ಆಸುಸ್‌ ROG ಜೆಫೈರಸ್ M16 ಲ್ಯಾಪ್‌ಟಾಪ್‌ ಲಾಂಚ್‌! ವಿಶೇಷತೆ ಏನು?

ಹೌದು, ಆಸುಸ್‌ ಕಂಪೆನಿ ತನ್ನ ಎಂ ಸರಣಿಯಲ್ಲಿ ಹೊಸ ಗೇಮಿಂಗ್‌ ಲ್ಯಾಪ್‌ಟಾಪ್‌ ಜೆಫೈರಸ್ M16 ಅನ್ನು ಬಿಡುಗಡೆ ಮಾಡಿದೆ. ಇದು 32GBಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಅಲ್ಲದೆ 48GB ಯ ಡ್ಯುಯಲ್-ಚಾನೆಲ್ DDR5 4800MHz ಮೆಮೊರಿಗೆ ಅಪ್‌ಗ್ರೇಡ್ ಕೂಡ ಮಾಡಬಹುದಾಗಿದೆ. ಇನ್ನು ಈ ಲ್ಯಾಪ್‌ಟಾಪ್‌ 16-ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿದ್ದು, 500 ನಿಟ್ಸ್‌ ಬ್ರೈಟ್‌ನೆಸ್‌ ಅನ್ನು ಹೊಂದಿದೆ. ಇನ್ನುಳಿದಂತೆ ಈ ಲ್ಯಾಪ್‌ಟಾಪ್‌ನ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಇನ್ನು ಈ ಲ್ಯಾಪ್‌ಟಾಪ್ 16 ಇಂಚಿನ ಡಿಸ್‌ಪ್ಲೇ ಹೊಂದಿದೆ. ಗೇಮಿಂಗ್ ಅನುಭವಕ್ಕಾಗಿ ಕಾಂಪ್ಯಾಕ್ಟ್ ಫಾರ್ಮ್ ಫ್ಯಾಕ್ಟರ್‌ನೊಂದಿಗೆ ಬರುತ್ತದೆ. ಈ ಡಿಸ್‌ಪ್ಲೇ 94% ಸ್ಕ್ರೀನ್-ಟು-ಬಾಡಿ ಅನುಪಾತವನ್ನು ಹೊಂದಿದೆ. ಇದು QHD ರೆಸಲ್ಯೂಶನ್ ಮತ್ತು 165Hz ವರೆಗೆ ರಿಫ್ರೆಶ್ ರೇಟ್‌ ಅನ್ನು ಹೊಂದಿದೆ. ಇನ್ನು ಈ ಹೊಸ ಲ್ಯಾಪ್‌ಟಾಪ್ ROG ನೆಬ್ಯುಲಾ ಡಿಸ್‌ಪ್ಲೇ ಜೊತೆಗೆ ಪಾನ್‌ಟೋನ್‌ ಮೌಲ್ಯೀಕರಣ, 100% DCI-P3, 500 ನಿಟ್ಸ್‌ ಬ್ರೈಟ್‌ನೆಸ್‌ ಜೊತೆಗೆ ಡಾಲ್ಬಿ ವಿಷನ್‌ಗೆ ಬೆಂಬಲವನ್ನು ನೀಡಲಿದೆ.

ಈ ಲ್ಯಾಪ್‌ಟಾಪ್‌ MUX ಸ್ವಿಚ್ ಬಳಕೆದಾರರಿಗೆ ಕಾರ್ಯಕ್ಷಮತೆ ಅಥವಾ ಬ್ಯಾಟರಿ ಅವಧಿಯನ್ನು ಗರಿಷ್ಠಗೊಳಿಸಲು GPU ಗಳ ನಡುವೆ ಬದಲಾಯಿಸಲು ಅನುಮತಿಸುತ್ತದೆ. ಇದಲ್ಲದೆ ಬಳಕೆದಾರರು ನೇರ GPU ಮೋಡ್‌ಗೆ ಬದಲಾಯಿಸುವುದಕ್ಕೆ ಅವಕಾಶ ನೀಡಲಿದೆ. ಇದರಿಂದ ಲೆಟೆನ್ಸಿಯನ್ನು ಕಡಿಮೆ ಮಾಡಲಿದೆ. ಹಾಗೆಯೇ ಲ್ಯಾಪ್‌ಟಾಪ್‌ನ ಕಾರ್ಯಕ್ಷಮತೆಯನ್ನು ಸರಾಸರಿ 5-10 ಪ್ರತಿಶತದಷ್ಟು ಹೆಚ್ಚಿಸುತ್ತದೆ. ಇನ್ನು ಈ ಲ್ಯಾಪ್‌ಟಾಪ್‌ನ 90Wh ಬ್ಯಾಟರಿಯನ್ನು ಹೊಂದಿದ್ದು, 10 ಗಂಟೆಗಳ ಬ್ಯಾಟರಿ ಅವಧಿಯನ್ನು ಒದಗಿಸುತ್ತದೆ. ಇದು ಪೋರ್ಟಬಲ್ ಪವರ್ ಪ್ಯಾಕ್‌ಗಳಿಂದ ಚಾರ್ಜ್ ಮಾಡುವ ಆಯ್ಕೆಯೊಂದಿಗೆ ಟೈಪ್-ಸಿ ಪವರ್ ಡೆಲಿವರಿ 3.2 ಜೆನ್ 2 ಜೊತೆಗೆ ಥಂಡರ್‌ಬೋಲ್ಟ್ 4 ಅನ್ನು ಕೂಡ ಒಳಗೊಂಡಿದೆ.

ಬೆಲೆ ಮತ್ತು ಲಭ್ಯತೆ

ಹೊಸ ಆಸುಸ್‌ ROG ಜೆಫೈರಸ್ M16 ಲ್ಯಾಪ್‌ಟಾಪ್‌ ಇಂದಿನಿಂದ ಮಾರಾಟವಾಗಲಿದೆ. ASUS ಇ-ಶಾಪ್, Amazon ಮತ್ತು Flipkart ಮೂಲಕ ಆನ್‌ಲೈನ್‌ನಲ್ಲಿ ಲಭ್ಯವಿರುತ್ತದೆ. ಇದು ವಿಜಯ್ ಸೇಲ್ಸ್, ಕ್ರೋಮಾ, ರಿಲಯನ್ಸ್ ಡಿಜಿಟಲ್ ಮತ್ತು ಹೆಚ್ಚಿನವು ಸೇರಿದಂತೆ ಆಫ್‌ಲೈನ್ ಸ್ಟೋರ್‌ಗಳ ಮೂಲಕವೂ ಮಾರಾಟವಾಗಲಿದೆ. ಇನ್ನು ಈ ಲ್ಯಾಪ್‌ಟಾಪ್ 1,79,990ರೂ.ಗಳ ಆರಂಭಿಕ ಬೆಲೆಯೊಂದಿಗೆ ಬರುತ್ತದೆ. ಆದರೆ ಇದು RTX 3080Ti ಜೊತೆಗೆ ಉನ್ನತ-ವಿಶೇಷ ಆವೃತ್ತಿಗೆ 3,31,990ರೂ.ಬೆಲೆ ಪಡೆದುಕೊಂಡಿದೆ.