ಶುರುವಾದ ಕೆಲವೇ ಸಮಯದಲ್ಲಿ ಜಿಯೋ ಫೋನ್ ಬುಕಿಂಗ್ ಸ್ಥಗಿತ: ಕಾರಣವೇನು...?

ಆಗಸ್ಟ್ 24 ರ ಸಂಜೆ ಆರಂಭವಾಗಿದ್ದು:

ಜಿಯೋ ಫೋನ್ ಆಗಸ್ಟ್ 24 ರಂದು ಸಂಜೆಯಿಂದ ಬುಕಿಂಗ್ ಆರಂಭವಾಗಿತ್ತು. ಈ ಹಿಂದೆಯೇ ರಿಜಿಸ್ಟರ್ ಆಗಿದ್ದ ಗ್ರಾಹಕರಿಗೆ ಜಿಯೋ ಬುಕಿಂಗ್ ಆರಂಭವಾದ ಸೂಚನೆಯನ್ನು ನೀಡಿತ್ತು. ಈ ಹಿನ್ನಲೆಯಲ್ಲಿ ಒಮ್ಮೆಗೆ 40 ಲಕ್ಷ ಮಂದಿ ಬುಕಿಂಗ್ ಮಾಡಿದ್ದಾರೆ ಎನ್ನಲಾಗಿದೆ.

ವಿವಿಧ ಮಾದರಿಯಲ್ಲಿ ಬುಕಿಂಗ್:

ಜಿಯೋ ಫೋನ್ ಬುಕಿಂಗ್ ಅನ್ನು ಮೂರು ಮಾದರಿಯಲ್ಲಿ ಬುಕ್ ಮಾಡಬಹುದಾಗಿತ್ತು. ಜಿಯೋ ವೆಬ್, ಜಿಯೋ ಆಪ್ ಮತ್ತು ಜಿಯೋ ಸ್ಟೋರ್ ಗಳಲ್ಲಿ ಫೋನ್ ಬುಕ್ ಮಾಡಬಹುದಾಗಿತ್ತು.

ರೂ.500 ನೀಡಿ ಬುಕಿಂಗ್:

ಜಿಯೋ ನೀಡಿರುವ ಮಾಹಿತಿಯಂತೆ ಈಗಾಗಲೇ ಜನರು ರೂ.500 ಆಡ್ವಾನ್ ನೀಡಿ ಜಿಯೋ ಫೋನ್ ಬುಕ್ ಮಾಡಿದ್ದಾರೆ ಎನ್ನಲಾಗಿದೆ. ನೀವು ಸಹ ಮುಂದೆ ಜಿಯೋ ಫೋನ್ ಬುಕ್ ಮಾಡಬೇಕಾದರೆ ಇಷ್ಟೆ ಆಡ್ವಾನ್ಸ್ ನೀಡಬೇಕಾಗಿದೆ.

ಸದ್ಯಕ್ಕೆ ನಿಲ್ಲಿಸಿದ ಬುಕಿಂಗ್:

ಜಿಯೋ ನಿರೀಕ್ಷಿಸಿದ ಮಟ್ಟಕ್ಕಿಂತ ಹೆಚ್ಚಿನ ಜನರು ಬುಕಿಂಗ್ ಮಾಡಿದ ಕಾರಣಕ್ಕಾಗಿ ಜಿಯೋ ಸದ್ಯಕ್ಕೆ ಜಿಯೋ ಫೋನ್ ಬುಕಿಂಗ್ ಅನ್ನು ನಿಲ್ಲಿಸಿದೆ ಎನ್ನಲಾಗಿದೆ. ಶೀಘ್ರವೇ ಬುಕ್ಕಿಂಗ್ ಅನ್ನು ಆರಂಭಿಸಲಿದೆ ಎನ್ನಲಾಗಿದೆ.

ಮತ್ತೇ ರಿಜಿಸ್ಟರ್ ಆಗಿ:

ಜಿಯೋ ಫೋನ್ ಕೊಳ್ಳಬೇಕು ಎಂದವರು ಮತ್ತೆ ರಿಜಿಸ್ಟರ್ ಆಗಬೇಕು ಎನ್ನಲಾಗಿದೆ. ಇದರಿಂದ ಜಿಯೋ ತನ್ನ ಫೋನ್ ಬುಕಿಂಗ್ ಆರಂಭವಾದ ನಂತರದಲ್ಲಿ ಬುಕಿಂಗ್ ಮಾಡಲು ಅವಕಾಶವನ್ನು ನೀಡಲು ಮುಂದಾಗಲಿದೆ ಎನ್ನಲಾಗಿದೆ.