ಸಿಇಓ ಸುಂದರ ಪಿಚೈಗೆ ಬರೋಬ್ಬರಿ ರೂ.2,524 ಕೋಟಿ ಬಹುಮಾನ ಕೊಟ್ಟ ಗೂಗಲ್: ಶಾಕ್ ನಲ್ಲಿ ಟೆಕ್‌ ಲೋಕ

ಪೇ ಡೇ ಗಿಫ್ಟ್:

ಸಾಮಾನ್ಯವಾಗಿ ಕಂಪನಿಗಳ ಉತ್ತಮವಾಗಿ ಕಾರ್ಯನಿರ್ವಹಿಸಿದ ಕಾರ್ಯನಿರ್ವಹಣಾಧಿಕಾರಿ (ಸಿಇಓ)ಗೆ ಬಹುಮಾನಗಳನ್ನು, ಇಲ್ಲವೇ ಬೋನಸ್ ಗಳನ್ನು ನೀಡುವುದು ಸಾಮಾನ್ಯ. ಇದನ್ನು ಕಂಪನಿ ಶೇರುಗಳ ಮಾದರಿಯಲ್ಲಿ ನೀಡುತ್ತಾರೆ. ಇದೇ ಮಾದರಿಯಲ್ಲಿ ಗೂಗಲ್ ಸಿಇಓ ಸುಂದರ ಪಿಚೈಗೆ ಪೇ ಡೇ ಗಿಫ್ಟ್ ದೊರೆಯುತ್ತಿದೆ ಎನ್ನಲಾಗಿದೆ.

ಭಾರಿ ಲಾಭ:

ಗೂಗಲ್‌ ಒಡೆತನವನ್ನು ಹೊಂದಿರುವ ಆಲ್ಫಾಬೆಟ್‌ನ ತ್ತೈಮಾಸಿಕದಲ್ಲಿ ಭಾರೀ ಪ್ರಮಾಣದ ಲಾಭವನ್ನು ಗಳಿಸಿರುವ ಕಾರಣದಿಂದಾಗಿ ಗೂಗಲ್ ಸಿಇಓ ಸುಂದರ ಪಿಚೈಗೆ ಪೇ ಡೇ ಗಿಫ್ಟ್ ನೀಡಲು ಮುಂದಾಗಿದೆ ಎನ್ನಲಾಗಿದೆ.

ಶೇ.70ರಷ್ಟು ಲಾಭ

ಆಲ್ಫಾಬೆಟ್‌ ಕಂಪೆನಿಯೂ ಮಾರುಕಟ್ಟೆಯಲ್ಲಿ ನಿರೀಕ್ಷಿದ್ದ ಲಾಭಕ್ಕಿಂತಲೂ ಹೆಚ್ಚಿನದನ್ನು ಸುಂದರ ಪಿಚೈ ಸಾಧಿಸಿ ತೋರಿಸಿದ್ದಾರೆ ಎನ್ನಲಾಗಿದ್ದು, 2018ರ ಮೊದಲ ಮೂರು ತಿಂಗಳಲ್ಲಿ ಕಂಪೆನಿಯ ಲಾಭ 9.4 ಶತಕೋಟಿ ಡಾಲರ್‌ ತಲುಪಿದ್ದು, ಇದು ಶೇ.70ಕ್ಕಿಂತಲೂ ಅಧಿಕ ಎನ್ನಲಾಗಿದ್ದು, ಇದು ಮಾರುಕಟ್ಟೆ ನಿರೀಕ್ಷೆಯನ್ನು ಮೀರಿದೆ.

380 ದಶಲಕ್ಷ ಡಾಲರ್‌

ಆಲ್ಫಾಬೆಟ್‌ ಸಂಸ್ಥೆ, ತನಗೆ ಹೆಚ್ಚಿನ ಲಾಭ ಮಾಡಿಕೊಟ್ಟ ಸುಂದರ ಪಿಚೈಗೆ 380 ದಶಲಕ್ಷ ಡಾಲರ್‌, ಅಂದರೆ ಭಾರತೀಯ ರೂಪಾಯಿಗಳಲ್ಲಿ ರೂ. 2,524 ಕೋಟಿ ಮೌಲ್ಯದ ನೋಂದಾಯಿತ ಶೇರುಗಳನ್ನು ನೀಡಲಿದೆ ಎನ್ನಲಾಗಿದೆ. ಸುಂದರ್ ಪಡೆದಿರುವ ಪೇ ಡೇ ಗಿಫ್ಟ್ ಸದ್ಯ ಭಾರೀ ಸದ್ದು ಮಾಡುತ್ತಿದೆ.

ಆಲ್ಫಾಬೆಟ್ ಲಾಭ:

ಭಾರೀ ಪ್ರಮಾಣದ ಲಾಭವನ್ನು ತಂದು ಕೊಟ್ಟ ಗೂಗಲ್ ಸಿಇಓ ಸುಂದರ ಪಿಚೈಗೆ ಭಾರೀ ಮೊತ್ತದ ಪೇ ಡೇ ಗಿಫ್ಟ್ ನೀಡಿದ್ದು ಆಲ್ಫಾಬೆಟ್‌ ಸಂಸ್ಥೆಗೆ ಒಂದು ರೀತಿಯಲ್ಲಿ ಲಾಭವಾಗಿದೆ ಎನ್ನಲಾಗಿದೆ. ಈ ಭಾರಿ ಪ್ರಮಾಣ ಗಿಫ್ಟ್ ನೀಡಿದ ಸುದ್ದಿ ವೈರಲ್ ಆಗುತ್ತಿದ್ದಂತೆ ಆಲ್ಫಾಬೆಟ್‌ ಕಂಪೆನಿಯ ಶೇರಿನ ಮಾರುಕಟ್ಟೆ ಧಾರಣೆ ಶೇ.90ರಷ್ಟು ಏರಿಕೆಯಾಗಿದೆ ಎನ್ನಲಾಗಿದೆ.

ಅತೀ ದೊಡ್ಡ ಬಹುಮಾನ:

ಕಳೆದ ಹಲವು ವರ್ಷಗಳ ಬೆಳವಣಿಗೆಯನ್ನು ಗಮನಿಸಿದರೆ ಸಾರ್ವಜನಿಕ ರಂಗದ ಕಂಪೆನಿಯೊಂದರ ಕಾರ್ಯನಿರ್ವಹಣಾಧಿಕಾರಿಗೆ ಇಷ್ಟು ಪ್ರಮಾಣದ ಬಹುಮಾನವನ್ನು ಯಾರು ನೀಡಿಲ್ಲ ಎನ್ನಲಾಗಿದೆ. ಸುಂದರ್ ಪಿಚೈಗೆ ದೊರೆಯುತ್ತಿರುವುದು ಅತೀ ದೊಡ್ಡ ಶೇರು ಎಂದು ವರದಿಯಾಗಿದೆ.