ಅಮೆಜಾನ್-ಫ್ಲಿಪ್‌ಕಾರ್ಟ್‌ನಿಂದ ನಿಮಗೆ ಮೋಸ ಆಗಿದ್ಯಾ..? ಹಾಗಿದ್ರೆ ಈ ಸ್ಟೋರಿ ನೋಡಿ..!

ಗ್ರಾಹಕರಿಗಾಗಿಯೇ ಕ್ರಮ:

ಆನ್‌ಲೈನಿನಲ್ಲಿ ವಸ್ತುಗಳನ್ನು ಬಳಕೆದಾರರು ಸ್ಪರ್ಶಿಸಿ ಇಲ್ಲವೇ ದೂರದಿಂದ ನಿಂತು ನೋಡಲು ಸಾಧ್ಯವಿಲ್ಲವಾಗಿರುವುದರಿಂದ ಇ- ಕಾಮರ್ಸ್‌ ಉದ್ಯಮಗಳು ತಾವು ಮಾರಾಟ ಮಾಡುವ ಉತ್ಪನ್ನದ ಹೆಸರು, ಉತ್ಪಾದಕರ ಹೆಸರು, ವಿಳಾಸ, MRP, ನಿವ್ವಳ ತೂಕ, ಆಕಾರ, ಗ್ರಾಹಕರ ದೂರು ಸಲ್ಲಿಕೆಗೆ ಸಂಬಂಧಪಟ್ಟ ಮಾಹಿತಿಯನ್ನು ನಿರ್ದಿಷ್ಟ ಗಾತ್ರದ ಅಕ್ಷರಗಳಲ್ಲಿ ಪ್ರಕಟಿಸುವುದನ್ನು ಸರಕಾರವೂ ಕಡ್ಡಾಯ ಮಾಡಿದೆ.

ಗ್ರಾಹಕರಿಗೆ ವಂಚನೆ:

ಆನ್‌ಲೈನಿನಲ್ಲಿ ಭಾರಿ ರಿಯಾಯಿತಿಗಳನ್ನು ನಾವು ಕಾಣಬಹುದಾಗಿದ್ದು, ಇದರ ಆಕರ್ಷಣೆಗೆ ಒಳಗಾಗಿ ಖರೀದಿಸಿದಾಗ ಮೋಸ ಹೋಗುವ ಸಾಧ್ಯತೆ ಅಧಿಕ. ಅಲ್ಲದೇ ಉತ್ಪನ್ನದ ತೂಕ, ಅಳತೆಯಲ್ಲಿ ಮೋಸ ಮಾಡಬಹುದು. ಇಲ್ಲವೇ ಖರೀದಿಸಿದ ಉತ್ಪನ್ನದ ಸಲಕರಣೆಗಳನ್ನು ನೀಡದೆ ವಂಚಿಸುವ ಪ್ರಕರಣಗಳು ಹೆಚ್ಚಾಗುತ್ತಿದೆ.

ದೂರು ದಾಖಲಿಸಬಹುದು:

ಆನ್‌ಲೈನ್‌ನಲ್ಲಿ ಸರಕು ಖರೀದಿ ಸಂದರ್ಭದಲ್ಲಿ ಬಳಕೆದಾರರಿಗೆ ಮೋಸವಾದರೆ ಅಥಾವ ನಿಯಮ ಉಲ್ಲಂಘನೆಯಾಗಿದ್ದರೆ ಗ್ರಾಹಕರು ದಾಖಲೆ ಸಹಿತ ದೂರು ನೀಡಬಹುದಾಗಿದೆ. [email protected] ಇಲ್ಲಿಗೆ ಇ ಮೇಲ್ ಕಳುಹಿಸಬಹುದಾಗಿದೆ.

ಜೈಲು ಶಿಕ್ಷೆ:

ಇ-ಕಾಮರ್ಸ್‌ ಸಂಸ್ಥೆಗಳೀಗೆ ಮೊದಲ ಬಾರಿ ನಿಯಮ ಉಲ್ಲಂಘನೆಗೆ 5000 ರೂ. ದಂಡ. ಎರಡನೇ ಬಾರಿ ನಿಯಮ ಉಲ್ಲಂಘನೆಗೆ ನ್ಯಾಯಾಲಯದಲ್ಲಿ ಕೇಸ್ ಹಾಕಿ, ಗರಿಷ್ಠ ಒಂದು ವರ್ಷದವರೆಗೆ ಜೈಲು ಶಿಕ್ಷೆ, ದಂಡ ವಿಧಿಸಬಹುದಾಗಿದೆ.