IPLನಲ್ಲಿ ಈ ಬಾರಿ ಬರೀ ಮ್ಯಾಚ್ ಇಲ್ಲ: ಏರ್‌ಟೆಲ್-ಜಿಯೋ ಬಳಕೆದಾರಿಗೆ 5G ಇಂಟರ್ನೆಟ್ ಇದೆ...!

5G ಸೇವೆ:

ಈಗಾಗಲೇ ಸ್ಮಾರ್ಟ್‌ಫೋನಿನಲ್ಲಿ IPL ನೋಡುವವರಿಗೆ ಸಾಕಷ್ಟು ಆಫರ್ ಗಳನ್ನು ಆಯ್ಕೆಗಳನ್ನು ನೀಡಿರುವ ಈ ಎರಡು ಟೆಲಿಕಾಂ ಕಂಪನಿಗಳು ಇದೇ ಮೊದಲ ಬಾರಿಗೆ ದೇಶದಲ್ಲಿ 5G ಸೇವೆಯನ್ನು ಆರಂಭಿಸಲು ಮುಂದಾಗಿದೆ. ಇದಕ್ಕಾಗಿ IPL ಪಂದ್ಯಾವಳಿಗಳು ನಡೆಯುವ ಸ್ಥಳದಲ್ಲಿ 5G ಸೇವೆಯನ್ನು ಪರೀಕ್ಷಿಸಲಿದೆ ಎನ್ನಲಾಗಿದೆ. ಇದಕ್ಕಾಗಿ ಬಳಕೆದಾರರಿಗೆ ಹೊಸ ಮಾದರಿಯ ಸೇವೆಯನ್ನು ನೀಡಲಿವೆ.

MIMO ಪ್ರಿ-5G:

ಮಲ್ಟಿ ಇನ್ ಫುಟ್- ಮಲ್ಟಿ ಔಟ್ ಫುಟ್ (multiple input, multiple output) ಎನ್ನುವುದು MIMOನ ಪೂರ್ಣ ರೂಪವಾಗಿದ್ದು, ಇದು 4G ನಂತರದ ತಂತ್ರಜ್ಞಾನವಾಗಿದ್ದು, 5G ಆರಂಭಕ್ಕೂ ಮುನ್ನ ಬಳಕೆಯಾಗಲಿದೆ. ಇದರ ಪ್ರಯೋಗವನ್ನು ಈ ಎರಡು ಟೆಲಿಕಾಂ ಕಂಪನಿಗಳು IPL ಪಂದ್ಯಾವಳಿಗಳು ನಡೆಯಲಿರುವ ಮೈದಾನಗಳಲ್ಲಿ ಪರೀಕ್ಷೆಯನ್ನು ಮಾಡಲಿದೆ. ಬಳಕೆದಾರರಿಗೆ 4G ಗಿಂತಲೂ ವೇಗದ ಸೇವೆ ಇಲ್ಲಿ ದೊರೆಯಲಿದೆ ಎನ್ನಲಾಗಿದೆ.

ತಂತ್ರಜ್ಞಾನ:

ಇದರ ಹೆಸರಿನಲ್ಲಿ ಹೇಳುವಂತೆ ಹೆಚ್ಚಿನ ಪ್ರಮಾಣದಲ್ಲಿ ತರಂಗಾಂತರಗಳನ್ನು ಹೊರ ಸುಸುವುದಲ್ಲದೇ ಹೆಚ್ಚಿನ ಪ್ರಮಾಣ ತರಂಗಾಂತರಗಳನ್ನು ಸೆಳೆಯುವಲ್ಲಿಯೂ ಶಕ್ತವಾಗಿದೆ. ಒಂದೇ ಮಾಹಿತಿಯನ್ನು ಎರಡು ಮೂರು ಮೂಲಗಳಿಂದ ಸ್ವೀಕರಿಸಲಿದ್ದು, ಇದರಿಂದ ಡೇಟಾ ಪ್ರವಾಹವೂ ವೇಗವಾಗಿ ಸಾಗಲಿದೆ.

ಎಲ್ಲಿ ಪ್ರಯೋಗ:

ಏರ್‌ಟೆಲ್ MIMO ಪ್ರಿ-5G ಟೆಕ್ನಾಲಜಿಯನ್ನು ದೆಹಲಿ, ಮುಂಬೈ, ಹೈದರಬಾದ್, ಕೊಲ್ಕತ್ತಾ, ಮೊಹಲಿ, ಇಂದೋರ್, ಜೈಪುರ, ಬೆಂಗಳೂರು ಮತ್ತು ಚೆನ್ನೈ ಸ್ಟೇಡಿಯಂಗಳಲ್ಲಿ ಪ್ರಯೋಗ ಮಾಡಲಿದ್ದು, ಅಭಿಮಾನಿಗಳಿಗೆ ದೇಶದಲ್ಲಿಯೇ ಅತೀ ವೇಗದ ಸೇವೆಯನ್ನು ನೀಡಲಿದೆ.

Jio Free Caller Tune ! ಜಿಯೋ ಉಚಿತ ಕಾಲರ್‌ಟೂನ್ ಬಳಕೆ ಹೇಗೆ..?

ಜಿಯೋ:

MIMO ಪ್ರಿ-5G ಪ್ರಯೋಗ ವಿಚಾರದಲ್ಲಿ ಜಿಯೋವನ್ನು ಏರ್‌ಟೆಲ್ ಹಿಂದಿಕ್ಕಲಿದೆ ಎನ್ನಬಹುದು. ಜಿಯೋ ಕೇವಲ ದೆಹಲಿ ಮತ್ತು ಮುಂಬೈನಲ್ಲಿ ಮಾತ್ರವೇ ವೇಗದ ಇಂಟರ್ನೆಟ್ ಸೇವೆಯನ್ನು ನೀಡಲಿದೆ. ಇದರಿಂದಾಗಿ ಏರ್‌ಟೆಲ್ ಬಳಕೆದಾರರು ಹೆಚ್ಚಿನ ಲಾಭವನ್ನು ಮಾಡಿಕೊಳ್ಳಬಹುದಾಗಿದೆ.

ಬದಲಾಗಲಿದೆ:

ಈಗಾಗಲೇ 4G ವೇಗದ ಡೇಟಾವನ್ನು ಪಡೆದುಕೊಳ್ಳುತ್ತಿರುವ ಬಳಕೆದಾರರಿಗೆ 4G ನಂತರದ ವೇಗವು ಬಳಕೆಗೆ ದೊರೆಯಲಿದೆ. ಇದರಿಂದಾಗಿ ಸ್ಮಾರ್ಟ್‌ಫೋನ್ ಬಳಕೆಯ ವಿಚಾರವೂ ಸಾಕಷ್ಟು ಬದಲಾವಣೆಯನ್ನು ಕಾಣಲಿದೆ. ಒಟ್ಟಿನಲ್ಲಿ 4G ಸೇವೆಯನ್ನು ಮೀರಿಸುವ ಸೇವೆಯೂ ಶೀಘ್ರವೇ ದೇಶದಲ್ಲಿ ಕಾಣಿಸಿಕೊಳ್ಳಲಿದೆ.