ಜಿಯೋ ಮಾಸ್ಟರ್‌ ಪ್ಲ್ಯಾನ್‌; ಒಂದೇ ಸೂರಿನಡಿ ನೂರು ಸೇವೆ ಒದಗಿಸುವ 'ಸೂಪರ್‌ ಆಪ್‌'!

ಇ ಕಾಮರ್ಸ್‌ ಎಂಟ್ರಿ

ಈಗಾಗಲೇ ರಿಲಾಯನ್ಸ್ ಸಂಸ್ಥೆಯು ಬಹುತೇಕ ಎಲ್ಲ ಕ್ಷೇತ್ರಗಳಲ್ಲಿ ತನ್ನ ಛಾಪನ್ನು ಮೂಡಿಸಿದ್ದು, ಹಾಗೇ ಇ ಕಾಮರ್ಸ್‌ ಸೇವೆಗೆ ಬರುವುದು ಸಹ ಹೊಸ ವಿಷಯವೆನಲ್ಲ. ಆದರೆ ಸದ್ಯ ಈಗಿರುವ ಪ್ರಮುಖ ಇ ಕಾಮರ್ಸ್‌ ತಾಣಗಳಿಗಿಂತ ಭಿನ್ನವಾಗಿ ಗ್ರಾಹಕರಿಗೆ ಪರಿಚಿತವಾಗಲಿರುವುದು ವಿಶೇಷ ಎನಿಸಲಿದೆ.

ಇತರೆ ಇ ಕಾಮರ್ಸ್‌ ತಾಣಗಳಿಗೆ ಭಯ

ಟೆಲಿಕಾಂ ನೆಟವರ್ಕ್‌ ಕ್ಷೇತ್ರಕ್ಕೆ ರಿಲಾಯನ್ಸ್ ಜಿಯೊ ಮೂಲಕ ಎಂಟ್ರಿಕೊಟ್ಟು ದೇಶಿಯ ಟೆಲಿಕಾಂ ವಲಯದಲ್ಲಿ ಭಾರಿ ಸಂಚಲನ ಸೃಷ್ಟಿಸಿತ್ತು. ಇದೀಗ ರಿಲಾಯನ್ಸ ಇ ಕಾಮರ್ಸ್‌ ವಲಯದಲ್ಲಿ ಹೊಸ ಕ್ರಾಂತಿ ಮಾಡಲಿದೆ ಎನ್ನಲಾಗುತ್ತಿದ್ದು, ಪ್ರಸ್ತುತ ಮಾರುಕಟ್ಟೆಯಲ್ಲಿರುವ ಜನಪ್ರಿಯ ಇ ಕಾಮರ್ಸ್‌ ತಾಣಗಳಿಗೆ ಭಯ ಮೂಡಿಸಿದೆ.

ಸೂಪರ್‌ ಆಪ್‌

ರಿಲಾಯನ್ಸ್‌ 'ಸೂಪರ್‌ ಆಪ್‌' ಅನ್ನು ಪರಿಚಯಿಸುವ ಮೂಲಕ ಇ ಕಾಮರ್ಸ್‌ ವಲಯಕ್ಕೆ ಬರಲಿದ್ದು, ಹೆಚ್ಚಿನ ಗ್ರಾಹಕರನ್ನು ತಲುಪುವ ಗುರಿಯನ್ನು ಹೊಂದಿದೆ. ಹಾಗೇ ವ್ಯಾಪಾಸ್ಥರನ್ನು ಇ ಕಾಮರ್ಸ್‌ ವ್ಯಾಪ್ತಿ ಒಳಗೆ ಸೇರಿಸುವ ಯೋಜನೆಯು ಸಹ ಇದೆ ಎನ್ನಲಾಗಿದೆ.

ಆನ್‌ಲೈನ್‌ ಟು ಆಫ್‌ಲೈನ್

ಆನ್‌ಲೈನ್‌ ಟು ಆಫ್‌ಲೈನ್ ಕಾನ್ಸೆಪ್ಟ್‌ ಅನ್ನು ಹೊಂದಿರುವ ಕಂಪನಿಯು ದೇಶದಲ್ಲಿನ ಸುಮಾರು ಮೂರು ಕೋಟಿ ವ್ಯಾಪಾರಸ್ಥರನ್ನು ಈ ಸೇವೆಯ ವ್ಯಾಪ್ತಿಗೆ ಒಳಪಡಿಸಿಕೊಳ್ಳಲಿದೆ ಎಂದು ಹೇಳಲಾಗುತ್ತಿದೆ. ಇದರೊಂದಿಗೆ ವ್ಯಾಪಾರಸ್ಥರ ವ್ಯವಹಾರವನ್ನು ಅಭಿವೃದ್ಧಿ ಪಡೆಸುವುದು ಆಗಿದೆ.

ಒಂದೇ ಸೂರಿನಡಿ ಹಲವು ಸೇವೆಗಳು

ಕಂಪನಿಯ ಸೂಪರ್‌ ಆಪ್‌ನಲ್ಲಿ ಸೂಪರ್‌ ಐಡಿಯಾವನ್ನು ಮಾಡಸಿದ್ದು, ಒಟ್ಟು ನೂರು ಸೇವೆಗಳನ್ನು ಈ ಆಪ್‌ನಲ್ಲಿ ಗ್ರಾಹಕರಿಗೆ ಪರಿಚಯಿಸಲಿದೆ. ಗ್ರಾಹಕರಿಗೆ ಅಗತ್ಯವಿರುವ ಟಿಕೆಟ್ ಬುಕ್ಕಿಂಗ್, ಪೇಮೆಂಟ್ಸ್‌ ಆಯ್ಕೆಗಳು, ಸೇರಿದಂತೆ ಉತ್ಪನ್ನಗಳ ಖರೀದಿ ಮತ್ತು ಮಾರಾಟ ಮಾಡುವ ಸೇವೆಗಳು ಸಹ ಈ ಆಪ್‌ನಲ್ಲಿ ಸೇರಿರಲಿವೆ ಎನ್ನಲಾಗಿದೆ.