ನಿಮ್ಮ ಕ್ರೆಡಿಡ್, ಡೆಬಿಟ್ ನಲ್ಲಿ ಮೈಕ್ರೋ ಚಿಪ್ ಇಲ್ಲವೇ..? ಆನ್ ಲೈನ್ ಶಾಪಿಂಗ್ ಮಾಡುವಾಗ ಎಚ್ಚರ.!!

ಮೈಕ್ರೊಚಿಪ್ ಸಹಿತ ಕಾರ್ಡ್ ಸುರಕ್ಷಿತ:

ಇತ್ತೀಚಿನ ದಿನಗಳಲ್ಲಿ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಗಳಲ್ಲಿ ಮೈಕ್ರೋ ಚಿಪ್ ಅಳವಡಿಸಲಾಗಿತ್ತಿದೆ. ಇಂತಹ ಕಾರ್ಡ್ ಗಳನ್ನು ಬಳಕೆ ಮಾಡಿ. ನಿಮ್ಮ ಕಾರ್ಡ್ ನಲ್ಲಿ ಮೈಕ್ರೊ ಚಿಪ್ ಇಲ್ಲವಾದರೇ ಶೀಘ್ರವೇ ನಿಮ್ಮ ಕಾರ್ಡ್ ಅನ್ನು ಬದಲಾಯಿಸಿಕೊಳ್ಳಿ.

ಕಳುವಾದರೆ ಬ್ಲಾಕ್ ಮಾಡಿಸಿ:

ನಿಮ್ಮ ಕಾರ್ಡ್ ಗಳು ಕಳುವಾದರೆ ತಕ್ಷಣ ಅವುಗಳನ್ನು ಬ್ಲಾಕ್ ಮಾಡಿರಿ. ಕಾರ್ಡ್ ಬ್ಲಾಕ್‌ ಮಾಡುವುದೂ ಈಗ ಸರಳವಾಗಿದೆ. ಶುಲ್ಕರಹಿತ ಸಂಖ್ಯೆಗೆ ಕರೆ ಮಾಡಿ ಕಾರ್ಡ್‌ ಬ್ಲಾಕ್‌ ಮಾಡಿಸಬಹುದಾಗಿದೆ. ಇದರಿಂದ ನಿಮ್ಮ ಕಾರ್ಡ್ ದುಷ್ಟ ಕೈ ಸೇರಿ ನಷ್ಟವಾಗುವುದು ತಪ್ಪುತ್ತದೆ.

ಆನ್ ಲೈನ್ ಖರೀದಿಯ ಸಂದರ್ಭದಲ್ಲಿ ಎಚ್ಚರ:

ಇಂದಿನ ದಿನದಲ್ಲಿ ಆನ್‌ಲೈನ್ ಖರೀದಿಯೂ ಹೆಚ್ಚಾಗುತ್ತಿದ್ದು, ಇಂತಹ ಸಂದರ್ಭದಲ್ಲಿ ನಿಮ್ಮ ಕಾರ್ಡ್ ಮಾಹಿತಿಯೂ ಲೀಕ್ ಆಗುವ ಸಾಧ್ಯತೆ ಹೆಚ್ಚಾಗಿರಲಿದೆ. ಇದರಿಂದಾಗಿ ಹೆಚ್ಚು ತಿಳಿಯದ ಜಾಲತಾಣಗಳಲ್ಲಿ ಕಾರ್ಡ್ ಬಳಕೆ ಮಾಡಿ ಪೇ ಮೆಂಟ್ ಮಾಡುವ ಬದಲು ಕ್ಯಾಷ್ ಅನ್ ಡಿಲಿವೆರಿ ಪಡೆಯಿರಿ

ನಿಮ್ಮ ಮಾಹಿತಿಯನ್ನು ಕೊಡಬೇಡಿ:

ನಕಲಿ ಕರೆ ಮಾಡಿ ಹಣ ಲಪಟಾಯಿಸುವವರ ಸಂಖ್ಯೆ ಈಚಿನ ದಿನಗಳಲ್ಲಿ ಹೆಚ್ಚುತ್ತಿದೆ. ಹೀಗಾಗಿ ಗ್ರಾಹಕರು ಕಾರ್ಡ್‌ನ ಸಂಖ್ಯೆ, ಪಿನ್‌ ಸಂಖ್ಯೆ, ವಿಳಾಸ, ಮೊಬೈಲ್‌ ಸಂಖ್ಯೆ ಮುಂತಾದ ಮಾಹಿತಿಗಳನ್ನು ಯಾರಿಗೂ ಕೊಡಬಾರದು. ಬ್ಯಾಂಕ್‌ ಪ್ರತಿನಿಧಿಗಳು ಎಂದು ಕರೆ ಮಾಡುವವರಿಗೂ ಈ ಮಾಹಿತಿಗಳನ್ನು ಕೊಡಬಾರದು.