ಗೂಗಲ್ ತೆಕ್ಕೆಗೆ HTC: ಯಾಕಾಗಿ? ಭಾರತೀಯರಿಗೇನು ಲಾಭ?

HTCಯನ್ನು ತನ್ನ ತೆಕ್ಕೆಗೆ ಸೇರಿಸಿಕೊಳ್ಳಲು ಮುಂದಾಗಿದೆ ಎನ್ನಲಾಗಿದೆ. ಈಗಾಗಲೇ ಗೂಗಲ್ ಮತ್ತು HTC ನಡುವೆ ಮಾತುಕತೆ ನಡೆದಿದೆ ಎನ್ನಲಾಗಿದೆ.

By Srinidhi

Published: Saturday, September 9, 2017, 13:39 [IST]

ಸರ್ಚ್ ಇಂಜಿನ್ ದೈತ್ಯ ಗೂಗಲ್ ಒಂದೊಂದಾಗಿ ಎಲ್ಲಾವನ್ನು ಕ್ರಮಿಸುತ್ತಾ ಬರುತ್ತಿದ್ದು, ಮೂಲಗಳ ಪ್ರಕಾರ ಮೊಬೈಲ್ ತಯಾರಕಾ ಕಂಪನಿ HTCಯನ್ನು ತನ್ನ ತೆಕ್ಕೆಗೆ ಸೇರಿಸಿಕೊಳ್ಳಲು ಮುಂದಾಗಿದೆ ಎನ್ನಲಾಗಿದೆ. ಈಗಾಗಲೇ ಗೂಗಲ್ ಮತ್ತು HTC ನಡುವೆ ಮಾತುಕತೆ ನಡೆದಿದೆ ಎನ್ನಲಾಗಿದೆ.

ಗೂಗಲ್ ತೆಕ್ಕೆಗೆ HTC: ಯಾಕಾಗಿ? ಭಾರತೀಯರಿಗೇನು ಲಾಭ?

ಓದಿರಿ: ವಾಟ್ಸ್‌ಆಪ್‌ನಿಂದ ನೀವು ನಿರೀಕ್ಷಿಸದ ಮತ್ತೊಂದು ಆಚ್ಚರಿಯ ಆಯ್ಕೆ

ಈಗಾಗಲೇ HTC ಸಹ ಮಾರುಕಟ್ಟೆಯಲ್ಲಿ ಹೇಳಿಕೊಳ್ಳುವಂತಹ ಸಾಧನೆಯನ್ನು ಮಾಡುತ್ತಿಲ್ಲ ಮತ್ತು ಸ್ಪರ್ಧೆಯಲ್ಲಿ ಇತರ ಕಂಪನಿಗಳ ಮುಂದೆ ನಿಲ್ಲಲು ಆಗದೆ ಇರುವ ಸ್ಥಿತಿಯನ್ನು ತಲುಪಿದೆ ಈ ಹಿನ್ನಲೆಯಲ್ಲಿ ಗೂಗಲ್ ನೊಂದಿಗೆ ಸೇರಿಕೊಳ್ಳುವ ಆಲೋಚನೆಯಲ್ಲಿದೆ. ಇದರಿಂದ ಭಾರತೀಯರಿಗೆ ಲಾಭವಾಗುವ ಲಕ್ಷಣಗಳು ಕಾಣಿಸಿದೆ.

ಗೂಗಲ್ ಫೋನ್ ನಿರ್ಮಿಸಿದ್ದ HTC:

ಈಗಾಗಲೇ ಮಾರುಕಟ್ಟೆಯಲ್ಲಿ ಲಾಂಚ್ ಆಗಿರುವ ಗೂಗಲ್ ಫೋನ್ ಗಳಲ್ಲಿ ಕೆಲವನ್ನು HTC ನಿರ್ಮಿಸಿದ್ದು, ಈ ಹಿನ್ನಲೆಯಲ್ಲಿ HTCಯೊಂದಿಗೆ ಈಗಾಗಲೇ ಸಂಬಂಧವನ್ನು ಹೊಂದಿರುವ ಗೂಗಲ್ ಈಗಾಗಲೆ ತನ್ನ ತೆಕ್ಕೆಗೆ HTC ಯನ್ನು ಸೇರಿಸಿಕೊಳ್ಳಲು ಮುಂದಾಗಿದೆ.

HTCಗೆ ಮರು ಜೀವ:

ಈ ಹಿಂದೆ ಮುಚ್ಚುವ ಹಂತದಲ್ಲಿದ್ದ ಮೊಟೊ ಸ್ಮಾರ್ಟ್‌ಫೋನ್‌ಗಳಿಗೆ ಮರುಜೀವ ನೀಡಿದ್ದ ಗೂಗಲ್ ಈ ಬಾರಿ HTCಗೆ ಮರುಜೀವ ನೀಡುವ ಸಾಧ್ಯತೆ ಇದೆ ಎನ್ನಲಾಗಿದೆ. ಒಟ್ಟಿನಲ್ಲಿ ಮಾರುಕಟ್ಟೆಯಲ್ಲಿ ಮತ್ತೇ HTC ಆರ್ಭಟ ಶುರುವಾಗಲಿದೆ.

ಗೂಗಲ್ ಅವಶ್ಯಕತೆ:

ಈ ಹಿಂದೆ ತನ್ನ ಬಳಕೆಗಾಗಿ ಮೊಟೊ ಖರೀದಿಸಿದ್ದ ಗೂಗಲ್ ಕೊನೆಗೆ ಅದನ್ನು ಲಿಮೋವೊಗೆ ಮಾರಾಟ ಮಾಡಿತ್ತು. ಆದರೆ ಈ ಬಾರಿ ತನ್ನ ಸ್ಮಾರ್ಟ್‌ಫೋನ್‌ಗಳನ್ನು ಲಾಂಚ್ ಮಾಡುವ ಸಲುವಾಗಿ HTC ಖರೀದಿಸಲಿದೆ.

ಕಡಿಮೆ ಬೆಲೆಯ ಸ್ಮಾರ್ಟ್‌ಫೋನ್‌:

ಈ ಹಿಂದೆ ಭಾರತದಂತಹ ರಾಷ್ಟಗಳಲ್ಲಿ ರೂ.2000ಕ್ಕೆ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡುವುದಾಗಿ ತಿಳಿಸಿದ್ದ ಗೂಗಲ್ ಅದನ್ನು ಕಾರ್ಯರೂಪಕ್ಕೆ ತರುವ ಸಲುವಾಗಿ HTCಯನ್ನು ಖರೀದಿಸಲು ಮುಂದಾಗಿದೆ ಎನ್ನಲಾಗಿದೆ.