ಏರ್‌ಟೆಲ್‌ನಿಂದ ಅನಿಯಮಿತ 'ಹಲೋ ಟ್ಯೂನ್' ಆಯ್ಕೆ!..ಜಿಯೋಗೆ ನೇರಾನೇರ ಫೈಟ್!

ಹಲೋ ಟ್ಯೂನ್‌

ಹೆಲೋ ಟ್ಯೂನ್‌ ಯಾರಾದರು ಕರೆ ಮಾಡಿದಾಗ ರಿಂಗಣ ಬದಲಿಗೆ ಹಾಡು ಕೇಳಿಸುವ ಸೇವೆ ಆಗಿದೆ. ಆರಂಭದ ದಿನಗಳಲ್ಲಿ ಬಳಕೆದಾರರು ತಮ್ಮ ನಂಬರ್‌ಗೆ ಹಲೋ ಟ್ಯೂನ್‌ ಹಾಕಿಸಿಕೊಳ್ಳಲು ತಿಂಗಳಿಗೆ ಸುಮಾರು 40ರೂ.ಗಳಿಂದ 45ರೂ.ಗಳ ವರೆಗೂ ಶುಲ್ಕ ವ್ಯಯಿಸಬೇಕಿತ್ತು. ಒಂದು ಭಾರಿ ಹಾಡು ಸೆಟ್‌ ಮಾಡಿದರೇ ಮುಗಿತು. ಮತ್ತೆ ಬೇರೆ ಹಾಡು ಸೆಟ್‌ ಮಾಡಲು ಎಕ್ಸ್‌ಟ್ರಾ 15ರೂ. ಹಾಡು ಬದಲಾವಣೆ ಶುಲ್ಕ ನೀಡಬೇಕಿತ್ತು.

ಏರ್‌ಟೆಲ್‌ ಹಲೋ ಟ್ಯೂನ್ ಸೇವೆ

ಹಲೋ ಟ್ಯೂನ್‌ಗೆ ಶುಲ್ಕ ವಿಧಿಸುವ ಪರಂಪರೆಯನ್ನು ಬದಲಿಸಿದ ಜಿಯೋ ತನ್ನ ಎಲ್ಲ ಬಳಕೆದಾರರಿಗೆ ಉಚಿತ ಹಲೋ ಟ್ಯೂನ್ ಸೇವೆ ನೀಡುತ್ತಿದೆ. ಈಗ ಇದೇ ಹಾದಿ ಹಿಡಿದಿರುವ ಏರ್‌ಟೆಲ್‌ ಸಂಸ್ಥೆಯು ಸಹ ತನ್ನ ಬಳಕೆದಾರರಿಗೆ ಅನಿಯಮಿತವಾಗಿ ಹಲೋ ಸಾಂಗ್‌ ಬದಲಾವಣೆಗೆ ಅವಕಾಶ ಮಾಡಿಕೊಟ್ಟಿದೆ. ಜಿಯೋಗೆ ಪೈಪೋಟಿ ನೀಡಲು Wynk ಮ್ಯೂಸಿಕ್‌ ಆಪ್‌ ಮೂಲಕ ಹಾಡು ಬದಲಿಸುವ ಅವಕಾಶ ನಿಡಿದೆ.

Wynk ಮ್ಯೂಸಿಕ್ ಆಪ್‌

ಏರ್‌ಟೆಲ್‌ ಹಲೋ ಟ್ಯೂನ್‌ ಚಂದಾದಾರರು ಕಂಪನಿಯ Wynk ಮ್ಯೂಸಿಕ್‌ ಆಪ್‌ ಮೂಲಕ ಹಾಡುಗಳ ಬದಲಾವಣೆ ಮಾಡಿಕೊಳ್ಳಬಹುದಾಗಿದೆ. ಯಾವಾಗ ಬೇಕಾದರೂ ಮತ್ತು ಎಷ್ಟು ಸಲವಾದರೂ ಹಾಡುಗಳನ್ನು ಬದಲಾಯಿಸಿಕೊಳ್ಳಬಹುದಾದ ಸೌಲಭ್ಯ ಇರಲಿದೆ. ಜಿಯೋ ಸಂಸ್ಥೆಯು ತನ್ನ ಜಿಯೋ ಮ್ಯೂಸಿಕ್ ಮೂಲಕ ಹಲೋ ಟ್ಯೂನ್‌ ಹಾಡು ಬದಲಾಯಿಸುವ ಆಯ್ಕೆ ನೀಡಿದೆ.

ಹಲೋ ಟ್ಯೂನ್‌ ಬೇಡವಾದರೇ

ಏರ್‌ಟೆಲ್‌ ಸಹ ಈಗ ಅನಿಯಮಿತವಾಗಿ ಹಲೋ ಟ್ಯೂನ್‌ ಬದಲಾವಣೆಗೆ ಅವಕಾಶ ನೀಡುತ್ತಿದ್ದು, ಬಳಕೆದಾರರಿಗೆ ಒಂದು ಖುಷಿ ತಂದಿದೆ. ಆದರೆ ಎಲ್ಲ ಬಳಕೆದಾರರು ಹಲೋ ಟ್ಯೂನ್‌ ಅನ್ನು ಇಷ್ಟಪಡುವುದಿಲ್ಲ. ಇನ್ನು ಕೆಲವರಿಗೆ ಯಾವುದೇ ಹಾಡು ಬೇಡವಾಗಿರುತ್ತದೆ. ಹಲೋ ಟ್ಯೂನ್‌ ಬೇಡವೆಂದರೇ 155223 ನಂಬರಿಗೆ STOP ಎಂದು ಎಸ್‌ಎಮ್‌ಎಸ್‌ ಮಾಡಬಹುದು.