ಬಿಎಸ್ಎನ್ಎಲ್‌ನ ಹೊಸ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್ ಬಿಡುಗಡೆ!..ಒಟ್ಟು 2TB ಡೇಟಾ!

ಹೌದು, ಬಿಎಸ್ಎನ್ಎಲ್ ಟೆಲಿಕಾಂ ಸಂಸ್ಥೆಯು ಇದೀಗ 2,999ರೂ. ಬೆಲೆಯ ಹೈ ಎಂಡ್‌ ಭಾರತ್‌ ಫೈಬರ್ ಪ್ಲ್ಯಾನ್ ಬಿಡುಗಡೆ ಮಾಡಿದೆ. ಈ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನಿನಲ್ಲಿ ಇಂಟರ್ನೆಟ್ 100 Mbps ವೇಗದಲ್ಲಿ ಕಾರ್ಯನಿರ್ವಹಿಸಲಿದೆ. ಪ್ರತಿ ತಿಂಗಳು ಅಧಿಕ ಡೇಟಾ ಬಳಕೆ ಮಾಡುವ ಗ್ರಾಹಕರನ್ನು ಈ ಪ್ಲ್ಯಾನ್ ಆಕರ್ಷಿಸಲಿದೆ. ಏಕೆಂದರೇ ಈ ಪ್ಲ್ಯಾನಿನಲ್ಲಿ ಒಟ್ಟು 2TB ಡೇಟಾ ಪ್ರಯೋಜನ ದೊರೆಯುತ್ತದೆ.

ಬಿಎಸ್‌ಎಬ್ಎಲ್ 2,999ರೂ. ಭಾರತ್‌ ಫೈಬರ್ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್ 2TB ಡೇಟಾ (2000GB ) FUP ಮಿತಿಯನ್ನು ಪಡೆದಿದೆ. ದೇಶದ ಯಾವುದೇ ನೆಟವರ್ಕಗೆ ಅನಿಯಮಿತ ವಾಯಿಸ್‌ ಕರೆ ಸೌಲಭ್ಯವನ್ನು ಒಳಗೊಂಡಿದೆ. ಹಾಗೆಯೇ ಯಾವುದೇ ಹೆಚ್ಚುವರಿ ಶುಲ್ಕವಿಲ್ಲದೇ 999ರೂ ಬೆಲೆಯ ಅಮೆಜಾನ್ ಪ್ರೈಮ್ ಚಂದಾದಾರತ್ವ ಪ್ರಯೋಜನವು ದೊರೆಯುತ್ತದೆ. ಪ್ಯಾನ್ ಇಂಡಿಯಾ ಮಾದರಿಯ ಸೌಲಭ್ಯಗಳಾಗಿವೆ.

ಭಾರತ್ ಫೈಬರ್ ಬ್ರಾಡ್‌ಬ್ಯಾಂಡ್‌ನ ಇತರೆ ಪ್ಲ್ಯಾನ್‌ಗಳನ್ನು ನೋಡುವುದಾದರೇ, ಆರಂಭಿಕ ಪ್ಲ್ಯಾನ್ 849ರೂ. ಆಗಿದೆ. ಈ ಪ್ಲ್ಯಾನ್ 50 Mbps ವೇಗದಲ್ಲಿ 600GB ಡೇಟಾ ಸೌಲಭ್ಯವನ್ನು ಒದಗಿಸಲಿದೆ. ಆನಂತರ 1277ರೂ, ಪ್ಲ್ಯಾನ್ 100 Mbps ವೇಗದಲ್ಲಿ 750GB ಡೇಟಾ ಪ್ರಯೋಜನವನ್ನು ಒದಗಿಸಲಿದೆ. ಈ ಎರಡು ಬ್ರಾಡ್‌ಪ್ಲ್ಯಾನ್‌ಗಳಲ್ಲಿ ಡೇಟಾ ವೇಗ ಮತ್ತು ಡೇಟಾ ಮಿತಿ ನಡುವೆ ಭಿನ್ನತೆ ಇದೆ.

ಹಾಗೆಯೇ ಭಾರತ್ ಫೈಬರ್‌ನ 2,499ರೂ. ಪ್ಲ್ಯಾನ್ ಪ್ರತಿದಿನ ಒಟ್ಟು 40GB ಡೇಟಾ ಸೌಲಭ್ಯವನ್ನು ಒದಗಿಸಲಿದ್ದು, ಅದೇ ರೀತಿ 4,499ರೂ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್ ಪ್ರತಿದಿನ ಒಟ್ಟು 55GB ಡೇಟಾ ಪ್ರಯೋಜನವನ್ನು ನೀಡುತ್ತದೆ. ಇನ್ನು 5,999ರೂ ಪ್ಲ್ಯಾನ್ ಪ್ರತಿದಿನ 80GB ಡೇಟಾ ಸೌಲಭ್ಯ ಪಡೆದಿದೆ ಹಾಗೂ 9999ರೂ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನ್ ಪ್ರತಿದಿನ ಒಟ್ಟು 120GB ಡೇಟಾ ಪ್ರಯೋಜನವನ್ನು ಒದಗಿಸಲಿದೆ.