ಪಿಕ್ಸೆಲ್ ವಾಚ್‌ನಲ್ಲಿ ಗೂಗಲ್ ಅಸಿಸ್ಟೆಂಟ್ ಆಕ್ಟಿವ್‌ ಮಾಡಬೇಕೆ?: ಈ ಮಾರ್ಗ ಅನುಸರಿಸಿ

ಹೌದು, ಇತ್ತೀಚೆಗೆ ಲಾಂಚ್‌ ಆಗಿರುವ ಗೂಗಲ್‌ ಪಿಕ್ಸೆಲ್ ಸರಣಿಯ ಸ್ಮಾರ್ಟ್‌ವಾಚ್‌ಗಳಿ ಭಾರೀ ಸದ್ದು ಮಾಡುತ್ತಿವೆ. ಸುಧಾರಿತ ಹಲವು ಫೀಚರ್ಸ್‌ಗಳನ್ನು ಈ ವಾಚ್‌ ಹೊಂದಿದೆ. ಇದೆಲ್ಲಕ್ಕಿಂತಲೂ ಮಿಸಗಿಲಾಗಿ ಗೂಗಲ್ ಅಸಿಸ್ಟೆಂಟ್ ಆಯ್ಕೆ ಪಡೆದಿದ್ದು, ವಿಶೇಷವೆನಿಸಿದೆ. ನಿಮಗೇನಾದರೂ ಈ ಗೂಗಲ್‌ ಅಸಿಸ್ಟೆಂಟ್‌ ಅನ್ನು ಸ್ಮಾರ್ಟ್‌ವಾಚ್‌ನಲ್ಲಿ ಬಳಕೆ ಮಾಡುವುದು ಗೊತ್ತಿಲ್ಲದಿದ್ದರೆ ಅದನ್ನು ಹೇಗೆ ಬಳಕೆ ಮಾಡಿಕೊಳ್ಳಬಹುದು ಎಂಬಿತ್ಯಾದಿ ಮಾಹಿತಿಯನ್ನು ಈ ಲೇಖನದಲ್ಲಿ ನೀಡಲಾಗಿದೆ ಓದಿರಿ

ಸ್ಮಾರ್ಟ್‌ವಾಚ್‌ ವಿಭಾಗದಲ್ಲಿ ಗೂಗಲ್‌ ಅಸಿಸ್ಟೆಂಟ್ ಒಂದು ಅತ್ಯುತ್ತಮ ವೈಶಿಷ್ಟ್ಯವಾಗಿದ್ದು, ವೇರ್‌ OS 3 ಡಿವೈಸ್‌ಗಳ ಇತ್ತೀಚಿನ ಅಪ್‌ಡೇಟ್‌ನಲ್ಲಿ ಡಿಜಿಟಲ್ ಧ್ವನಿ ಸಹಾಯಕವು ಬಹಳ ಆಕರ್ಷಕವಾಗಿದೆ. ಗೂಗಲ್‌ ಪಿಕ್ಸೆಲ್ ಸ್ಮಾರ್ಟ್‌ವಾಚ್‌ಗಳಲ್ಲಿ ಮೊದಲ ದಿನದಿಂದಲೂ ಈ ಫೀಚರ್ಸ್‌ ಲಭ್ಯವಾಗಿದ್ದು, ಅದನ್ನು ಹೇಗೆ ಬಳಸುವುದು ಎಂಬುದನ್ನು ಈ ಕೆಳಕಂಡಂತೆ ವಿವರಿಸಲಾಗಿದೆ. ಗೂಗಲ್‌ ಅಸಿಸ್ಟೆಂಟ್‌ ಆಯ್ಕೆಗೆ ಪ್ರವೇಶಿಸುವುದಕ್ಕೆ ಕೆಲವು ವಿಭಿನ್ನ ರೀತಿಗಳ ಮಾರ್ಗಗಳಿವೆ. ವಾಚ್‌ನ ಆರಂಭಿಕ ಸೆಟಪ್ ಸಮಯದಲ್ಲಿ ನೀವು ಗೂಗಲ್‌ ಅಸಿಸ್ಟೆಂಟ್‌ ಅನ್ನು ಸಕ್ರಿಯಗೊಳಿಸದಿದ್ದರೆ ಈ ರೀತಿ ಮಾಡಿ.

