ ನೋಟ್ 5 ಮತ್ತು ನೋಟ್ 5 ಪ್ರೋ ಸ್ಮಾರ್ಟ್‌ಫೋನ್ ಮತ್ತೇ ಫೆಬ್ರವರಿ 28 ರಂದು ಮತ್ತೊಮ್ಮೆ ಸೇಲ್‌ನಲ್ಲಿ ಕಾಣಿಸಿಕೊಳ್ಳಲಿದೆ, ಮೊದಲನೇ ಸೇಲ್‌ನಲ್ಲಿ ಕೊಂಡುಕೊಳ್ಳಲು ಸಾಧ್ಯವಾಗದವರು ಎರಡನೇ ಸೇಲ್‌ನಲ್ಲಿ ಪ್ರಯತ್ನಿಸಬಹುದಾಗಿದೆ.

ರೆಡ್‌ಮಿ ನೋಟ್ 5 ವಿಶೇಷತೆ:

ರೆಡ್‌ಮಿ ನೋಟ್ 5 ಸ್ಮಾರ್ಟ್‌ಫೋನಿನಲ್ಲಿ 5.99 ಇಂಚಿನ FHD ಡಿಸ್‌ಪ್ಲೇ, 5 MP ಸೆಲ್ಪಿ ಕ್ಯಾಮೆರಾ, 12 MP ಹಿಂಬದಿ ಕ್ಯಾಮೆರಾ, ವೇಗದ ಸ್ನ್ಯಾಪ್‌ಡ್ರಾಗನ್ 625 ಪ್ರೊಸೆಸರ್, ದೊಡ್ಡದಾದ 4000mAh ಬ್ಯಾಟರಿಯನ್ನು ಕಾಣಬಹುದಾಗಿದೆ. ಶಿಯೋಮಿ ರೆಡ್‌ ಮಿ ನೋಟ್ 5 ಸ್ಮಾರ್ಟ್‌ಫೋನ್ ಒಟ್ಟು ಎರಡು ಆವೃತ್ತಿಯಲ್ಲಿ ಕಾಣಿಸಿಕೊಂಡಿದೆ. 3GB RAM/ 32GB ಮೆಮೊರಿಯ ಹೊಂದಿರುವ ಸ್ಮಾರ್ಟ್‌ಫೋನ್ ಬೆಲೆ ರೂ.9,999 ಆಗಿದ್ದು, 4GB RAM /64GB ಮೆಮೊರಿಯ ಫೋನ್ ರೂ.11,999ಕ್ಕೆ ದೊರೆಯುತ್ತಿದೆ.

ರೆಡ್‌ ಮಿ ನೋಟ್ 5 ಪ್ರೊ ವಿಶೇಷತೆ:

5.99 ಇಂಚಿನ FHD ಡಿಸ್‌ಪ್ಲೇ, ಸ್ನಾಪ್‌ಡ್ರಾಗನ್ 636 ಪ್ರೋಸೆಸರ್, 6 GB RAM, 64GB ಮೆಮೊರಿ, ಡ್ಯುಯಲ್ ಕ್ಯಾಮೆರಾ, ಫೇಸ್‌ಅನ್ ಲಾಕ್ ನಂತಹ ಹೈ ಎಂಡ್ ಫೀಚರ್ಸ್ ಹೊಂದಿರುವ ಶಿಯೋಮಿ ರೆಡ್‌ ಮಿ ನೋಟ್ 5 ಪ್ರೊ ಸ್ಮಾರ್ಟ್‌ಫೋನ್ ಕೇವಲ ರೂ.16,999ಕ್ಕೆ ಬಿಡುಗಡೆಯಾಗಿದೆ. 4GB RAM ಮತ್ತು 64GB ಮೆಮೊರಿಯ ಆವೃತ್ತಿ ರೂ. 13,999ಕ್ಕೆ ದೊರೆಯುತ್ತಿದೆ.