ಸ್ಮಾರ್ಟ್‌ಫೋನ್ ಎಂಬ ಸ್ಲೋಪಾಯಿಸನ್‌ನ ಕರಾಳ ಮುಖ

ಹೆತ್ತವರ ಮತ್ತು ಮಕ್ಕಳ ಸಂಬಂಧದ ನಡುವೆ ಗೋಡೆ

ಸ್ಮಾರ್ಟ್‌ಫೋನ್‌ಗಳು ನಿಮಗೆ ಹೆಚ್ಚು ಅನುಕೂಲಕರವಾಗಿರಬಹುದು ಆದರೆ ಅದು ನಿಮ್ಮ ಮತ್ತು ಮಕ್ಕಳ ನಡುವೆ ಕಂದಕವಾಗಿ ಕಾರ್ಯನಿರ್ವಹಿಸುತ್ತದೆ. ನೀವು ಅವರಲ್ಲಿ ಹೆಚ್ಚು ಪ್ರಶ್ನೆಗಳನ್ನು ಕೇಳುತ್ತೀರಿ ಮತ್ತು ಅವರನ್ನು ಸಂಶಯಿಸುತ್ತೀರಿ ಎಂಬುದು ಅವರ ಮನದಲ್ಲಿ ಮೂಡಬಹುದು.

ಕ್ರಿಯಾತ್ಮಕತೆಗೆ ತಡೆ

ಸ್ಮಾರ್ಟ್‌ಫೋನ್‌ಗಳನ್ನು ಬಳಸುವಾಗ ಅವರಲ್ಲಿ ಸುಪ್ತವಾಗಿರುವ ಕ್ರಿಯಾತ್ಮಕ ಮನಸ್ಸು ಕಿರಿದುಗೊಳ್ಳುತ್ತದೆ. ಬರೇ ಫೋನ್ ಹಿಡಿದುಕೊಂಡೇ ತಮ್ಮ ಎಂದಿನ ಚಟುವಟಿಕೆಗಳನ್ನು ಅವರು ಮರೆಯುತ್ತಾರೆ.

ಕಡಿಮೆ ನಿದ್ದೆ

ಸ್ಮಾರ್ಟ್‌ಫೋನ್ ಹಿಡಿದುಕೊಂಡು ಅವರು ಆಟವಾಡುವಾಗ ಸಮಯದ ಪರಿವೆಯೇ ಇರುವುದಿಲ್ಲ. ನಿದ್ದೆ ಮಾಡಬೇಕೆಂಬ ಮನಸ್ಸು ಅವರಿಗೆ ಉಂಟಾಗುವುದಿಲ್ಲ. ಫೋನ್‌ನಲ್ಲಿ ಇನ್ನಷ್ಟು ಸಮಯ ಕಳೆಯಬೇಕೆಂಬ ತುಡಿತ ಅವರಲ್ಲಿ ಉಂಟಾಗುತ್ತದೆ.

ಪ್ರತಿಭೆ ಕುಗ್ಗುತ್ತದೆ

ಹೌದು ನಿಮ್ಮ ಮಕ್ಕಳು ಅಧಿಕವಾಗಿ ಸ್ಮಾರ್ಟ್‌ಫೋನ್ ಬಳಸುವುದರಿಂದ ಅವರಲ್ಲಿ ಸುಪ್ತವಾಗಿ ಅಡಗಿರುವ ಪ್ರತಿಭೆ ಮಸುಕಾಗುತ್ತದೆ. ಯಾವುದೋ ಅವ್ಯಕ್ತ ಲೋಕದಲ್ಲಿ ಅವರು ಪ್ರಯಾಣಿಸುತ್ತಿರುತ್ತಾರೆ. ಮಂಕಾಗುತ್ತಾರೆ

ಕಲಿಯುವ ಆಸಕ್ತಿ ಇರುವುದಿಲ್ಲ

ಇನ್ನಷ್ಟು ಕಲಿಯಬೇಕೆಂಬ ತುಡಿತ ಅವರಲ್ಲಿ ಉಂಟಾಗುವುದಿಲ್ಲ. ಅವರ ಬೌದ್ಧಿಕ ಮತ್ತು ಸಾಮಾಜಿಕ ಜ್ಞಾನದ ಮೇಲೆ ಅಧಿಕ ಸ್ಮಾರ್ಟ್‌ಫೋನ್ ಬಳಕೆ ತಡೆಯನ್ನೊಡ್ಡುತ್ತದೆ.

ವ್ಯಸನ

ಹೆಚ್ಚು ಸ್ಮಾರ್ಟ್‌ಫೋನ್ ಬಳಕೆ ಅವರಲ್ಲಿ ವ್ಯಸನವನ್ನುಂಟು ಮಾಡುತ್ತದೆ. ಸ್ಮಾರ್ಟ್‌ಫೋನ್ ಇಲ್ಲದೆ ಬದುಕಲಾರರು ಎಂಬಂತಹ ಸ್ಥಿತಿಗೆ ಅವರನ್ನು ತಳ್ಳುತ್ತದೆ.

ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ

ಖಂಡಿತವಾಗಿಯೂ ಸ್ಮಾರ್ಟ್‌ಫೋನ್ ಮಕ್ಕಳ ಮಾನಸಿಕ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮವನ್ನು ಬೀರುತ್ತದೆ. ಸ್ಮಾರ್ಟ್‌ಫೋನ್‌ನ ಅಧಿಕ ಬಳಕೆ ಮತ್ತು ಇಂಟರ್ನೆಟ್ ಸಂಪರ್ಕ ಒತ್ತಡ ಮತ್ತು ಖಿನ್ನತೆಯನ್ನು ಮಕ್ಕಳಲ್ಲಿ ಬೆಳೆಸುತ್ತದೆ.

ಬೊಜ್ಜು

ಹೆಚ್ಚಿನ ಫೋನ್ ಬಳಕೆ ಅವರಲ್ಲಿ ಬೊಜ್ಜನ್ನು ಉಂಟುಮಾಡುತ್ತದೆ. ತೂಕ ಏರಿಕೆಯಲ್ಲಿ ವ್ಯತ್ಯಯವನ್ನುಂಟು ಮಾಡಿ ಹೆಚ್ಚುವರಿ ತೂಕಕ್ಕೆ ಕಾರಣವಾಗುತ್ತದೆ.

ನಡವಳಿಕೆ ಸಮಸ್ಯೆಗಳು

ಸ್ಮಾರ್ಟ್‌ಫೋನ್‌ನಲ್ಲಿ ದಿನಕ್ಕೆ ಎರಡು ಗಂಟೆಗಿಂತ ಹೆಚ್ಚು ಸಮಯ ವ್ಯಯಿಸುವುದು ಮಾನಸಿಕ ಮತ್ತು ಸಾಮಾಜಿಕ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಏಕಾಗ್ರತೆ ಸಮಸ್ಯೆಯನ್ನು ಅವರಲ್ಲಿ ಉಂಟುಮಾಡುತ್ತದೆ.

ಮಕ್ಕಳಲ್ಲಿ ಹಿಂಸೆ

ಹೆಚ್ಚುವರಿ ಫೋನ್ ಬಳಕೆ ಅವರಲ್ಲಿ ಹಿಂಸೆಯ ಪ್ರವೃತ್ತಿಯನ್ನುಂಟು ಮಾಡುವಲ್ಲಿ ಕಾರಣವಾಗುತ್ತದೆ.