• *ನಿಮ್ಮ ಸ್ಮಾರ್ಟ್‌ವಾಚ್‌ನ ಡಿಸ್‌ಪ್ಲೇಯನ್ನು ಮೇಲಿನಿಂದ ಕೆಳಕ್ಕೆ ಸ್ವೈಪ್ ಮಾಡಿ ಹಾಗೆ ಅಲ್ಲಿ ಸಿಗುವ ಸೆಟ್ಟಿಂಗ್‌ ಬಟನ್‌ ಮೇಲೆ ಟ್ಯಾಪ್‌ ಮಾಡಿ.
• *ಇದರಲ್ಲಿ ಗೂಗಲ್‌ ಆಯ್ಕೆ ಸಿಗುವ ವರೆಗೆ ಸ್ಕ್ರಾಲ್ ಮಾಡಿ
• *ಇದಾದ ನಂತರ ನಿಮಗೆ ಅಸಿಸ್ಟೆಂಟ್‌ ಆಯ್ಕೆ ಸಿಗಲಿದೆ ಅದರ ಮೇಲೆ ಕ್ಲಿಕ್‌ ಮಾಡಿ.
• *ಅಲ್ಲಿ ಗೆಟ್‌ ಸ್ಟಾರ್ಟೆಡ್‌ ಎಂಬ ಆಯ್ಕೆಯನ್ನು ಆರಿಸಿ
• *ಇದಾದ ಬಳಿಕ ನಿಮ್ಮ ಬಳಿ ಇರುವ ಸ್ಮಾರ್ಟ್‌ಫೋನ್ ಓಪನ್‌ ಮಾಡಿ ಅಲ್ಲಿ ಕೆಳಗಿನ ಬಲ ಮೂಲೆಯಲ್ಲಿ ಕಾಣುವ ಸೆಟಪ್‌ ಮೇಲೆ ಟ್ಯಾಪ್‌ ಮಾಡಿ.
• *ನಂತರ ಅಲ್ಲಿ ನೀಡಲಾದ ಮಾಹಿತಿಯನ್ನು ಒಮ್ಮೆ ಓದಿಕೊಂಡು ಮೋರ್‌ಅನ್ನು ಟ್ಯಾಪ್ ಮಾಡಿ ಅಲ್ಲಿ ಕಂಡುಬರುವ ನಾನು ಒಪ್ಪುತ್ತೇನೆ (I agree) ಮೇಲೆ ಕ್ಲಿಕ್‌ ಮಾಡಿ.



ಇದರ ಹೊರತಾಗಿ ಈ ಆಯ್ಕೆಯನ್ನೂ ಅನುಸರಿಸಬಹುದು

• *ಹ್ಯಾಪ್ಟಿಕ್ ಕ್ರೌನ್‌ ಬಟನ್‌ ಮೇಲಿನ ಭಾಗದಲ್ಲಿ ಒತ್ತಿ ಮತ್ತು ಸ್ವಲ್ಪ ಸಮಯದವರೆಗೆ ಹಾಗೆ ಹಿಡಿದುಕೊಳ್ಳಿ.
• *ಸ್ಕ್ರೀನ್ ಸಕ್ರಿಯವಾಗಿರುವಾಗ, ಹೇ ಗೂಗಲ್ ಎಂದು ಹೇಳಿ.
• *ಇದಾದ ನಂತರ ಹ್ಯಾಪ್ಟಿಕ್ ಕ್ರೌನ್‌ ಬಟನ್‌ ಒತ್ತಿ ನಂತರ ಅಲ್ಲಿ ಕಾಣುವ ಅಪ್ಲಿಕೇಶನ್ ಪಟ್ಟಿಯಿಂದ ಅಸಿಸ್ಟೆಂಟ್‌ ಆಯ್ಕೆಮಾಡಿ.



ಈ ವಿಧಾನಗಳಲ್ಲಿ ನಿಮ್ಮ ಸ್ಮಾರ್ಟ್‌ಫೋನ್‌ ಹಾಗೂ ಸ್ಮಾರ್ಟ್‌ಸ್ಪೀಕರ್‌ಗಳಲ್ಲೂ ಈ ಆಯ್ಕೆ ಪಡೆಯಬಹುದಾಗಿದೆ. ಗೂಗಲ್‌ ಅಸಿಸ್ಟೆಂಟ್‌ ಹಳೆಯ ವೇರ್‌ OS ಡಿವೈಸ್‌ಗಳಲ್ಲಿ ಕಳೆದ ವರ್ಷಗಳಿಂದಲೂ ಇದೆ. ಆದರೆ, ಅಂಡರ್‌ಪವರ್ಡ್ ಹಾರ್ಡ್‌ವೇರ್‌ನಿಂದಾಗಿ ಹೆಚ್ಚಾಗಿ ಬಳಕೆಗೆ ಬಂದಿಲ್ಲ. ಅದರೂ, ಟಿಕ್‌ವಾಚ್ ಪ್ರೊ 3 ಅಲ್ಟ್ರಾದಂತಹ ವಾಚ್‌ಗಳು ಯಾವುದೇ ಸಮಸ್ಯೆಯಿಲ್ಲದೆ ಇದರಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಇದರ ನಡುವೆ ಕಳೆದ ವರ್ಷದಿಂದ ವೇರ್‌ OS 3 ಬಳಕೆಯ ಸ್ಯಾಮ್‌ಸಂಗ್‌ ಗ್ಯಾಲಕ್ಷಿ ವಾಚ್‌ 4 ಸರಣಿಯು ಸಹ ಈ ಫೀಚರ್ಸ್‌ ಪ್ರಾರಂಭಿಸಿರಲಿಲ್ಲ. ಹಾಗೆಯೇ ಮಾರ್ಚ್ 2022 ರ ನಂತರ ಸ್ಯಾಮ್‌ಸಂಗ್‌ನಲ್ಲಿ ಗೂಗಲ್‌ ಅಸಿಟ್ಟೆಂಟ್ ಆಯ್ಕೆ ನೀಡಲಾಗಿದೆ. ವಿಶೇಷ ಎಂದರೆ ಗೂಗಲ್‌ ಕಂಪೆನಿ ಮಾತ್ರ ಪಿಕ್ಸೆಲ್‌ ವಾಚ್‌ಗಳಲ್ಲಿ ಈ ಫೀಚರ್ಸ್‌ ನೀಡಿ ಹೆಚ್ಚಿನ ಗಮನ ಸೆಳೆದಿದೆ.