ಹೋನರ್ 5x ಲಾಂಚ್‌ಗಾಗಿ ಹುವಾವೆ ಭರ್ಜರಿ ತಯಾರಿ

By Shwetha

Published: Friday, January 22, 2016, 16:44 [IST]

ಹುವಾವೆಯ ಇ ಬ್ರ್ಯಾಂಡ್ ಹೋನರ್ ತನ್ನ ಭರ್ಜರಿ ಫೋನ್ ಹೋನರ್ 5X ಅನ್ನು ಭಾರತದಲ್ಲಿ ಲಾಂಚ್ ಮಾಡಲು ಎಲ್ಲಾ ತಯಾರಿಯನ್ನು ನಡೆಸಿದೆ. ಲಾಸ್ ವೇಗಸ್‌ನಲ್ಲಿ ನಡೆದ ಸಿಇಎಸ್ 2016 ರಲ್ಲಿ ಅನಾವರಣಗೊಂಡಿದ್ದ ಈ ಡಿವೈಸ್ ಮೆಟಲ್ ವಿನ್ಯಾಸ, ಫಿಂಗರ್ ಪ್ರಿಂಟ್ ಸ್ಕ್ಯಾನರ್‌ನೊಂದಿಗೆ ಅದ್ಭುತ ವಿಶೇಷತೆಗಳು ಮತ್ತು ಫೀಚರ್‌ಗಳನ್ನೊಳಗೊಂಡು ಬಂದಿದೆ. ಮಾರುಕಟ್ಟೆಯಲ್ಲಿ ಈ ಡಿವೈಸ್ ಭರ್ಜರಿ ಸದ್ದುಮಾಡುವುದರಂತೂ ನಿಜ ಎಂಬುದಾಗಿ ಮೊಬೈಲ್ ಭವಿಷ್ಯಕಾರರು ನುಡಿದಿದ್ದಾರೆ.

ಹೋನರ್ 5x ಮೆಟಲ್ ಚೇಸಸ್ ಅನ್ನು ಪಡೆದುಕೊಂಡಿದ್ದು ತನ್ನ ಹೋನರ್ 7 ಸ್ಮಾರ್ಟ್‌ಫೋನ್‌ನಿಂದ ಇದನ್ನು ನಕಲಿಸಿದೆ. ವಜ್ರದ ಬಣ್ಣದ ಅಲ್ಯುಮಿನಿಯಮ್ ಅಲೊ ಕೇಸಿಂಗ್ ಅನ್ನು ಇದು ಪಡೆದುಕೊಂಡಿದ್ದು ಇದು ಪ್ರೀಮಿಯಮ ಲುಕ್ ಅನ್ನು ಪಡೆದುಕೊಂಡಿರುವುದರ ಜೊತೆಗೆ ಆಕರ್ಷಕ ಡಿವೈಸ್ ಆಗಿದೆ. ಬನ್ನಿ ಕೆಳಗಿನ ಸ್ಲೈಡರ್‌ಗಳಲ್ಲಿ ಇನ್ನಷ್ಟು ಮಾಹಿತಿಯನ್ನು ಪಡೆದುಕೊಳ್ಳೋಣ.

ಡಿಸ್‌ಪ್ಲೇ

ಫೋನ್ 5.5 ಇಂಚಿನ ಎಫ್‌ಎಚ್‌ಡಿ ಡಿಸ್‌ಪ್ಲೇಯನ್ನು ಪಡೆದುಕೊಂಡಿದ್ದು 1920x1080 ಪಿ ರೆಸಲ್ಯೂಶನ್ ಇದರಲ್ಲಿದೆ. ಸ್ನ್ಯಾಪ್‌ಡ್ರ್ಯಾಗನ್ 615 ಓಕ್ಟಾ ಕೋರ್ ಪ್ರೊಸೆಸರ್‌ನೊಂದಿಗೆ 2 ಜಿಬಿ RAM ಫೋನ್‌ನಲ್ಲಿದೆ ಅಂತೆಯೇ 16ಜಿಬಿ ಸಂಗ್ರಹಣೆ ಡಿವೈಸ್‌ನಲ್ಲಿದೆ.

ಕ್ಯಾಮೆರಾ

ಹೋನರ್ 5X ತನ್ನಲ್ಲಿ 13ಎಮ್‌ಪಿ ರಿಯರ್ ಕ್ಯಾಮೆರಾವನ್ನು ಪಡೆದುಕೊಂಡಿದ್ದು ಇದು ಕಡಿಮೆ ಬೆಳಕಿನಲ್ಲಿ ಕೂಡ ಅದ್ಭುತ ಫೋಟೋವನ್ನು ಒದಗಿಸಲಿದೆ.

ಮೆಟಲ್ ಬಾಡಿ

ಸ್ಮಾರ್ಟ್‌ಫೋನ್ ಯುಎಸ್‌ಪಿ ಮೆಟಲ್ ಬಾಡಿಯನ್ನು ಪಡೆದುಕೊಂಡಿದ್ದು ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಅನ್ನು ಪಡೆದುಕೊಂಡಿದೆ ಈ ಕಾಂಬಿನೇಶನ್ ಬಜೆಟ್ ಡಿವೈಸ್‌ಗಳಲ್ಲಿ ಕಂಡುಬರುವುದು ಬಹು ವಿರಳವಾಗಿದೆ.