ಕೇಬಲ್ ಮತ್ತು ಡಿ2ಎಚ್‌ ಬ್ಯುಸಿನೆಸ್‌ಗೆ ಕಂಟಕವಾದ 'ನೆಟ್‌ಫ್ಲಿಕ್ಸ್‌'!

ಹೆಚ್ಚುತ್ತಿರುವ ಬೇಡಿಕೆ

ಪ್ರಸ್ತುತ ನೆಟ್‌ಫ್ಲಿಕ್ಸ್ ಮತ್ತು ಅಮೆಜಾನ್‌ ಪ್ರೈಮ್‌ ಆಪ್‌ಗಳ ಬೇಡಿಕೆ ಹೆಚ್ಚುತ್ತಿದ್ದು, ಕೇಬಲ್ ಬ್ಯುಸಿನೆಸ್‌ಗೆ ಕ್ರಮೇಣ ಪೆಟ್ಟು ಬೀಳುತ್ತಿದೆ. ಈಗ ಸ್ಮಾರ್ಟ್‌ಟಿವಿ ಮತ್ತು ಆಂಡ್ರಾಯ್ಡ್‌ ಟಿವಿಗಳಲ್ಲಿ ನೆಟ್‌ಪ್ಲಿಕ್ಸ್ ಮತ್ತು ಅಮೆಜಾನ್‌ ಪ್ರೈಮ್ ಒಳಗೊಂಡಂತೆ ಜನಪ್ರಿಯ OTT ಆಪ್ಸ್‌ಗಳು ಇನ್‌ಬಿಲ್ಟ್‌ ಆಗಿ ಲಭ್ಯವಾಗುತ್ತಿವೆ. ಜೊತೆಗೆ ಟೆಲಿಕಾಂ ಸಂಸ್ಥೆಗಳು ರಿಯಾಯಿತಿ ಬೆಲೆಯಲ್ಲಿ ಇಂಟರ್ನೆಟ್‌ ಸೇವೆಯ ಆಫರ್ ನೀಡುತ್ತಿವೆ ಈ ನಿಟ್ಟಿನಲ್ಲಿ ವಿಡಿಯೊ ಸ್ಟ್ರಿಮಿಂಗ್ ಸೇವೆಗಳೆ ಬೇಡಿಕೆ ಅಧಿಕವಾಗುತ್ತಿದ ಎನ್ನಬಹುದು.

ನೆಟ್‌ಫ್ಲಿಕ್ಸ್‌ ಆಪ್

ಸದ್ಯ ಭಾರೀ ಜನಪ್ರಿಯತೆಗಳಿಸಿರುವ ವಿಡಿಯೊ ಸ್ಟ್ರಿಮಿಂಗ್ ಆಪ್‌ ಇದಾಗಿದ್ದು, ಮೊಬೈಲ್‌, ಆಂಡ್ರಾಯ್ಡ್‌ ಟಿವಿ ಮತ್ತು ಸ್ಮಾರ್ಟ್‌ಟಿವಿಗಳ ಪ್ಲಾಟ್‌ಫಾರ್ಮ್‌ನಲ್ಲಿ ಲಭ್ಯವಾಗುತ್ತಿದೆ. ನೆಟ್‌ಫ್ಲಿಕ್ಸ್‌ ಆಪ್‌ನಲ್ಲಿ ಜನಪ್ರಿಯ ಟಿವಿ ಕಾರ್ಯಕ್ರಮಗಳನ್ನು ಮತ್ತು ಸಿನಿಮಾಗಳನ್ನು ವೀಕ್ಷಿಸಬಹುದಾಗಿದೆ. ಹಾಗೆಯೇ ಈ ಆಪ್‌ನ ವೆಬ್‌ ಸಿರೀಸ್‌ ಶೋಗಳು ಸಹ ಗ್ರಾಹಕರನ್ನು ಆಕರ್ಷಿಸುವಲ್ಲಿ ಯಶಸ್ವಿಯಾಗಿವೆ. ಕ್ವಾಲಿಟಿಯು ಸಹ ಅತ್ಯುತ್ತಮ ಆಗಿದ್ದು, ಚಂದಾದಾರರಾಗಬೇಕು.

ಅಮೆಜಾನ್‌ ಪ್ರೈಮ್‌

ಅಮೆಜಾನ್‌ ಸಂಸ್ಥೆಗೆ ಸೇರಿದ ಅಮೆಜಾನ್‌ ಪ್ರೈಮ್‌ ಅತ್ಯುತ್ತಮ ವಿಡಿಯೊ ಸ್ಟ್ರಿಮಿಂಗ್ ಆಪ್‌ ಆಗಿ ಗುರುತಿಸಿಕೊಂಡಿದೆ. ಇಲ್ಲಿಯೂ ಸಹ ಗ್ರಾಹಕರು ಜನಪ್ರಿಯ ಟಿವಿ ಕಾರ್ಯಕ್ರಮಗಳು, ಹಿಟ್‌ ಸಿನಿಮಾಗಳು ಮತ್ತು ವೆಬ್‌ ಸಿರೀಸ್‌ ಶೋಗಳನ್ನು ವೀಕ್ಷಿಸಬಹುದಾಗಿದೆ. ಪ್ರಾದೇಶಿಕ ಭಾಷೆಗಳಲ್ಲಿಯೂ ಲಭ್ಯವಿದ್ದು, ಜಾಹಿರಾತು ರಹಿತವಾಗಿ ವೀಕ್ಷಿಸುವ ಅವಕಾಶವಿದೆ. ವಿಡಿಯೊಗಳ ಗುಣಮಟ್ಟವು ಹೈ ಕ್ವಾಲಿಟಿಯಲ್ಲಿ ಇರುತ್ತವೆ.

ಹಾಟ್‌ಸ್ಟಾರ್‌ ಆಪ್

ಹಾಟ್‌ಸ್ಟಾರ್‌ ಸಹ ಜನಪ್ರಿಯ ವಿಡಿಯೊ ಸ್ಟ್ರಿಮಿಂಗ್ ಆಪ್‌ ಆಗಿದ್ದು, ಲೈವ್‌ ಸ್ಪೋರ್ಟ್ಸ್‌ಗಳನ್ನು ಪ್ರಸಾರ ಮಾಡಿ ಭಾರಿ ಜನಪ್ರಿಯತೆಗಳಿಸಿದೆ. ಹಾಗೆಯೇ ಈ ಆಪ್‌ನಲ್ಲಿಯೂ ಸಹ ಜನಪ್ರಿಯ ಟಿವಿ ಕಾರ್ಯಕ್ರಮಗಳು, ಹಿಟ್‌ ಸಿನಿಮಾಗಳು ಮತ್ತು ವೆಬ್‌ ಸಿರೀಸ್‌ ಶೋಗಳನ್ನು ಗ್ರಾಹಕರು ವೀಕ್ಷಿಸಬಹುದಾಗಿದ್ದು, ಕೆಲವು ಪ್ರಾದೇಶಿಕ ಭಾಷೆಗಳ ಲಭ್ಯತೆ ಇದೆ. ಅತ್ಯುತ್ತಮ ವೀಕ್ಷಣೆ ಪಡೆಯಲು ಚಂದಾದಾರರಾಗಬೇಕು.