ಅಂಬಾನಿ ಮಾಸ್ಟರ್ ಪ್ಲಾನ್: ಸೈಲೆಂಟಾಗಿ ಜಿಯೋ ಫೋನ್ ಬಳಕೆದಾರರಿಗೆ ಕೊಟ್ಟದೇನು..?

ಬದಲಾಯಿತು ಜಿಯೋ ಫೋನ್ ಪ್ಲಾನ್:

ಈ ಹಿಂದೆ ಜಿಯೋ ಫೋನ್ ಲಾಂಚ್ ಮಾಡಿದ ಸಂದರ್ಭದಲ್ಲಿ ಜಿಯೋ ತನ್ನ ಬಳಕೆದಾರರಿಗೆ ರೂ.153 ಪ್ಲಾನ್ ಘೋಷಣೆ ಮಾಡಿತ್ತು. ಇದರಲ್ಲಿ ಗ್ರಾಹಕರು ಪ್ರತಿ ನಿತ್ಯ 500MB 4G ಡೇಟಾವನ್ನು ಬಳಕೆ ಮಾಡಿಕೊಳ್ಳಬಹುದಾಗಿತ್ತು, ಇದಲ್ಲದೇ ಉಚಿತವಾಗಿ ಕರೆಮಾಡುವ ಅವಕಾಶವನ್ನು ಪಡೆದುಕೊಂಡಿದ್ದರು. ಅಲ್ಲದೇ ಉಚಿತ SMS ಅನ್ನು ಸಹ ಕಳುಹಿಸುವುದಲ್ಲದೇ, ವೇಗದ ಡೇಟಾ ಪ್ಯಾಕ್ ಮುಗಿದ ಮೇಲೆಯೂ ಕಡಿಮೆ ವೇಗದ ಡೇಟಾವನ್ನು ಬಳಕೆ ಮಾಡಿಕೊಳ್ಳುವ ಅವಕಾಶವು ಇತ್ತು. ಆದರೆ ಈಗ ಇದು ಬದಲಾಗಿದೆ.

ಹೊಸ ಪ್ಲಾನ್:

ಜಿಯೋ ಸೈಲೆಂಟ್ಆಗಿ ತನ್ನ ಜಿಯೋ ಫೋನ್ ಬಳಕೆದಾರರಿಗೆ ಹೊಸ ಮಾದರಿಯ ಆಫರ್ ಅನ್ನು ನೀಡಲು ಮುಂದಾಗಿದೆ. ಈ ಪ್ಲಾನ್ ನಲ್ಲಿ ಇನ್ನು ಮುಂದೆ ಜಿಯೋ ಬಳಕೆದಾರರು ಪ್ರತಿ ನಿತ್ಯ 1GB ಡೇಟಾವನ್ನು ಬಳಕೆ ಮಾಡಿಕೊಳ್ಳಬಹುದಾಗಿದೆ. ಅಲ್ಲದೇ ಇದು 28 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ಅದನ್ನು ಬಿಟ್ಟರೆ ಉಳಿದೆಲ್ಲವೂ ಹಿಂದಿನಂತೆಯೇ ಇರಲಿದೆ.

ಜಿಯೋ ಫೋನ್:

ಈಗಾಗಲೇ ಎರಡು ಹಂತದಲ್ಲಿ ಜಿಯೋ ಫೋನ್ ಮಾರಾಟ ಮಾಡಿರುವ ಜಿಯೋ ಮುಂದಿನ ದಿನದಲ್ಲಿ ಭಾರತದಲ್ಲಿಯೇ ಜಿಯೋ ಫೋನ್ ನಿರ್ಮಾಣ ಮಾಡಲಿದೆ ಎನ್ನಲಾಗಿದೆ. ಈ ಹಿನ್ನಲೆಯಲ್ಲಿ ಈ ಆಫರ್ ಹೆಚ್ಚು ಮಂದಿ ಜಿಯೋ ಫೋನ್ ಖರೀದಿಸುವಂತೆ ಮಾಡಲಿದೆ ಎನ್ನಲಾಗಿದೆ.

Jio Free Caller Tune ! ಜಿಯೋ ಉಚಿತ ಕಾಲರ್‌ಟೂನ್ ಬಳಕೆ ಹೇಗೆ..?

ಭಾರತದಲ್ಲಿಯೇ ಉತ್ಪಾದನೆ:

ಈಗಾಗಲೇ ಭಾರತದಲ್ಲಿಯೇ ಜಿಯೋ ಫೋನ್ ಉತ್ಪಾದನೆಯನ್ನು ಜಿಯೋ ಆರಂಭಿಸಿದೆ ಎನ್ನಲಾಗಿದೆ. ಶೀಫ್ರವೇ ಈ ಕಾರ್ಯಕ್ಕೆ ಚಾಲನೆ ದೊರೆಯಲಿದ್ದು, ಈ ಹಿನ್ನಲೆಯಲ್ಲಿ ಜಿಯೋ ಫೋನ್ ಬೆಲೆಯೋ ಇನಷ್ಟು ಇಳಿಕೆಯಾಗುವ ಸಾಧ್ಯತೆಯೂ ಇದೆ ಎನ್ನಲಾಗಿದೆ.