ನಗರದ ಕಸ ನಿವಾರಣೆಗೆ ಸೆಲ್ಫಿ ವಿತ್ ಕಸ ಫೇಸ್‌ಬುಕ್‌ ಅಭಿಯಾನ

ಸೆಲ್ಫಿ ವಿತ್ ಕಸ

ಫೇಸ್‌ಬುಕ್‌ನಲ್ಲಿ ಸೆಲ್ಫಿ ವಿತ್ ಕಸ ಎಂಬ ಸಮುದಾಯವೇ ಆರಂಭಗೊಂಡಿದ್ದು ಟಿವಿ ಸೀರಿಯಲ್ ನಟರಾಗಿರುವ ರಾಕೆಟ್ ಮಯ್ಯ ಮತ್ತು ಸಾಮಾಜಿಕ ಕಾಳಜಿಯನ್ನು ಹೊಂದಿರುವ ಕೆಲವು ಜನರನ್ನು ಸೇರಿಸಿಕೊಂಡು ಫೇಸ್‌ಬುಕ್‌ನಲ್ಲಿ ಸೆಲ್ಫಿ ವಿತ್ ಕಸ ಪುಟವನ್ನು ಆರಂಭಿಸಲಾಗಿದೆ.

ಫೇಸ್‌ಬುಕ್‌ ಸೆಲ್ಫಿ

ಫೇಸ್‌ಬುಕ್‌ಗೆ ಸೆಲ್ಫಿ ಕಳುಹಿಸುವವರು ಕಸದೊಂದಿಗೆ ಇರುವ ಸೆಲ್ಫಿ ಜೊತೆಗೆ ಸ್ಥಳವನ್ನು ನಮೂದಿಸಬೇಕು.

ಜನರಿಗೆ ಜಾಗೃತಿ

ನಗರದಲ್ಲಿ ಎಷ್ಟು ಕಸವನ್ನು ಹಾಕಿ ಪರಿಸರವನ್ನು ಹಾಳುಮಾಡಲಾಗುತ್ತಿದೆ ಎಂಬುದನ್ನು ಕುರಿತು ಜನರಿಗೆ ಜಾಗೃತಿಯನ್ನು ಮೂಡಿಬೇಕು ಎಂಬುದು ಇದರ ಉದ್ದೇಶವಾಗಿದೆ ಎಂದು ಹೇಳಿದ್ದಾರೆ ರಾಕೇಶ್.

ಸೆಲ್ಫಿ ಸಮಾಜಮುಖಿ

ಇತ್ತೀಚಿನ ದಿನಗಳಲ್ಲಿ ಸೆಲ್ಫಿ ಒಂದು ಟ್ರೆಂಡ್ ಆಗಿದ್ದು ಜನರು ಸುಖಾಸುಮ್ಮನೆ ಸೆಲ್ಫಿ ತೆಗೆದು ಅದನ್ನು ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಮಾಡುತ್ತಾರೆ. ಆದರೆ ಉದ್ದೇಶವನ್ನಿಟ್ಟುಕೊಂಡು ತೆಗೆಯುವ ಸೆಲ್ಫಿ ಸಮಾಜಮುಖಿಯಾಗಿದ್ದರೆ ನಮಗೇ ಇದರಿಂದ ಒಳಿತು.

ಫೇಸ್‌ಬುಕ್ ಪುಟ ಲೈಕ್

ನೂರಾರು ಜನರು ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡುತ್ತಿದ್ದು ಅದರಲ್ಲಿ ಹಲವರು ಫೋಟೋಗಳನ್ನು ಪೋಸ್ಟ್ ಮಾಡುತ್ತಿದ್ದಾರೆ. ಕಸದ ಕುರಿತಾದ ಮಾಹಿತಿಗಳನ್ನು ನಾವು ಪೋಸ್ಟ್ ಮಾಡುತ್ತಿದ್ದೇವೆ ಎಂಬುದಾಗಿ ರಾಕೇಶ್ ತಿಳಿಸಿದ್ದಾರೆ.

ಬಿಬಿಎಮ್‌ಪಿ ಎಚ್ಚರ

ಬಿಬಿಎಮ್‌ಪಿಯನ್ನು ಎಚ್ಚರಿಸಲು ಇದೊಂದು ಶಕ್ತಿಯುತ ಮಾರ್ಗವಾಗಿದ್ದು ಹೆಚ್ಚಿನ ಜನರು ಒಗ್ಗೂಡಿದಲ್ಲಿ ಕಸಮುಕ್ತ ನಗರವನ್ನಾಗಿ ಬೆಂಗಳೂರನ್ನು ಪರಿವರ್ತಿಸಬಹುದು ಎಂಬುದು ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿರುವ ಅರುಣ್ ಮಾತಾಗಿದೆ.