ಬೆಂಗಳೂರಿನಲ್ಲಿ ನೋಟ್ 4 ಬ್ಲಾಸ್ಟ್ ಆಗಿದ್ದು ನಿಜಾನಾ..? ಇಲ್ಲಿದೆ ಎಕ್ಸ್‌ಕ್ಲೂಸಿವ್ ಸುದ್ದಿ.!

ಮೊದಲಿಗೆ ಪ್ರಕರಣದ ಕುರಿತು:

ನಿನ್ನೆ ಶಿಯೋಮಿ ರೆಡ್‌ಮಿ ನೋಟ್ 4 ಸ್ಮಾರ್ಟ್‌ಪೋನ್ ಬ್ಲಾಸ್ಟ್ ಆಗಿದೆ ಎನ್ನುವ ವಿಚಾರ ತಿಳಿಯುತ್ತಿದ್ದಂತೆ ಮೊದಲಿಗೆ ವಿಷಯವನ್ನ ನಮ್ಮ ಓದುಗರಿಗೆ ತಿಳಿಸಿದ ನಂತರ ಹಾಗೂ ಸುದ್ದಿಯೂ ಸುಳ್ಳು ಎಂಬ ವರದಿ ಬಂದ ನಂತರದಲ್ಲಿ ನಮಗೆ ಸಿಕ್ಕ ಮಾಹಿತಿ ಮತ್ತು ಪೋಟೋ ಗಳನ್ನು ಅವಲೋಕಿಸಿ ಘಟನೆ ನಡೆದ ಅಂಗಡಿಯ ಮಾಹಿತಿಯನ್ನು ಸಂಗ್ರಹಿಸಲಾಯಿತು.

ಪೂರ್ವಿಕಾ ಮಳಿಗೆಯಲ್ಲಿ ನಡೆದ ಘಟನೆ:

ಈ ಮೊಬೈಲ್ ಬ್ಲಾಸ್ಟ್ ಸಂಭವಿಸಿದ್ದು ಬೆಂಗಳೂರಿನ ಸರ್ಜಾಪುರ ರಸ್ತೆಯಲ್ಲಿರುವ ಕೈಕುಂದ್ರಾಹಳ್ಳಿಯ ಪೂರ್ವಿಕಾ ಮೊಬೈಲ್ ಮಾರಾಟ ಮಳಿಗೆಯಲ್ಲಿ, ಈ ವಿಷಯ ತಿಳಿದೊಡನೆ ಮಳಿಗೆಯ ದೂರವಾಣಿ ಸಂಖ್ಯೆಯನ್ನು ಸಂಗ್ರಹಿಸಿ ಘಟನೆಯ ಸಂಪೂರ್ಣ ವಿವರ ಮತ್ತು ಮೊಬೈಲ್ ಮಾರಾಟ ಮಾಡಿದ ವ್ಯಕ್ತಿಯನ್ನು ಮಾತನಾಡಿಸಲಾಯಿತು.

ರೆಡ್‌ಮಿ ನೋಟ್ 4 ಬ್ಲಾಸ್ಟ್ ಆಗಿದ್ದು ಸತ್ಯ, ಘಟನೆ ನಡೆದ್ದು ಜೂನ್ 1 ರಂದು:

ರೆಡ್‌ಮಿ ನೋಟ್ 4 ಸ್ಮಾರ್ಟ್‌ಫೋನ್ ಬ್ಲಾಸ್ಟ್ ಆಗಿರುವುದು ಸತ್ಯ. ಈ ಘಟನೆ ನಡೆದಿರುವುದು ಜೂನ್ 1 ರಂದು, ಅದುವೇ ಮಧ್ಯಾಹ್ನ 1:50 ರ ಸಮಯದಲ್ಲಿ. ಗ್ರಾಹರೊಬ್ಬರಿಗೆ 3GB -32GB ಆವೃತ್ತಿಯ ರೆಡ್‌ಮಿ ನೋಟ್ 4 ಫೋನ್ ಅನ್ನು ಮಾರಾಟ ಮಾಡಿದ ನಂತರ ಅಂಗಡಿಯ ಸಿಬ್ಬಂದಿ ಮೊಬೈಲ್ ಬಾಕ್ಸ್ ಓಪನ್ ಮಾಡಿ ಸಿಮ್ ಕಾರ್ಡ್ ಹಾಕಿ ಪೋನ್ ಆನ್ ಮಾಡುತ್ತಿದಂತೆ ಮೊಬೈಲ್ ಬ್ಲಾಸ್ಟ್ ಆಗಿದೆ. ಈ ವಿಷಯವನ್ನು ಪೋನ್ ಮಾರಾಟ ಮಾಡಿದ ವ್ಯಕ್ತಿಯೇ ದೂರವಾಣಿಯಲ್ಲಿ ಗಿಜ್‌ಬಾಟ್ ನೊಂದಿಗೆ ಮಾತನಾಡಿ ಸ್ಪಷ್ಟಪಡಿಸಿದ್ದಾರೆ.

ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ:

ಈ ಪ್ರಕರಣವು ನಡೆದಿದೆ ಎನ್ನುವುದಕ್ಕೆ ಪ್ರಮುಖ ಸಾಕ್ಷಿ ಎನ್ನುವಂತೆ ಬೆಳಂದೂರು ಠಾಣೆಯಲ್ಲಿ ರೆಡ್‌ಮಿ ನೋಟ್ 4 ಫೂರ್ವಿಕ ಮೊಬೈಲ್ ಮಾರಾಟ ಮಳಿಗೆಯಲ್ಲಿ ಬ್ಲಾಸ್ಟ್ ಆಗಿದೆ ಎಂದು ದೂರ ಸಹ ದಾಖಲಿಸಿದರುವುದಾಗಿ ಅಂಗಡಿಯ ಸಿಬ್ಬಂದಿ ಗಿಜ್‌ಬಾಟ್ ಗೆ ತಿಳಿಸಿದ್ದಾರೆ. (ಈ ಕುರಿತು ಠಾಣೆಯನ್ನು ದೂರವಾಣಿ ಮೂಲಕ ಸಂಪರ್ಕಿಸುವ ಪ್ರಯತ್ನ ನಡೆಸಲಾಯಿತಾದರು ಸಂಪರ್ಕ ಸಾಧ್ಯವಾಗಲಿಲ್ಲ)

ಶಿಯೋಮಿ ಕಂಪನಿಗೂ ತಿಳಿಸಲಾಗಿದೆ:

ಫೂರ್ವಿಕಾ ಮಳಿಗೆಯಲ್ಲಿ ರೆಡ್‌ಮಿ ನೋಟ್ 4 ಸ್ಮಾರ್ಟ್‌ಫೋನ್ ಬ್ಲಾಸ್ಟ್ ಆಗಿದೆ ಎಂದು ಶಿಯೋಮಿ ಕಂಪನಿ ಗಮನಕ್ಕೂ ತರಲಾಗಿದೆ ಎಂದು ಫೂರ್ವಿಕಾ ಸಿಬ್ಬಂದಿ ತಿಳಿಸಿದ್ದಾರೆ.

ಅಧಿಕೃತ ಪ್ರಕಟಣೆ ಇಲ:

ಆದರೆ ಈ ಕುರಿತಂತೆ ಕಂಪನಿ ಕಡೆಯಿಂದ ಯಾವುದೇ ಮಾಹಿತಿಯೂ ದೊರೆತಿಲ್ಲ ಎನ್ನಲಾಗಿದೆ. ಅಲ್ಲದೇ ತನ್ನ ಸ್ಮಾರ್ಟ್‌ಪೋನ್ ಸಾರ್ವಜನಿಕ ಸ್ಥಳಲ್ಲಿ ಬ್ಲಾಸ್ಟ್ ಆಗಿದೆ ಎನ್ನುವ ಸಣ್ಣ ಅಧಿಕೃತ ಪ್ರಕಟಣೆಯನ್ನು ಶಿಯೋಮಿ ಕಂಪನಿ ನೀಡಿಲ್ಲ.

ಬದಲಿ ಸ್ಮಾರ್ಟ್‌ಫೋನ್ ಸಿಕ್ಕಿಲ್ಲ:

ಘಟನೆಯಲ್ಲಿ ಹೊಸ ಸ್ಮಾರ್ಟ್‌ಫೋನ್ ಕಳೆದುಕೊಂಡ ಗ್ರಾಹಕರಿಗೆ ನೂತನ ಫೋನ್ ಇನ್ನು ನೀಡಿಲ್ಲ. ಸದ್ಯ ಬ್ಲಾಸ್ಟ್ ಆಗಿರುವ ಸ್ಮಾರ್ಟ್‌ಫೋನ್ ಅನ್ನು ಶಿಯೋಮಿ ಕಂಪನಿಗೆ ಕಳುಹಿಸಲಾಗಿದ್ದು, ಅಲ್ಲಿಂದ ಬದಲಿ ಸ್ಮಾರ್ಟ್‌ಫೋನ್ ದೊರೆತಿಲ್ಲ ಎನ್ನಲಾಗಿದೆ.

ಘಟನೆ ನಡೆದಿರುವುದು ಸತ್ಯ, ವಿಡಿಯೋ ಬಗ್ಗೆ ತಿಳಿದಿಲ್ಲ..!!

ಫೂರ್ವಿಕಾ ಮಳಿಗೆಯಲ್ಲಿ ರೆಡ್‌ಮಿ ನೋಟ್ 4 ಸ್ಮಾರ್ಟ್‌ಫೋನ್ ಬ್ಲಾಸ್ಟ್ ಆಗಿರುವ ಘಟನೆಯೂ 100ಕ್ಕೆ 100ರಷ್ಟು ಸತ್ಯವಾಗಿದ್ದು, ಆದರೆ ಈ ಕುರಿತಂತೆ ಹರಿದಾಡುತ್ತಿರುವ ವಿಡಿಯೋ ಕುರಿತ ವಿವರ ತಿಳಿದಿಲ್ಲ. ಈ ಕುರಿತು ಫೂರ್ವಿಕಾ ಮಳಿಗೆಯ ಸಿಬ್ಬಂದ್ದಿಯನ್ನು ವಿಚಾರಿಸಿದಲ್ಲಿ ಯಾವುದೇ ವಿಡಿಯೋ ಕ್ಲಿಪ್ ಇಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.